Odeyi 16:17 - IWE ỌNỊNỊ

¹⁷ Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Odeyi 16:17 ပူးပေါင်းရင်းမြစ်များ

Ahẹ Ụgama 57:2

Mê nowu na za Ohomorihi ana nẹba hu keekere Ọnị aa mẹ avaba ịsị aa rị mị ụyaa mị nị.

Ahẹ Ụgama 78:35

Ịjọnọọ dị ẹ sị tamayị ka Ohomorihi ọ zụ sị ẹnị tẹ ka asị a nyị ịsị ẹ mẹ̀ ẹnị nị.

Ịdanịyẹrị 3:26

Dị Inebukadineza nọ enoze ọba ịra ọnọọ, dị ọ hị́ wa nị, Isediraki! Imesaki! Abedinego! Ezi ahụ Ohomorihi ene hu kere-kere! Ẹ̀ jịnẹ vẹ. Dị ẹnịnị jịnẹ vẹ obobooro ọnọọ nị.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Ịdanịyẹrị 4:2

Ọ kà, Tangwa o nịnị e! Avaba aza ẹ sị ụtọ pe ẹtẹ dị ẹ̀ wụ́ ịrẹyị ịvọpa ọnị Ohomorihi Enehu kere-kere sị zụ ọnị.

Ịdanịyẹrị 5:18

Ọ kà, ohinọyị ọ̀ taarụ! Ohomorihi ene hu kere-kere ọ̀ vịdị sị ada anị Inebukadineza mẹ ohinọyị, dị ọ mẹ ka ọ̀ nyị ụbanyị ẹtẹẹtẹrẹ nị.

Ịdanịyẹrị 5:21

Ọ kà â dụ ọ hụụnị ẹkụra, dị ọ kụkụ aa mẹ̀ ebira uye ịnị avị nị. Ọnịrị ịkẹrịkẹtẹ ene hi ịnị avị ẹ vana rá dị aa rị avị anka ụnọ avọọ nị. Ịnị avị ọ vanaa sụ̀ dị eguhi ee chiree kụ ọ nị, ẹ yị hyakụ re aha tẹ̀. Avọọ ọ mẹ yà pooro ne tu ịjị ọ sị dọ ka Ohomorihi ọ nyị ịjọva avaba ẹhẹ nị, ọnịrị ka ọza enee ze e eyi ọ sịị̄ rị ohinọyị nị.

Ịdanịyẹrị 6:16

Ịzẹyịza dị ohinọyị mẹ ọda, dị ẹ na sị Ịdanịyẹrị, dị e ne e ngụ ịnị ụsị idu nịnị nị. Dị ohinọyị kà a yị Ịdanịyẹrị ka, Ohomorihi anị ọnị ọ sị ịzẹyịza aa hẹkẹ ọ̀ va dọ ọ ha nị.

Ịdanịyẹrị 6:20

Ịjị o tu ịzọọ, ayị anị vị ene du, dị o nowu, dị ọ ka: Ịdanịyẹrị, ọnụtụ Ohomorihi ana yara! Ohomorihi awụ ọnị ụ waa sị ịzẹyịzaa hẹkẹ ọ́ọ́ sị ụ dọ tụ hụụnị ụvọ idu nịnị kẹ?

Ijona 1:9

Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị.

Imika 6:6

Sị ị nyẹngụ sịị va yị Ẹnẹyịmavara kẹ? Sị ẹ vị ịsọvọ ọnị vaa sị va yọ? Ị yaa vaa tana tụra ẹtẹ ọvịdị anị beri ịsọvọ ezi imaaru ịrayị ọnya ana aā rị ịraa yọ?

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 8:29

Di e nowu zẹtẹ, dị ẹ ka, “Sẹ jị gẹ ẹyịrị ẹwụ, ẹwụ Ijeesu Ozi Ohomorihi? Ụ wáá vẹ ịzẹnị ka wa va sị ụya rị yị, dị ụmẹ ò ve tù nị?”

Ịmaakị 1:24

dị ọ ka, “Navọ yị hẹẹ, sẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị; ẹwa vị Ọza Ọnịnị Ohomorihi nị.”

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Ịmaakị 5:7

Di o nowu tụ́ ẹba nị, dị ọ ka, “Ijeesu, Ozi Ohomorihi ana ya ẹbẹẹba keekere, sẹ jị gẹ ẹmịrị ẹwụ? Aarịhịnị, mâ sị Ohomorihi dá ịpẹ wụ, asị ụ sị ụya rị mị!”

Iruuku 1:77

dị ụ wa rẹ na sị zụ̀ aza anị ka ọ vaa dọ waa há, agụvị ka ọ vaa vagu wa ịnị ịvị ẹnịnị.

Iruuku 1:79

Ọ vaa sị ẹtohweyi yị aza ene hi ịnị ịrahụ, dị ẹ yà ịnị ụvọ isu. Ọ vaa zụ̀ yị oze ẹngwọọrọ.”

Iruuku 20:21

Dị aza ẹnẹẹ na họ̀ Ijeesu use ka, “Nda, yâ yẹ ka ịrẹyị ịzẹyịza ụ waa kà, dị ụ raa sịị zụ̀ aza nị. We mē re eyi ọza, ịzẹyịza oze Ohomorihi kẹnẹ, ụ sịị̄ zụ̀ aza nị.

Iruuku 4:34

dị ọ ka, “Navọ yị hẹẹ, sị ẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị, ẹwa vị Ọza Ọnịnị Ohomorihi nị.”

Iruuku 4:41

Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.

Iruuku 8:28

O mè re Ijeesu, di o nowu zẹtẹ, dị ọ tana tụra ẹtẹ ọ́vịdị anị, di o nowu tụ́ ẹba ka, “Sị ẹ jị gẹ ẹmịrị ẹwụ, Ijeesu ana vị Ozi Ohomorihi ana nẹba hu keekere? Aarịhịnị, mâ dá ịpẹ wụ, asị ụ sị ụya rị mị!”

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Odeyi 18:26

Di o nyima aa sị ọtụtụrụma kà ịrẹyị ini irehi Ohomorihi Aniju nị. Ípirisira ọnịrị Akwira mẹ̀ wụ́ ịrẹyị anị, dị ẹ sị ọọ nọ ini eehi, dị ẹ sị oze Ohomorihi zụ̀ ọọ ẹtẹẹrẹ huna avọọ nị.

Odeyi 19:13

 nyị Aniju ẹnyị anaā ngwọọ zị, dị ẹnị rẹẹ̄ dụ ụhwẹ echuu jịnẹ hụụnị ẹngụ aza nị. Ẹnị ree sì ka ẹnị ẹ̀ hị́ ịrẹha Ijeesu tụra aza ana nyị ụhwẹ echu. Dị ẹ ka, “Ịnị ịrẹha Ijeesu ọnị Ịpọọrụ aa kà ịrẹyị anị, yáa mẹ ọdaa wụ nịnị!”

1Ipita 2:16

Waa mẹ anka aza ana nyị ẹngụ anị nịnị, ama asị ụ sị ọnọọ kà eyi hi, dị ụ waa mẹ̀ ịsa odivi; ama waa mẹ anka ozi ahụ Ohomorihi nịnị.

2Ipita 2:2

Aza ọrụrụ-ọrụrụ vaa saasa ebira kẹnẹ-kẹnẹ ẹnịnị, dị ẹ mẹ ka aza ẹ̀ẹ kà ịrẹyị odivi oze ịzẹyịza Ohomorihi.