Odeyi 16:35 - IWE ỌNỊNỊ

³⁵ Ịjị eyi sị nị, dị ọmọkarẹyị ẹnẹẹ tụ́ iporisi ka ẹ̀ na kà a yị ọga ọnọọ ka ọ̀ hụrẹ aza ẹnẹẹ ụvọ nị.

Odeyi 16:35 ပူးပေါင်းရင်းမြစ်များ

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ijeremaya 5:22

Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Odeyi 16:34

Dị ọ sị Ịpọọrụ ọnịrị Isira nọ ini eehi anị, dị ọ sị ịsọyịrị yị wa nị. Ọnịrị aneehi anị kụkụ aa jẹ, agụvị ka ẹ sị Ohomorihi dọ wụ́.

Odeyi 16:36

Dị ọga anịnẹngwa kà a yị Ịpọọrụ ka, “Ọmọkarẹyị ệ tụ́ vẹ ka à hụrẹ ẹwụrị Isira ụvọ. Agụvị avọọ waa na ịnị ẹngwọọrọ nịnị!”

Odeyi 16:38

Dị iporisi ẹnẹẹ maanị na kà a yị ọmọkarẹyị ẹnẹẹ nị. Ẹ mẹ̀ wụ́ ka Aniroomi Ị́pọọrụ nịnị vị nị, angwa ô hí wa.

Odeyi 4:21

Dị anikootu kà wa ọnọ hu avọọ ẹtẹẹtẹrẹ, dị ẹ hụrẹ wa ụvọ nị. E yi re oze sị ụya rị wa, agụvị ka avaba aza vị ana aa sị ụgaa yị Ohomorihi agụvị ịsa ana mẹ.

Odeyi 5:40

Anikootu ệ dọ ịrẹyị anị, dị ẹ hị́ odeyi nịnị ngụ eehi, di e tụ́ wa ịjapa, dị ẹ mẹ ọda yị wa ka asị ẹ vana kà ịrẹyị ịnị ịrẹha Ijeesu nị. Dị ẹ hụrẹ wa ụvọ nị.

Ijosuwa 4:17

Avọọ Ijosuwa mẹ mẹ̀ ọda yị wa nị.