Odeyi 15:11 - IWE ỌNỊNỊ

¹¹ Ẹyị â dọ wụ́ ka agụvị ayamva Ijeesu Ikirisiti Ananyị yị ị sị há nị. Avọọ ẹ́nị mẹ̀ rẹ yà nị.”

Odeyi 15:11 ပူးပေါင်းရင်းမြစ်များ

Aniroomi 3:24

Ama Ohomorihi ọ́ọ vayị aza, dị ọ jị ịhị yị aza ọọhẹ kẹnẹ nị. Ini oze Ijeesu Ikirisiti ana hị́ aza varẹma ọ vavọọ sị mẹẹ nị.

Aniroomi 5:15

Ama oze oni Ohomorihi zịị sị ịsaa yị ọza ọọhẹ, o yi véné oze ana Adamị zị mẹ ịvị. Ịzẹyịza, aza ọrụrụ-ọrụrụ ê sú agụvị ịvị ọnị ọza ịnya ọnọọ mẹ. Ama ayamva Ohomorihi oni ô huna avọọ ẹtẹẹtẹrẹ. Ini oze ayamva ọza ịnya ana vị Ijeesu Ikirisiti, Ohomorihi ộ sị ẹyịza anị yị aza ọrụrụ-ọrụrụ ọọhẹ kẹnẹ.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

1 Anịkọrịntị 16:23

Ẹyịza ọọhẹ Ananyị yị Ijeesu Ikirisiti ọ̀ yà pe awụ.

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Anigaratiya 1:6

Ho! Ịrẹyị awụ nịnị ọ́ọ da hí mi irenu kẹnẹ! Wáa wụsẹ jịnẹ sị và hụrẹ ịrẹma Ohomorihi ana hị́ wụ nịnị ini oze ayamva Ikirisiti, ụ kụkụ aa dụ enube ọsa.

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

Ịtayịtọsị 2:11

Ohomorihi ọ raa sị ayamva anị zụ̀ avaba aza, ana zụ mẹ ka avaba aza ẹ̀ zụ há.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.