Odeyi 14:5 - IWE ỌNỊNỊ

⁵ Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta.

Odeyi 14:5 ပူးပေါင်းရင်းမြစ်များ

Ahẹ Ụgama 83:5

Ẹnịnị ẹ sị vabẹ, ẹ yaa gẹ eyi awụ.

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Iruuku 6:28

Waa mẹ̀ aduwa yị aza ene ee chìi hi wu nịnị, dị ụ wa rẹẹ mẹ̀ aduwa yị aza ana aa mẹ wụ nịnị kẹnẹ-kẹnẹ!

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 13:50

Dị Aniju nịnị tụ́ ohirẹsụ ẹkụra ọnọọ ịrẹyị nị, ne beri anyẹnẹẹ ẹnẹ ẹ̀ yị vị Aniju, ana aa hẹkẹ Ohomorihi dị ẹ nyị udi ẹtẹẹtẹrẹ tụ́ ịnị ẹkụra. Di e nyima dị ẹyaa sị ụyaa rị Ịpọọrụ ọnịrị Ịbanabasị nị. Dị ẹ dụ wa hụụnị ẹkụra ẹnịnị nị.

Odeyi 14:19

Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 14:4

Ọkọnị aza ene hi ịnị ẹkụra ọnọọ ẹ sị gà hi. Aza ẹnyị ệ và ká Aniju nịnị na, dị aza ẹnyị rẹ và ká odeyi nịnị na nị.

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

1 Anịtẹsaronika 2:14

Ẹwụ nịnị ẹyịnyara amị, ịrẹyị óo tù wu nịnị, anka o mè tù anịragụ Ohomorihi ọnị ọnịrị Ijeesu Ikirisiti sị vị ọnya, ene hi Ijudiya. Anẹkụra awụ nịnị ệ sị ụya rị wụ nịnị anka anda ẹnịnị Aniju ẹnị mẹ̀ rẹ sị ụya rị ẹnị.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

1 Anịtẹsaronika 2:2

Wáa yẹ nịnị, ị mẹmẹ vịdị rị ụya dị a kụ̀ yị ụhụ Íhwiripi. Ama Ohomorihi ọ sị sị ọtụtụrụma yị ka ya kà enube ọyịza anị yị wụ nịnị, aza ẹ̀ẹ daka sì ka ẹnị ẹ̀ dọ yị oro.

2 Itimoti 3:11

Wâ yẹ, a mẹmẹ sị ụya rị mị ọnịrị ịsị mi sị eyi re Antịyọkị ọnịrị Ayịkọnịyọmị beri Ịrịsịtịra. Wâ yẹ ụyọrị ọbanyị ọnị mị sị ẹngụ dọ. Ama Ananyị yị ọ́ọ dọ mị tụ́ hụụnị avaba anị.