Odeyi 16:18 - IWE ỌNỊNỊ

¹⁸ Ẹkụhị ọrụrụ-ọrụrụ ọ maanị sị sị aa yịị kà nị. Ụpẹ ọnya kẹnẹ, ọ sị kụ́ Ịpọọrụ ayị, dị ọ vara eyi, dị ọ kà a yị ụhwẹ echu ọnọọ ka, “Ịnị ịrẹha Ijeesu mâ mẹ ọdaa wụ, ka wa jịnẹ hụụnị ẹngụ anị!” Dị ụhwẹ echu ọnọọ wụsẹ jịnẹ hụụnị ẹngụ anị nị.

Odeyi 16:18 ပူးပေါင်းရင်းမြစ်များ

Imatiwu 14:24

Ịjọnọọ ẹpa ọnị yà ịnị akakana irehu, ahị aa sị ọọ vaachi vaa hịrẹ, agụvị ka ahị aa tụ́ụ kú wa.

Ịmaakị 1:34

Ijeesu ộ mẹ̀ aza ọrụrụ-ọrụrụ ụkụ irenyi-irenyi ana za wa. Dị ọ rẹ dụ ụhwẹ echu ọrụrụ-ọrụrụ jịnẹ hụụnị ẹngụ aza nị. Ọ yị zẹẹ ka ụhwẹ echu ẹnẹẹ ẹ̀ kà ịsọnyị-ịsọnyị, agụvị ka ệ yẹ Ijeesu.

Ịmaakị 16:17

Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị.

Iruuku 9:1

Ẹkụhị ọnya, Ijeesu ộ hị́ ezirẹma anị ẹwụrẹva gụ, dị ọ sị ọda ọnịrị ụkata yị wa ka ẹ̀ naa dụ avaba ụhwẹ echu nịnị ị jịnẹ hụụnị ẹngụ aza, dị ẹ̀ rẹẹ mẹ aza ụkụ nị.

Odeyi 3:6

Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!”

Odeyi 9:34

Dị Ipita kà a yọ ka, “Eniyasi, Ijeesu Ikirisiti ọ sị wụ mẹ ụkụ booro aanị. Kwẹẹtẹ we tenyi ẹngụ awụ!” Obooboro, dị Eniyasi kwẹẹtẹ nị.

Anikorasi 2:15

Ị́rẹsụ apavahị ọnọọ, Ikirisiti ọ raà nyị ehuna avaba ụhwẹ echu nịnị ana nyị ụkata, dị ọ dọ wa ẹnya ịrẹkụ, dị ọ mẹ̀ ụhị nyị wa éyi avaba aza nị.