Odeyi 15:32 - IWE ỌNỊNỊ

³² Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 15:32 ပူးပေါင်းရင်းမြစ်များ

Ịdanịyẹrị 11:1

Anggẹẹrị ọnọọ ka, ịnị ịrayị ịpaapa ọnị Ịdarịyọsị ana vị Animeedi sị rị ohinọyị, ọnị ộ na mẹ ọgụvọ yị Ịmayịkẹẹrị.

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 11:27

Ịnị ụmẹ ọnọọ, ọnịsẹ ẹnyị ệ hụrẹ Ijerusarẹmị nọ Antịyọkị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:27

Ya rẹ tụ́ Ijudasi ọnịrị Isira hi wu nịnị ka ẹ̀ rẹ sị irenu kà a wụ nịnị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 15:31

Ịjị aza ẹnẹẹ kà iwe ọnọọ, ayị ẹnẹnị ô hine ẹtẹẹtẹrẹ agụvị ụtụ ayọnẹtẹ ana a tụ́ hi wa.

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 18:23

Ộ yà Antịyọkị chee, dị ọ rẹ hụụ ịzọọ nị. Dị ọ zị oze Ịgaratịya ọnịrị Ihwirigiya na para hu, dị aa tụ́ ọdọwụ ene hi ịzọọ ọtụtụrụma nị.

Odeyi 2:40

Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Odeyi 20:2

Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị.

Aniroomi 12:6

Anka Óhomorihi mẹmẹ nyị ọzịnya-ọzịnya ayị iyi, dị ọ sị ụkata yị, avọọ a mẹ̀ vọrọ ka yaa sị ụkata ọnọọ mẹ̀ ụkọrọ nị. Ohomorihi ọ̀ọ sị ụkata yị ka ya vị ọnịsẹ, áa vọrọ ka yaa kà ịsẹ ọnọọ, anka ịzị Ohomorihi mẹ̀ ka ya dọ wụ́ ne tù.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

1 Anịkọrịntị 14:29

Ẹhụụ aza ẹnị ẹẹva na ngụ ẹẹta avọọ ẹ zụ aa kà ịsẹ, dị aza ana vọ ẹ̀ẹ zama ịrẹyị ẹnẹ ẹ kà re!

1 Anịkọrịntị 14:3

Ama ọza ana aa kà ịsẹ vị ana aa kà ịrẹyịị yị aza. Ịrẹyị anị aa gụ aza ụvọ, ọ raa mẹ ka ayị aza ẹ̀ vị, dị èe hunẹnẹ wa ayị.

1 Anịkọrịntị 14:32

Ọza ana nyị ụkata ọyịkà ịrẹyị Ohomorihi, ọ̀ zụ sị ụvọ za ẹngụ anị!

Anẹhwẹsọsị 3:5

Ịyẹẹyẹ, Ohomorihi ọyị vịdị sị ịrẹyị ẹnẹẹ zụ̀ aza. Ama booro aanị, Ohomorihi ọ raà mẹ ka Ụhwẹ Ọnịnị ọ̀ sị zụ̀ odeyi ọnịnị ọnịrị ọnịsẹ anị nịnị.

1 Anịtẹsaronika 2:11

Wáa yẹ nịnị ka vị yaa mẹ ọza ịnya ọza ịnya awụ nịnị anka ada mẹ̀ẹ̄ mẹ ezi anị avọọ nị. Yâ tụ́ wụ nịnị ọtụtụrụma; ya rẹ sị ayohunẹnẹ yị wụ nịnị. Yê hú wu nịnị ụvọ

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

1 Anịtẹsaronika 4:1

Ẹwụ nịnị ẹyịnyara amị, jẹẹ maa kà ịsa ọnya, dị ma va za ịrẹyị amị ịrẹsụ: Ya raà sị zụ̀ wụ nịnị ẹngụ ebira ene zé Ohomorihi eyi ana a vọrọ ka waa mẹ nịnị. Avọọ ụ màa mẹ nịnị da nị. Aarịhịnị, yáa sị Ijeesu Ananyị yị dá ịpẹẹ wụ nịnị ka waa sịị vụrịị hu avọọ nịnị.

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

1 Anịtẹsaronika 5:20

Asị ụ sị eyi wụ̀ ịrẹyị ẹnẹnị.

2 Anịtẹsaronika 3:12

Yáa sị ịrẹha Ijeesu Ikirisiti Ananyị yị mẹ ọda yị ẹngụ aza ana vavọọ aa mẹ, ya rẹ hú wa ụvọ ka ẹ̀ẹ mẹ̀ ụkọrọ ẹnịnị hẹẹ, dị ẹ̀ rẹẹ mẹ̀ ụkọrọ ẹnẹ ẹ vaa rị ịnị anị.

1 Itimoti 2:1

Tụ́ ọvịdị da, maa dá ịpẹ ka aza ẹ̀ẹ mẹ̀ aduwa ẹtẹẹtẹrẹ, ẹ̀ẹ mẹ ịpọda agụvị avaba aza, dị ẹ̀ rẹẹ kụ́ Ohomorihi avọọ yị avaba aza!

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.