Odeyi 16:36 - IWE ỌNỊNỊ

³⁶ Dị ọga anịnẹngwa kà a yị Ịpọọrụ ka, “Ọmọkarẹyị ệ tụ́ vẹ ka à hụrẹ ẹwụrị Isira ụvọ. Agụvị avọọ waa na ịnị ẹngwọọrọ nịnị!”

Odeyi 16:36 ပူးပေါင်းရင်းမြစ်များ

2 Ohinọyị 5:19

Dị Erisa ka, ọọ na ịnị ẹngwọọrọ nị. Di Igehazi varẹma aa nọ eehi anị nị.

Ọyịkụra 4:18

Di Imosiisi varẹma ne tù Ijetiro ana vị ọyẹ anị dị ọ ka ọ̀ jẹẹ ọnị ọ̀ varẹma nọ Ijipiti di ọnị ò ne hee anda ẹnịnị ene hi ịzọọ ẹnịnị ẹ̀ẹ da hi. Dị Ijetiro ka ọ̀ naavẹ nị.

Ịmaakị 5:34

Dị Ijeesu kà a yọ ka, “Ozi, ẹdọwụ awụ ọ sị wụ mẹ ụkụ, waa na ịnị ẹngwọọrọ, dị ẹngụ awụ ọ̀ ta!”

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Odeyi 15:33

Ịjị ẹ sị ụhwọ tụ́ ịzọọ chee, dị ọdọwụ ẹnẹẹ sị wa na tụ́ ịnị ẹngwọọrọ nị. Dị ẹ varẹma ne tù aza ana tụ́ wa ụtụ nị.

Odeyi 16:23

Ịjị a sị wa tụ́ ẹtẹẹtẹrẹ, dị a kụ́ wa và hi ịnị ẹngwa nị. Di e hú ọga anịnẹngwa nịnị ị ụvọ ka ò chire oze hi wa nganganga nị.

Odeyi 16:27

Dị ọga anịnẹngwa ọnọọ sị ha nị. O mè re ka oze ẹngwa ẹ kụ́ na hi ẹtẹ, di o ro o ka vị́ avaba anịnẹngwa ẹnẹẹ e si zwe nị. Agụvị avọọ, dị ọ tụ̀ ụhwọ ka ọnị ọ̀ wụ ẹngụ anị nị.

Odeyi 16:35

Ịjị eyi sị nị, dị ọmọkarẹyị ẹnẹẹ tụ́ iporisi ka ẹ̀ na kà a yị ọga ọnọọ ka ọ̀ hụrẹ aza ẹnẹẹ ụvọ nị.

Ọdọvịdị 18:6

Anireevi, ọza Ohomorihi, ộ kà a yị wa ka ẹẹ na beri ayị ọnẹtẹ agụvị ka Ohomorihi ọ saasa wa, ọ vaa sị ụsẹ ẹnịnị zoza.

1 Ịsamụwẹrị 1:17

Di Eri va ka ọọ na, ka ẹ yị vaa nyị ịrẹyị. Ọ kà Ohomorihi Anisirẹrị vaa sị ịsị ee sìi yọ.

1 Ịsamụwẹrị 20:42

Di Ijonatani ka Idevidi ọ̀ọ na ka ẹ yị vaa nyị ịrẹyị. Ọ kà ẹnị ẹ raà sị Ẹnẹyịmavara hị́ eku yị ẹngụ ka ọta ẹnị vị nị. Ọ kà Ẹnẹyịmavara ọ̀ vị onivenu tụ́ ịnị akakana ẹnịnị ọnịrị ozi ẹnịnị ịrẹma-ịrẹma pooro zịna-zịna. Di Idevidi sị hu, di Ijonatani ọnị re si hu aa nọ ịnị ẹkụra nị.

1 Ịsamụwẹrị 25:35

Di Idevidi dọ ịsa ana Abigẹrị kụ́ va yọ, dị ọ ka ọ̀ọ nọ eehi ka ẹ yị kụkụ nyị ịrẹyị nị. Ọ kà ọnị ộ wụ́ ịrẹyị ana Abigẹrị kà, ọnị ọ rẹ dọ.

1 Ịsamụwẹrị 29:7

Aarịhịnị varẹma dị waa na, ka ẹ yị nyị ịrẹyị. Asị ụ na mẹ ịrẹyị ana vaa kụ́ ọdọvịdị Anihwirisiti ayị, o!”