Odeyi 15:36 - IWE ỌNỊNỊ

³⁶ Ịjị ọ da kù, ịnị ẹkụhị ọnya, dị Ịpọọrụ kà a yị Ịbanabasị ka, “Vẹ ya varẹma ne hee anda ayị nịnị ịnị avaba ẹkụra ọnị ị yà kà ịrẹyị Ananyị yị, di ye ne re wa, ẹ mẹmẹ yà!”

Odeyi 15:36 ပူးပေါင်းရင်းမြစ်များ

Ẹsịta 2:11

Eyinị-eyinị Imodekaya aa zi ụsẹ vàa chi vàa hịrẹ ịda ohinọyị agụvị dị ọ zụ yẹ Ẹsịta ọ̀ọ dahi nị. Di o re si ka ọnị ọ̀ yẹ ịsị èe tù Ẹsịta nị.

Ọyịkụra 4:18

Di Imosiisi varẹma ne tù Ijetiro ana vị ọyẹ anị dị ọ ka ọ̀ jẹẹ ọnị ọ̀ varẹma nọ Ijipiti di ọnị ò ne hee anda ẹnịnị ene hi ịzọọ ẹnịnị ẹ̀ẹ da hi. Dị Ijetiro ka ọ̀ naavẹ nị.

Ijeremaya 23:2

Ẹnẹyịmavara, Ohomorihi Anisirẹrị nịnị aa ka ẹ yị oseratẹmẹ nịnị ana vọrọ ka ẹẹ tẹsị aza anị ka: Wẹ yị tẹsị aza anị nịnị, Wa sị wa gara nịnị: wa raa dụ wa hi ozi nịnị. Booro aanị, ọnị aa vaa sị ụya avaba ebira odivi ọnị ụ mẹẹ rị ụ nịnị.

Imatiwu 25:36

M mẹ̀ yà ịnị ahwaahụ, wâ sị ịta kú mi ẹngụ nịnị. Ẹ́ngụ mẹ̀ raa zị mị, wê sì mi ụkụ nịnị. M mẹ̀ yà ịnị ẹngwa, we re ve hee mi nịnị.’

Imatiwu 25:43

M mẹ̀ vị ọzọga vẹ, we yi sì mi ọzọga nịnị. M mẹ̀ yà ịnị ahwaahụ, wẹ yị sị ịta kú mi ẹngụ nịnị. Ẹngụ ộ zị mị, mâ yà ịnị ẹngwa, we yi hee mi nịnị.’

Odeyi 13:12

Ịjị ọnọba ọnọọ re ịsị ẹ mẹ, ộ dọ Ohomorihi wụ́, agụvị ka ịrẹyị Ohomorihi ọnọọ wụ́ ô hí oo irenu.

Odeyi 13:4

Aza ẹnị ẹyịva ọnị Ụhwẹ Ọnịnị tụ́ ụtụ aanị, ê chí nọ Iserusiya, dị ẹ na ngụ ẹpa hụụ ịzọọ, dị ẹ nọ Ịsayịpịrụsị nị.

Odeyi 13:51

Dị Ịpọọrụ nịnị bànyị edudu ahụ ẹnịnị hi ịzọọ yị wa, dị ẹyaa nọ ẹkụra ana aā hị́ Ayịkọnịyọmị nị.

Odeyi 14:1

Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́.

Odeyi 14:21

Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị.

Odeyi 14:6

Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị.

Odeyi 7:23

“Ímosiisi mẹ̀ sị mẹ ịrayị ẹbẹẹva, ộ vẹ ịnị ayị anị ka oni ee nee hee aza anị ana vị Anisirẹrị nịnị.

Aniroomi 1:11

Ayị amị ộ sị ọọ ẹtẹẹtẹrẹ ka me ve hee wu nịnị, dị ma zụ sị ẹyịza ọnị Ụhwẹ Ohomorihi sị yị mị yị wụ nịnị, dị ụ wa zụ nyị ụkata nịnị.

2 Anịkọrịntị 11:28

À hyakụ kụ́ avaba ẹnẹ ẹ kwooze, ịrẹyị avaba anịragụ Ohomorihi vị ẹnya tụ́ ịnị ayị amị eyinị-eyinị.

Anihwiripi 1:27

Ịsị ẹ vị ịrẹyị obooro ọ vị ka ebira awụ nịnị ọ̀ yà anka ọ mẹ vọrọ tụra ọza ana dọ enube ọyịza wụ́. Me ve hee wu nịnị oo, mẹ yị vẹ oo, mee sì ka ma wụ́ ka wáa sị ayị ọnya jẹẹ geri-geri nịnị, di u we duduu sị ọnyaa dụ ịrẹyị enube ọyịza ọnị ụ dọ wụ́ nịnị.

1 Anịtẹsaronika 3:6

Itimoti ọ va zị hụụ ịdị awụ nịnị ve tù yi. Enube ọnị ọ za va kà a yị, óo zoza ka vị ụ yị sị ayị tụra Ikirisiti nịnị, du u ree yii sì ịrẹyị ọza nịnị nị. Ọ kà waa tamayị ayị nịnị pooro, ọnịrị ka eyi ayị aa tụra wụ nịnị ẹtẹẹtẹrẹ, anka éyi ẹwụ nịnị ọnị mẹ̀ raa tụra ẹyị.

2 Itimoti 1:4

Mâ tamayị ụ maa jị òrèrè. Eyi awụ aa tụra mị ẹtẹẹtẹrẹ; mee sì ka me re wu dị ayị amị ò zụ hine ẹtẹẹtẹrẹ.