Odeyi 14:22 - IWE ỌNỊNỊ

²² Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 14:22 ပူးပေါင်းရင်းမြစ်များ

Ayịsaya 35:3

Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

Imatiwu 10:38

Ọza ẹnẹ ẹ̀ yị sị apavahị anị dị ọ̀ sịị dụ mị ịrẹma, ọ yị hụ ọ vị áamị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 19:24

Dị ma rẹ kà a wụ nịnị ka: Ộ tụ́ akanya yị opisa ka ọ̀ zụ ngụ ịzị Ohomorihi yà aa mẹ ịjọva huna ọ mẹ̀ tụ́ akanya ka ịnyaakụmị ọ̀ ngụ ịnị uhwohwo ọrịhị na para hu.”

Ịmaakị 10:30

Ohomorihi rẹ vaa sị ịsa ene huna avọọ oze ẹchẹhị-ẹchẹhị sí ọọ atọ ịnị ẹhẹ ọnọnị, ẹhụụ irehi ọnịrị ẹyịnyara ọnọrụ ọnịrị anẹẹ, beri ọnyị ọnịrị ezi ọnịrị aarẹ, na vaka ụyọrị; ịnị ẹhẹ ana aa vẹ, Ohomorihi vaa mẹ ka ọ̀ yàra pooro zịna-zịna.

Ịmaakị 9:47

Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa sị eyi ọnya ngụ ịzị Ohomorihi yà aa mẹ ịjọva, hu ka wa nyị eyi ẹyịva, dị ụ wa ngụ ini ẹkụra,

Iruuku 24:26

Ẹ yị vọrọ ka Ikirisiti ọ̀ maanị rị ụya, dị ọ̀ va ngụ ịnị igirima anịị?”

Ịjọọnụ 15:18

Dị Ijeesu rẹ ka, “Anẹhẹ àaa nyị ịhyẹrẹ awụ nịnị, tamayị ka ẹmị ẹ vịdị nyị ịhyẹrẹ anị nị.

Ịjọọnụ 15:20

Tamayị ịrẹyị ọnị mị vịdị kà wụ nịnị ka ozi ahụ o mē huna ọga anị. Ẹ̀ẹ raà sị ụya rị mị, ẹ rẹ vaa sị ụyaa rị ẹwụ nịnị bẹẹ. Ẹ̀ẹ dọ ịrẹyị amị, ẹ rẹ vaa dọ ịrẹyị ẹwụ nịnị bẹẹ.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 14:20

Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.

Odeyi 14:28

Ệ yà ịzọọ kù pe ezirẹma nịnị.

Odeyi 15:32

Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 15:41

Dị ọ zị oze Isiriya ọnịrị Isirisiya na para hu, dị ẹyaa tụ́ anịragụ Ohomorihi ẹnẹẹ ọtụtụrụma nị.

Odeyi 18:23

Ộ yà Antịyọkị chee, dị ọ rẹ hụụ ịzọọ nị. Dị ọ zị oze Ịgaratịya ọnịrị Ihwirigiya na para hu, dị aa tụ́ ọdọwụ ene hi ịzọọ ọtụtụrụma nị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

1 Anịkọrịntị 1:8

Ikirisiti vaa sị ụvọọ za wụ nịnị pooro ne tù ụmẹ ọdịrẹma, agụvị ịhị Ijeesu Ikirisiti Ananyị yị ọ̀ọ vavẹ, asị ụ na nyị ohuvọ nịnị vụrụ-vụrụ.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

1Ipita 5:10

Ohomorihiī mẹ ọyịzaa yị aza ẹtẹẹtẹrẹ, ộ hị́ wụ nịnị ka wa vẹ, dị ẹwụrị Ijeesu ọ̀ vị ọnya nịnị ịnị ụbanyị ẹnẹ ẹ̀ yị ma sa pooro zịna-zịna. Wàa sị ụya rị chee nịnị, Ohomorihi ọnị ụvọta vee tenyi wu nịnị, dị ọ̀ mẹ ka wa gụ nịnị, dị ọ rẹ mẹ ka wa nyị ụkata jẹẹ geri-geri nịnị ịnị avaba ịsa.

1Ipita 5:9

Jẹẹ geri-geri nịnị ịnị ẹdọwụ awụ nịnị, asị u si oze yi Echu nịnị. Tamayị ka avọọ ọdọwụ ana vọ avaba ẹhẹ ẹnị mẹ̀ raa rị ụya nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

Ẹtore 1:9

Ẹma vị Ịjọọnụ ọyịnyara awụ nịnị nị. Ẹmịrị Ikirisiti ọ sị vị ọnya anka ẹwụ nịnị: vi i dudu aa rị ụya nị. Yâ nyị tụ́ ịnị ịjọva Ikirisiti, dị ị raa sị ẹngụụ dọ ụya anị nị. Â za mị na tụ́ ịnị ẹtẹ ana yà ịnị akakana òkū ana aā hị́ Ịpatịmọsị, agụvị ka maa kà ịrẹyị Ohomorihi oni Ijeesu dọ ivenu tụ́.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.