Odeyi 15:25 - IWE ỌNỊNỊ

²⁵ Ị mẹ̀ gẹ, avaba ayị ộ dọ ka ô zoza ka ya tụ́ hi wu nịnị. Agụvị avọọ ị nyị aza, dị ị tụ́ wa saasa Ịbanabasị ọnịrị Ịpọọrụ nị. Yee sì ịrẹyị ẹnịnị ẹtẹẹtẹrẹ.

Odeyi 15:25 ပူးပေါင်းရင်းမြစ်များ

Imatiwu 11:26

Ọga, avọọ gẹdẹ-gẹdẹ o mè zé wu eyi nị.

Iruuku 1:3

Itiyohwịrọsị ada ayị, me reè sì iruvo avaba ịsa ẹnẹẹ chẹrẹkẹ hụrẹ ịzị e nyima hụrẹ. Agụvị avọọ mee ro ka â vọrọ ka ma chẹrẹ ẹ ahụ-ahụ tụ́ hi wu bẹẹ.

Odeyi 1:14

Dị ẹnịnị sị ayị yị ẹngụ, dị ẹyaa mẹ̀ aduwa pooro nị, beri anyẹnẹẹ ẹnyị ọnịrị Imeri ọnyị Ijeesu ọnịrị ẹyịnyara Ijeesu nịnị.

Odeyi 15:2

Agụvị avọọ, Ịpọọrụ ọnịrị Ịbanabasị ê pe wa nyị ahankata ẹtẹẹtẹrẹ. Dị ọdọwụ nịnị ka Ịpọọrụ ọnịrị Ịbanabasị ẹ̀ hịrẹ nọ Ijerusarẹmị ne tù odeyi ọnịrị azọkụ ịragụ Ohomorihi agụvị ịrẹyị ọnọnị nị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:35

Ịpọọrụ ọnịrị Ịbanabasị ệ yà Antịyọkị kù, dị ẹnịrị aza ọrụrụ-ọrụrụ aa kà ịrẹyị Ananyị yị, dị ẹyaa sị ịsaa zụ̀ aza nị.

Odeyi 15:6

Dị odeyi nịnị ọnịrị azọkụ ịragụ nịnị gẹ, ka eni è ro tụ́ ịnị ịrẹyị ọnọọ nị.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Odeyi 2:46

Eyinị-eyinị ẹ sịị̄ kụ́ gụ ini irehi Ohomorihi ịnị ayị ọnya nị. Di e dudu aa rị ịsaa vaabẹ ini eehi ẹnịnị, dị ẹyaa sị ịrajẹẹ gà ịsọyịrị ẹnịnị nị. Ệ sị ọọ rọ ẹngụ ẹnịnị ẹngụ.

Aniroomi 16:12

Kụ́ Itirihwena ọnịrị Itirihwosa ana aa mẹ ụkọrọọ yị Ananyị yị! kụ́ ọta amị Iperisi ana rẹ mẹ̀ ụkọrọ yị Ananyị yị ẹtẹẹtẹrẹ!

1 Anịkọrịntị 1:10

Ẹwụ nịnị ẹyịnyara amị, máa sị ịrẹha Ijeesu Ikirisiti Ananyị yị dá ịpẹ wụ nịnị ka wa sị ịnẹ yị ẹngụ nịnị. Asị ụ zẹẹ ka ẹhahi ọ̀ ngụ ịnị akakana awụ nịnị! Và ụvọ bẹ ẹtẹẹtẹrẹ nịnị, dụ wa nyị ayị ọnya nịnị, dụ wa rẹ nyị ariro ọnya nịnị!

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anẹhwẹsọsị 6:21

Ịtayịkịkọsị vị ẹnẹbẹnị ayị ini Ikirisiti, yee sì ịrẹyị anị ẹtẹẹtẹrẹ. Ayị ọnya, aa sịị mẹ ụkọrọọ yị Ananyị yị nị. Ọ vaa kà enube amịị zụ̀ wụ nịnị, dị ụ wa zụ yẹ, m mẹmẹ yà nịnị.

Anikorasi 4:7

Ịtayịkịkọsị vị ẹnẹbẹnị ayị ini oze Ijeesu. Ọ vaa vẹ, dị ọ̀ kà avaba enube ini oze amịị wụ nịnị. Mée sì ịrẹyị anị agụvị ka aa sị ayị ọnyaa mẹ ụkọrọọ yị ịragụ Ohomorihi. Ẹmịrị ọ o dudu vị ozi ahụ Ananyị yị.

Anikorasi 4:9

Ọnịrị Onesimọsị ẹnẹbẹnị ayị ini oze Ijeesu oni i sì ịrẹyị anị, aa zịị vẹ nị. Onesimọsịị ọnị vị ana rẹ sị ayị ọnya jẹẹ pe Ijeesu. Anda awụ nịnị ọ vị nị. Ẹ vaa kà a wụ nịnị avaba ịsị aa na ịzẹnị.

Ihwirimọnị 1:16

Ẹ́ yị kụkụ vị ọrịhị awụ kẹnẹ Onesimọsị vị, o si huna ọrịhị yị wụ. Ọyịnyara ayị ini Ikirisiti ọ kụkụ vị nị. Ịsa obooro ọ vị mị nị; máa yẹ ka ọ vaa vị ịsa obooro hu avọọ yị wụ anka ọza, dị ọ rẹ kụkụ va vị ọdọwụ bẹẹ.

2Ipita 3:15

Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị.