Odeyi 15:19 - IWE ỌNỊNỊ

¹⁹ Dị Ijemiisi rẹ ka, “Ini eyi amị, ayị vọrọ ka ya kụ́ ọọ kata Anigiriki ana và ká Ohomorihi vẹ ẹngụ.

Odeyi 15:19 ပူးပေါင်းရင်းမြစ်များ

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Odeyi 15:10

Agụvị avọọ, sị ẹ vẹ di u wee sì ka wa zama Ohomorihi re nịnị, di u wee sì ka we kune ẹnya tụra ezirẹma nịnị, ẹnya oni ohiku ayị nịnị beri ẹyị ẹ̀ yị zụ za?

Odeyi 15:24

Yâ wụ́ ka aza ẹnyị ana hụụnị akakana ayị vẹ, aa sẹ̀ ịrẹkaa kụ́ ọọ kata wụ nịnị ẹngụ. Eyee sì ka ẹnị ẹ̀ và ayị awụ nịnị zí. Ama yẹ yị tụ́ wa ụtụ vụrụ-vụrụ.

Odeyi 15:28

Ẹyịrị Ụhwẹ Ọnịnị ô ro o ka ô zoza ka à sị sị ẹnya ọrata tụra wụ nịnị, ẹ̀ yị vị ịrẹyị chee ẹnẹnị kẹnẹ, ana a nyị ka wa sị eyi pe nịnị:

Odeyi 21:21

A sị ọọ kà yị wa ka ụ waa sịị zụ̀ avaba Aniju ene hi ẹhẹ ka ẹ̀ và hụụnị ọda oni Imosiisi mẹ nị. A ka ẹwụ ka asị ẹ rẹ jị ozi ẹnịnị ụvẹvẹnẹ, dị ẹ̀ rẹ và hụụnị avaba ịsa ohiku Aniju nịnị.

Odeyi 21:25

Ama àa vị ọdọwụ ẹnẹ ẹ̀ yị vị Aniju yọ, ya raà chẹrẹ iwe hi wa. Yâ kà a yị wa ka asị ẹ rị ịsa ana àa sị mẹ̀ ịsọvọ hi ori. Ị ka asị ẹ rị anya ọnịrị uye enee sima ọrọkọ wụ: dị asị ẹ rẹ sẹ̀ ịrẹka.”

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.