Odeyi 15:29 - IWE ỌNỊNỊ

²⁹ Asị ụ rị ịsa ana a sị mẹ̀ ịsọvọ hi ori nịnị! Asị ụ rị anya nịnị; asị ụ rẹ rị uye enee sima ọrọkọ wụ nịnị! Asị ụ rẹ sẹ̀ ịrẹka nịnị! O vee zoza, wàa sị eyi pe ẹngụ awụ nịnị, dị ụ wẹ̀ yị mẹ̀ ịsa ẹnẹnị nịnị nị. Adịhyọsa nịnị!”

Odeyi 15:29 ပူးပေါင်းရင်းမြစ်များ

Oyinyima 9:4

Ọ kà ama asị ọ rị uye ana yị yà ịnị anị, agụvị ka ịnị ụhwẹ yà nị.

Ireevi 17:14

Ka ịnị ẹhẹ avaba ịsa ana yara ya nị; agụvị avọọ ọnị Ẹnẹyịmavara sị kà a yị ẹwụ nịnị Anisirẹrị ka, à sị ụ rị uye nị. Dị ọnị rẹ ka, ọza ana àa vavọọ mẹ, ọnị é yi me vene rò o vaka anda ẹnịnị nị.

Iruuku 9:61

Dị ọza ẹnẹsa ọnị rẹ ka, “Nda, maa dụ wụ ịrẹma, ama jẹẹ ma vịdị na kụ́ anda ayị nịnị ene hi eehi da.”

Odeyi 15:20

Ama à vẹ ya chẹrẹ iwe tụ́ hi wa ka asị ẹ nyị ụvọ tụ́ ịnị ịrẹyị ori, ka ọ va vara wa aza ẹnẹ ẹ̀ yị nị. À rẹ kà a yị wa ka asị ẹ rẹ sẹ̀ ịrẹka, asị ẹ rẹ̀ rẹ rị uye enee sima ọrọkọ wụ. Asị ẹ rẹ rị anya.

Odeyi 18:21

Ama ọ màa na, dị ọ kà a yị wa ka, “Ohomorihi òo sì, maa vaavẹ.” Dị ọ ngụ ẹpa hụrẹ Ẹhwẹsọsị aa na nị.

Odeyi 21:25

Ama àa vị ọdọwụ ẹnẹ ẹ̀ yị vị Aniju yọ, ya raà chẹrẹ iwe hi wa. Yâ kà a yị wa ka asị ẹ rị ịsa ana àa sị mẹ̀ ịsọvọ hi ori. Ị ka asị ẹ rị anya ọnịrị uye enee sima ọrọkọ wụ: dị asị ẹ rẹ sẹ̀ ịrẹka.”

Odeyi 23:30

Ma rẹ va wụ́ ka Aniju ẹnyị aa gẹ eyi anị, dị mị ka ma wụsẹ sị ọọ va wụ nị. Mâ kà a yị aza ana zaa, ka ẹ̀ vaa kà a ọ́vịdị awụ ịrẹyị ẹnẹẹ sị zaa.”

2 Anịkọrịntị 11:9

M mẹ̀ yà ịdị awụ nịnị, mèee sì ịsa, mẹ yị kụ́ ọọ kata wụ nịnị ẹngụ. Anda ayị ana hụ rẹ Imasedoniya vẹ, ẹ́ yaa sị ịsị mèe sì yị mị nị. Mẹ yị kụ́ ọọ kata wụ nịnị ẹngụ ịnị ẹngụ ịnị ịsọnyị-ịsọnyị. Avọọ m mẹ̀ yị vaa mẹ pooro nị.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

Iwe Ọhụhị Imosiisi ana aa hị́ Ọyịvatụrọda 12:16

Ama à sị ụ rị anya ẹnịnị kẹnẹ o. Ụ vaa và a hi ẹtẹ anka enyi avọọ nị.

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

1 Ịjọọnụ 5:21

Ẹwụ nịnị ezi emi, si eyi pe ẹngụ awụ nịnị, asị ụ na hẹkẹ ori nịnị o!

Ijudi 1:24

Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.

Ẹtore 2:14

Ama ịsa chee ọnị ụ wẹ̀ yị mẹ ẹtẹẹrẹ nịnị yị: Aza ẹnyị ịnị awụ nịnị ịzọọ aa saasa ịsị Ịbaraamị vịdị sị zụ̀ aza. Ịbaraamị ộ vịdị sị zụ̀ Ịbarakị ka ọ̀ mẹ ezi Anisirẹrị nịnị mẹ ịvị ini oze ka ộ mẹ̀ ka ẹ̀ rị ịsa ana a sị mẹ̀ ịsọvọ hi ori, dị ẹ̀ rẹẹ sẹ̀ ịrẹka.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.