Odeyi 15:13 - IWE ỌNỊNỊ

¹³ Ịjị ẹ sị ịrẹyị ẹnịnị kà ta, dị Ijemiisi tụ́ ohi nị, dị ọ ka, “Ẹwụ nịnị ẹyịnyara amị! Batọ ịrẹyị amị nịnị!

Odeyi 15:13 ပူးပေါင်းရင်းမြစ်များ

Ịmaakị 15:40

A rẹ nyị anẹẹ ẹnyị aanị ana jẹẹ ẹ́nẹẹnẹ, di eyee re ẹtẹ nị. Imeri Anịmagịdara ọnịrị Ịsarọmị yà ịnị ẹnịnị; Imeri ọnyị Ijemiisi oweyi ọnịrị Ijosẹsị ọnị rẹ yà ịzọọ bẹẹ.

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 15:14

Ịsayịmọnị ọ sị ọọ kà a yị, Óhomorihi ọnị ụvọta meme nyima aa sị ayịị tụ́ ịnị ịrẹyị Anigiriki bẹẹ. Agụvị avọọ dị ọ nyị aza hụụnị Anigiriki ka ẹ̀ vị aza anị nị.

Odeyi 2:14

Dị Ipita kwẹẹtẹ jẹẹ beri ẹnị ẹwụrọnya ana vọ, di o nowu tụ́ ẹba, dị ọ kà a yị aza ẹnẹẹ ka, “Ẹwụ nịnị anda ayị Anijudiya ọnịrị ẹwụ nịnị ana ra hi Ijerusarẹmị, batọ ịrẹyị amị, dị ma kà a wụ nịnị iruvo ịsị ẹ mẹ aanị.

Odeyi 2:22

Ẹwụ nịnị Anisirẹrị, sị ụtọ pe ịrẹyị ọnọnị nịnị! Ohomorihi ộ sị ụvọ tụ́ ọọ yị Ijeesu Anịnazarẹtị, ka ọ̀ọ mẹ̀ ụkọrọ ohyozirenu, dị ọ̀ọ sị apọtẹrẹwaa zụ̀ wụ nịnị. Ẹwụ nịnị ụvọta ộ yẹ ọsọnị, agụvị ka ịdị awụ nịnị ịzẹnị gẹdẹ-gẹdẹ ọ yà mẹ̀ ẹ nị.

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

Odeyi 21:18

Eyinẹhẹ anị, dị ẹyịrị Ịpọọrụ zị ne hee Ijemiisi nị. Avaba azọkụ ịragụ Ohomorihi hi ịzọọ.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Anigaratiya 1:19

Ẹ yị nyị odeyi ọsa oni mi re, àyị vị Ijemiisi kẹnẹ ana vị ọyịnyara Ananyị yị.

Anigaratiya 2:12

Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.