Odeyi 16:31 - IWE ỌNỊNỊ

³¹ Dị ẹ kà a yọ ka, “Sị ayị tụra Ijeesu Ananyị yị, ka ọ vaa dọ wụụ há beri aneehi awụ!”

Odeyi 16:31 ပူးပေါင်းရင်းမြစ်များ

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Ịjọọnụ 1:12

Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Odeyi 15:11

Ẹyị â dọ wụ́ ka agụvị ayamva Ijeesu Ikirisiti Ananyị yị ị sị há nị. Avọọ ẹ́nị mẹ̀ rẹ yà nị.”

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Odeyi 16:32

Dị ọ kà ịrẹyị Ananyị yịị yọ ọnịrị avaba aneehi anị nị.

Odeyi 18:8

Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Aniroomi 11:16

Àa raà dà Ịbụrẹẹdị ịpaapa yị Ohomorihi, ọnọọ vị ka avaba anị a sị yị Ohomorihi avọọ nị. Àa rẹ sị ẹpa ọchị ọnya tụ́ irenyi yị Ohomorihi, ọnọọ vị ka avaba ana vọ, Ohomorihi ọ nyị nị.

Anigaratiya 3:14

Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị.

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.