Odeyi 14:23 - IWE ỌNỊNỊ

²³ Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 14:23 ပူးပေါင်းရင်းမြစ်များ

Imatiwu 17:21

Ẹ yị nyị ịsị a zụ sị dụ ẹngụ ọnọnị jịnẹ, ẹ̀ yị vị aduwa ọnịrị awẹ ọyịba.”]

Ịmaakị 3:14

Dị ọ nyị ẹnị ẹwụrẹva ọnọọ hị́ odeyi ka ẹ̀ yà pe ọnị, dị ọnị ọ̀ tụ́ wa nọ ẹhẹ na kà ịrẹyị Ohomorihi yị aza,

Iruuku 2:37

Dị ọ kụkụ vana aa mẹ osoku hụrẹ ịrayị ẹbẹẹna tụra ẹẹna nị. Ọ mā hụụnị irehi Ohomorihi pooro. Dị aa ba awẹ, dị ọ raa mẹ̀ aduwa, ọ màa hẹkẹ Ohomorihi ọọdụ ọnịrị ịrahụ nị.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:4

Ịjị e tù Ijerusarẹmị, anịragụ Ohomorihi beri odeyi nịnị ọnịrị azọkụ ịragụ nịnị ệ kụ́ wa nyaasẹ ẹtẹẹtẹrẹ. Dị Ịpọọrụ nịnị kà a yị wa avaba ịsị Ohomorihi pe wa mẹ nị.

Odeyi 15:6

Dị odeyi nịnị ọnịrị azọkụ ịragụ nịnị gẹ, ka eni è ro tụ́ ịnị ịrẹyị ọnọọ nị.

Odeyi 20:17

Ịpọọrụ ộ tụ́ ọnụtụ hụrẹ Imiretusi nọ Ẹhwẹsọsị. Dị ọ ka ọ̀ kà a yị azọkụ ịragụ Ohomorihi ene hi ịzọọ ka è ve tù ọnị nị.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

2 Anịkọrịntị 8:19

Ẹ yị hyakụ vị ọnọọ kẹnẹ, anịragụ ẹ sị ọọ nyị, dị ẹ tụ́ ọọ ka ọ̀ọ saasa ayịị jịnẹ ini oze ụkọrọ ẹyịza ọyịmẹ̀ nị ọnị yaa mẹ nị. Yaa sịị sị ụbanyịị yị Ohomorihi, dị ya rẹ sị zụ̀ ka yee sì ka ya gụ aza ụvọ.

1 Itimoti 5:1

Asị ụ na sị ọyịkụ tụ́ ọzọkụ ohuvọ! Ama tangwaa dá ịpẹẹ yọ anka ada awụ avọọ! Waa mẹẹ hi ọpa ezweyi anka ẹyịnyara awụ avọọ!

1 Itimoti 5:22

Asị ụ há eyi sị ụvọ tụra ọza, dị ụ wa mẹ̀ aduwaa yọ. Asị ụ na bẹ tụ́ ịnị ịvị ọza ẹnẹsa! Re ka wáa nyị ayị ọnịnị!

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.

Ịtayịtọsị 1:5

Iruvo ọnị mị sị navọ wụ tụ́ Ikirete ọ vị ka we tenyi ịsa ana a vọrọ ka à mẹ nị. Nyị azọkụ ịragụ Ohomorihi tụ́ ẹkụra ọzọza. Tamayị ịsị mị vịdị kà wụ oo!

Ijemiisi 5:14

Àa nyị ọza ẹnẹ ẹngụ aa zị ịnị ẹngụ awụ nịnị, ọza ọnọọ ọ̀ hị́ azọkụ ịragụ Ohomorihi, dị ẹ va aduwaa yọ, dị ẹ̀ sị angwẹ sisi ọ ịrẹsụ ịnị ịrẹha Ananyị yị.

1Ipita 5:1

Máa nyị ịrẹyị ọyịkà yi azọkụ ịragụ Ohomorihi ene hi ịnị akakana awụ nịnị. Ẹmị rẹ vị ọzọkụ ịragụ anka ẹwụ nịnị. Mâ sị eyi amị re ụya ọnị Ikirisiti rị. Ẹmịrị ẹwụ nịnị vaa nyịị tụ́ ịnị ụbanyị Ijeesu Ikirisiti oni Ohomorihi vaa sịị zụ̀ aza.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

2 Ịjọọnụ 1:1

Ẹmị ana vị ọzọkụ ịragụ Ohomorihi aa chẹrẹ iwe ọnọnịị tụ́ụ hi wu, onyeyiza ayị ọnị Ohomorihi nyị ọnịrị ezi anị. Mée sì ịrẹyị awụ nịnị ẹtẹẹtẹrẹ. Ẹ yị vị ẹmị ịnya kẹnẹ o sì ịrẹyị awụ nịnị, ama avaba aza ana sị ịzẹyịza dọ.

3 Ịjọọnụ 1:1

Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị.