Odeyi 15:39 - IWE ỌNỊNỊ

³⁹ Ahankata ẹnịnị ọnọọ ộ banyị pooro ne tù ka ẹnịnị sị há hi. Dị Ịbanabasị sị Ịmaakị, dị ẹ ngụ ẹpa, dị ẹ nọ Ịsayịpịrụsị nị.

Odeyi 15:39 ပူးပေါင်းရင်းမြစ်များ

Ahẹ Ụgama 106:33

Ẹnịnị ệ kụ̀ hịrẹ Ohomorihi ana mẹ ka Imosiisi ò nyee eyi kà ịrẹyị.

Ahẹ Ụgama 119:96

Ma sị yẹ ka avaba ịsa ộ nyị ẹhwị, ama ọda ọnị ụ mẹ vị ana gụ, ẹ yị nyị ịzị ụ yà nyee eyi ịnị anị.

Ịrẹyị Ọzwọzịsa 7:20

Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 12:12

Ịjị Ipita maanị sị yẹ, dị ọ nọ ini eehi Imeri ana vị ọnyị Ịjọọnụ ọnị ịrẹha ẹtẹ anị rị Ịmaakị nị. Aza ọrụrụ-ọrụrụ vị ana kụ́ gụ ịzọọ, dị ẹyaa mẹ̀ aduwa.

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 15:37

Ịbanabasị ee sì ka ẹnịrị Ịjọọnụ ọnị ịrẹha ẹtẹ anị rị Ịmaakị ẹ̀ zị.

Odeyi 27:4

Ị mẹ̀ sị hụụ ịzọọ, ahị aa tụ́ kú yi, dị ị sị ẹpa ayị zị oze Ịsayịpịrụsị éyi ọnị ọyịị̄ zịị hụrẹ nị.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Anikorasi 4:10

Arisitakọsị ẹnẹ ẹmịrịị yà ịnị ẹngwa ịzẹnị ka ọnị kụ́ wụ nịnị. Ịmaakị, ozi ọyịnyara Ịbanabasị, ka ọnị rẹ kụ́ wụ nịnị. Màa vịdị sị ọ kà a wụ nịnị ini oze anị ka ọ̀ọ vẹ ịda awụ nịnị, we sì ọọ ọzọga nịnị.

Ijemiisi 3:2

Avaba ayị oō nyeeyi ini oze irenyi-irenyi nị. Àa nyị ọza ene è yi mē nyeeyi kà ịrẹyị, ọza ọnọọ ọ́ọ gụ; ọ nyẹngụ rẹ sị ụvọ za ẹngụ anị bẹẹ.

1Ipita 5:13

Anịragụ Ohomorihi ana yà Ịbabịrọnị oni Ohomorihi dudu nyị ẹwụrịị nịnị ka ẹnị kụ́ wụ nịnị. Ịmaakị ozi emi ka ọnị rẹ kụ́ wụ nịnị.