Odeyi 14:17 - IWE ỌNỊNỊ

¹⁷ Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

Odeyi 14:17 ပူးပေါင်းရင်းမြစ်များ

1 Ohinọyị 18:1

Ộ dà kù eni Erija maanị hụrẹ yà ịda ọnẹẹ ọnọọ, ẹkụhị ọnya dị Ẹnẹyịmavara va kà ịrẹyị yị Erija nị. Ịnị ụmẹ ọnọọ ọ sị mẹ ịrayị ẹẹta ọnị ọyị hụrẹ jị. Dị Ẹnẹyịmavara kà a yi Erija dị ọ ka, “Na, dị wa sị ẹngụ awụ na zụ̀ Ahabị, ka mị vaa zụ̀ orihi hi ẹtẹ.”

Inehemaya 9:25

Ẹnịnị ệ dọ ẹkụra ọrụrụ-ọrụrụ ana a jị ọvọ kara, ẹtẹ ozoza-ozoza ẹnịnị, avaba irehi ẹnịnị ọnịrị avaba ogu ene hi ini irehi ẹnẹẹ, iruku enyi nini, ụbazị ịvayịnị nịnị ọnịrị ọchị orivi neberi ọchị anaā tụ ẹtụtụ nịnị. Avaba ịsa ene ze wa eyi kẹnẹ ẹ yaa rị, dị ẹ ta banyị kẹkẹrẹkẹ nị. Ẹnịnị vị anaa mẹrị ịsa ọyịza-ọyịza ọnị ụ mẹ yị wa.

Ijoovu 36:31

Aanị Ohomorihi mẹmẹ aa pa avaba anẹhẹ, dị ọ mẹ̀ ịsọyịrị gwẹẹtẹ hi ẹtẹ nị.

Ijoovu 37:6

Ộ kà a ka ata orihi ẹẹ sụụ hi ẹtẹ, di orihi ọọ zụ̀ hara-hara, di oo sì vụụ-vụụ.

Ijoovu 5:10

Ọnị ọọ̄ zụ orihi dị avaba aha nyị enyi nị.

Ahẹ Ụgama 145:9

Ẹnẹyịmavara vị ana aa mẹ̀ ịsa ozozaa yị avaba aza. Avaba ọza ọnị ọ mẹ vị ọnị ọọ̄ vayị anị.

Ahẹ Ụgama 4:7

Wâ mẹ ka ịnẹ amị o hine huna aza ana nyị akụ ọnịrị ẹnị eche ozoza gwẹtẹ yị.

Ahẹ Ụgama 52:1

Sị ẹ vẹ dị waa sị ebira odivi wo oto ẹwụ ene ro ka wâ nyị ụkata? Sị ẹ vẹ dị ụ maanị ee wo oto pooro wáá yẹ ka wa sị tẹ ini eyi Ohomorihi?

Ayịsaya 22:13

Ama di u yi, di waa jẹ ịrajẹ dị waa mẹrị sadaa nị. Wâ wụ imaaru ọnịrị atẹmẹ, dị waa rị, di wee hú eche o mè zee wu eyi nị. Ụ ka, “sị ọ vị, à vẹ ya rị dị ye hú ajịnị ka ụhwọ i wusu.”

Ayịsaya 40:21

Aanịka wẹ yị yẹ? Aanịka ọza ẹ yị ka yị wụ? Aanịka wẹ yị wụ́ ọ ẹhẹ mẹmẹ nyima?

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 5:24

Ẹnẹyịmavara kà we yị ma daba ka a nịnị ka waa sị ụbanyị yị ọnị nịnị, ọnị anaa zụ̀ orihi yị wụ nịnị ịnị avaba ụmẹ, dị ọnị aa mẹ ka ịsị ịnị aarẹ awụ nịnị ọọ mẹ.

Ezikẹẹrị 34:26

Ọnị vaa mẹ ka ò zé yị wa, dị ẹnịnị rá kara ataba anị. Ọnị vaa zụ orihi yị wa chụụchụ ụmẹ tụra ụmẹ ọnị ee yee sị ọ. Orihi ọnọọ vị ana vaa mẹ ka ò zé yị wa.

Ijowẹrị 2:23

Aza ene hi Ịzayọnị ẹẹ jẹ ịrajẹ, Waa mẹrị sadaa ka ọnị Ẹnẹyịmavara Ohomorihi awụ nịnị vaa zụ́ orihi ịjịjọọ yị wụ nịnị. Dị ọnị zù orihi ịpaapa ọnịrị ọ́dịrẹma a mẹ vọrọ anka ọ mẹẹ̄ vịdịị zụ́.

Ireevi 26:4

ịjọnọọ, ọnị vaa zụ̀ orihii yị wa ịnị ụmẹ anị, dị ẹtẹ ọnọọ aa mẹ̀ ịsaa yị wa, dị ọchị ene hi ịnị aarẹ ẹnị raa tụ ẹtụtụ ẹnịnị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Iruuku 6:35

Ama sì ịrẹyị ọnịvị awụ nịnị, dị ụ waa mẹ ọyịzaa yị aza nịnị! Waa sị ịsaa rere ọza, ama asị u tụra eyi ka ụ vaa dọ ọ varẹma! Ịjọnọọ ọgụ awụ nịnị vaa banyị, dị ụ zụ vị ozi Ohomorihi ana aha ene hu keekere nịnị. Ọọ̄ ngụ ayị aza ẹnẹ ẹ̀ yị mā kụ́ avọ, ọnịrị aza edivi.

Odeyi 14:18

Dị ẹ daka maanị yị kà ịrẹyị, ọ sị vọ chee asị odeyi nịnị zụ za wa ka asị ẹ mẹ̀ ịsọvọ hi ẹnị.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Iwe Ọhụhị Imosiisi ana aa hị́ Ọyịvatụrọda 11:14

Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.

Iwe Ọhụhị Imosiisi ana aa hị́ Ọyịvatụrọda 28:12

Ẹnẹyịmavara vaa na oze irehi ọnị ọ kụ ịsa hi ẹbẹẹba, dị ọ zụ̀ orihii yị wụ nịnị, ọ vaa mẹ ka ò ze yị wụ nịnị ịnị avaba ụkọrọ ọnị ụ waa mẹ nịnị, dị ụ wa zụụ sị ịsaa rèré anẹkụra ọrụrụ-ọrụrụ nịnị, ama wẹ yị vaa dọ ọza ọnyọọnyị ịsaa rèré nịnị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.