Odeyi 15:6 - IWE ỌNỊNỊ

⁶ Dị odeyi nịnị ọnịrị azọkụ ịragụ nịnị gẹ, ka eni è ro tụ́ ịnị ịrẹyị ọnọọ nị.

Odeyi 15:6 ပူးပေါင်းရင်းမြစ်များ

Ụhịrẹyị 15:22

Ọza ọnị ẹ yị dọ ajuwe ọza vị anaa hyẹdụ, ama ọza anaa dọ ajuwe aza ọ yị me nyee eyi.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:25

Ị mẹ̀ gẹ, avaba ayị ộ dọ ka ô zoza ka ya tụ́ hi wu nịnị. Agụvị avọọ ị nyị aza, dị ị tụ́ wa saasa Ịbanabasị ọnịrị Ịpọọrụ nị. Yee sì ịrẹyị ẹnịnị ẹtẹẹtẹrẹ.

Odeyi 15:4

Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 16:4

Ẹ màa na ịnị ẹkụra ẹnẹẹ, dị ẹ kà a yị ọdọwụ ene re hi ịzọọ ka è sị eyi pe ọda ana odeyi nịnị ọnịrị azọkụ ịragụ Ohomorihi mẹ Íjerusarẹmị nị.

Odeyi 21:18

Eyinẹhẹ anị, dị ẹyịrị Ịpọọrụ zị ne hee Ijemiisi nị. Avaba azọkụ ịragụ Ohomorihi hi ịzọọ.

Odeyi 6:2

Dị odeyi ẹwụrẹva ẹnẹẹ hị́ avaba ezirẹma ana vọ gụ, dị ẹ ka, “Ẹ yị vọrọ ka ya navọ ịrẹyị Ohomorihi tịtẹ, dị yaa gà ịsọyịrị.

Anihiburu 13:17

Waa wụ́ ịrẹyị chire ọdọvịdị awụ nịnị, dị ụ wa ká ịrẹsụ hi yị wa nịnị! Wáa yẹ ka ẹnị e sị eyi pe ụhwẹ awụ nịnị nị, agụvị ka ẹnịnị vaa kà enube ụkọrọ ẹnịnị. Waa wụ́ ịrẹyị ẹnịnị, agụvị ayị ẹnịnị è zụ hine ịnị ụkọrọ ẹnịnị. Wẹ̀ yị vavọọ mẹ, ayị ẹnịnị e zụ du, ọnọọ ọ́ yị zụ mẹ ọgụvọ wụ nịnị.

Anihiburu 13:7

Tamayị ọdọvịdị awụ nịnị ana kà ịrẹyị Ohomorihi wụ nịnị! Zama ọdịrẹma ẹhẹ ẹnịnị re, dị ụ wa sị ayị tụra Ohomorihi anka ẹnịnị!