Odeyi 14:15 - IWE ỌNỊNỊ

¹⁵ “Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 14:15 ပူးပေါင်းရင်းမြစ်များ

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Oyinyima 41:16

Di Ijosẹẹhụ tụ́ ohi dị ọ ka, “Taarụ ẹ yị vị ọnị ọ vavọọ yà. Ọ kà Ohomorihi vaa sị iruvo ụra ọnọọ zụ̀ ọ vaa nyị ịrẹyị.”

1 Ohinọyị 16:13

Ịrẹyị ẹnẹẹ ệ vavọọ tù Ibaasa agụvị avaba ebira odivi ọnị ọ mẹ, ọnịrị ebira odivi oni Era ozi anị mẹ. Ệ vavọọ mẹ̀ ebira odivi, dị ẹ rẹ hẹkẹ ori nị Ẹnẹẹ vị ẹnị ẹ sị mẹ ayị kụ́ Ẹnẹyịmavara ana vị Ohomorihi Anisirẹrị.

1 Ohinọyị 16:26

Avaba ebira odivi oni Ijerobowami ozi Inebati mẹ gẹdẹ-gẹdẹ Omiri ọnị rẹ mẹ nị. Ijerobowami ộ mẹ̀ ebira odivi dị ọ rẹ mẹ ka Anisirẹrị ẹ̀ mẹ̀ ebira odivi nị, ệ hẹkẹ ori ẹnị ẹ̀ sị mẹ ayị kụ́ Ẹnẹyịmavara ana vị Ohomorihi Anisirẹrị.

2 Ohinọyị 19:16

Ẹnẹyịmavara, re ịsị aa mẹẹ tu yị booro aanị, wụ̀ avaba ụhụ ọnị Isenakeribi aa kụ̀ ẹwụ Ohomorihi ana yara aanị.

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ahẹ Ụgama 115:15

Ẹnẹyịmavara ana mẹ ihinẹba ọnịrị ẹtẹ ọ̀ navọ ò zee wu.

Ahẹ Ụgama 124:8

Ẹnẹyịmavara aa gụ yị ụvọ nị. Ọnị ọ mẹ ihinẹba ọnịrị ẹtẹ.

Ahẹ Ụgama 31:6

Ayị aza ana aā hẹkẹ ori vị ana aā kụ́ mị ẹwụ kẹnẹ ẹmị sị ayị tụra nị.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 45:20

Ẹnẹyịmavara kà avaba anẹkụra nịnị ana ha hụụnị ịrẹkụ ẹ kụ ẹngụ gu, dị ẹ ka ọnị vẹ. Ẹ yị nyị ịrẹyọyẹ ịnị ori ẹnẹ sị ọchị bẹ, ọnị e yee chema zịịzị avọọ. Ẹnịnị vị ana mẹ̀ aduwa yị ori ẹnẹ ẹ yị nyị ụkata gụ wa ụvọ.

Ayịsaya 46:7

Ẹnịnị ẹ̀ẹ sị ọ tụra ịza, dị ẹ za a. Ệ sị ọ na tụ aha anị, dị ọ jẹẹ ịzọọ nị. Ẹ yị zụ hụrẹ aha anị. Ọza òo nowu hị́ ọ, e yi zụ tụ́ ohi. Ẹ yị zụ dọ ọza ha hụụnị ẹngụkata.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ijeremaya 51:15

Ẹnẹyịmavara ọ sị ụkata anị mẹ ẹhẹ ọnọnị nị. Ịrẹyọyẹ anị ọ sị mẹ avaba ịsị e hi ẹhẹ, dị ọ́ gana ẹbẹẹba nị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ịdanịyẹrị 6:26

Ọ kà, ọnị ộ mẹ̀ ẹ ọda ka ịnị avaba anẹkụra ọnị ọnị vị ohinọyị ẹ̀ sị ụbanyị yị Ohomorihi ọnị Ịdanịyẹrị aa hẹkẹ, dị ee hí angwa anị. Agụvị ka, ọnị ọ vị Ohomorihi ana yara pooro nị. Ọnị ọ rẹ vaa mẹ ịjọva pooro nị. Ẹ yị nyị ọza ene ve zụ vú ịjọva anị ọnịrị ụkata anị ẹtẹ.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

Odeyi 10:26

Dị Ipita sị ọọ kwẹẹtẹ, dị ọ ka, “Kwẹẹtẹ, ka ọza kẹnẹ ẹ́mị rẹ vị nị.”

Odeyi 13:32

Dị ẹyị raa kà enube ọyịzaa wụ nịnị, ka oto oni Ohomorihi wo yị ada ayị nịnị,

Odeyi 14:21

Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị.

Odeyi 14:7

Dị ẹyaa kà enube ọyịza ịzọọ nị.

Odeyi 16:30

Dị ọ kụ́ wa jịnẹ tụ́ ẹhẹ, dị ọ ka, “Nda, sị a vọrọ ka ma mẹ dị ma zụ há nịnị?”

Odeyi 27:10

dị ọ ka, “Ẹwụ nịnị ẹyịnyara amị, mee re ka ụsẹ ayị hụrẹ ịzẹnị vaa nyị angwahi. Ẹnya ọrụrụ-ọrụrụ vee duu ha beri ẹpa. Ẹyịyara aza e zụ sú bẹẹ.”

Odeyi 27:21

Ô kù pooro, aza ẹnẹẹ ẹyị rị ịsa. Dị Ịpọọrụ kwẹẹtẹ vẹ ọvịdị ẹnịnị, dị ọ ka, “Ẹwụ nịnị ẹyịnyara amị, wàa yaanị wụ́ ịrẹyị amị nịnị, dị yẹ̀ yị yaanị hụrẹ Ikirete nị, ẹnya ayị ẹnẹnị ẹ yị yaanị mẹ ịhị.

Odeyi 27:25

Agụvị avọọ, ngwara eyi hi nịnị, anda ayị, agụvị ka mâ dọ Ohomorihi wụ́ ka, ọ mẹ̀ kà a mị, avọọ ọ vaa vị nị.

Odeyi 4:24

Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’

1 Anịkọrịntị 8:4

Ini oze ịrẹyị ka áá zụ rị ịsa ana a sị mẹ̀ ịsọvọ yị ori nịnị, yâ yẹ ka ẹ yị nyị ịsị ori nịnị vị ịnị ẹhẹ. Ya rẹ yẹ ka Ohomorihi vị ọnya chọchọchọ.

Anẹhwẹsọsị 4:17

Maa sị ịrẹha Ananyị yị kà wụ nịnị ọ̀nọ̀ ka asị ụ rẹ̀ kụkụ zị ụsẹ anka anarịmadọwụ nịnị, ana ahịka ịrẹyị kẹnẹ-kẹnẹ eē ro nị.

Iwe Ọhụhị Imosiisi ana aa hị́ Ọyịvatụrọda 32:21

Ẹnẹyịmavara kà ẹnịnị ệ mẹ̀ ọnị kụ̀ ụhịị ori ẹnẹ ẹ yị nyị ịsị ọ vị, di e du ọnị ayị tụ ịnị ahẹkẹ ori osusu kẹnẹ-kẹnẹ ọnị ẹ yaa mẹ. Agụvị avọọ, ọnị vaa mẹ wa ka ẹ kụ̀ ụhị anẹkụra ẹnẹ ẹ yị nyị ịsị ẹ vị. Ọnị rẹẹ̀ vaa mẹ wa ka ẹ kụ̀ ayị hi anẹkụra nịnị ana aa mẹ ụra.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

1 Itimoti 3:15

agụvị mèe ne kù, dị iwe ọnọnị ọ̀ navọ ka wa yẹ, a mẹ̀ vọrọ ka aza ẹ̀ẹ mẹ̀ ebira ịnị akakana aneehi Ohomorihi ana vị ịragụ Ohomorihi ana yára. Aneehi Ohomorihi vị ohinẹ ọnịrị ohyẹtẹ ana za ịzẹyịza jẹẹ nị.

Anihiburu 3:12

Agụvị avọọ, anda ayị nịnị, sị eyi pe ẹngụ awụ nịnị oo. Asị a na nyị ọza ịnya ịnị awụ nịnị ana na nyị ayị odivi ẹnẹ ẹ̀ yị ma dọ wụ́, dị ọ sị há hụrị oze Ohomorihi ana yára.

Ijemiisi 5:17

Wéé re Erija? Ọza anka ẹ́yị ọnị rẹ vị nị. Ộ sị ayị ọnya mẹ̀ aduwa ka asị orihi zụ̀. Ịzẹyịza, orihi ẹ yị zụ̀ pooro mẹ ịrayị ẹẹta tụra ụhwẹ ịhịnọnyị ịnị ẹtẹ ọnọọ.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.

Ẹtore 19:19

Di mi re uye ịnị avị ọnọọ ọnịrị ohinọyị anẹhẹ nịnị beri isoja nịnị ẹnịnị, dị ẹ kụ́ gụ ka ẹnị èe pe ọza ana yaayịtẹ ịrẹsụ umaata ọnọọ ọnịrị isoja nịnị anịị kụ̀ ịrẹkụ nị.

Ẹtore 22:9

Ama dị ọ kà a yị mị ka asị mị vavọọ mẹ nị. Ọ kà, “Ẹmị rẹ vị ozi ahụ anka ẹwụ, ne beri ọnịsẹ nịnị ọnịrị avaba aza anaa saasa ịsa ana a kà tụ́ ini iwe ọnọnị. Ohomorihi kẹnẹ a vọrọ ka ya hẹkẹ nị.”

Ẹtore 4:11

Ananyị yị, ẹwa vị Ohomorihi ayị nị. Ẹwa nyị ụkata nị. Ẹwụ a vọrọ ka avaba aza ẹ̀ẹ sị igirima ọnịrị ụbanyịị yị nị. Ẹwa tụ́ avaba ịsa nị. Agụvị ka wâ vavọọ sì ọ, ụ tụ́ wa, dị ẹ yà ịzọọ nị.

1 Ịsamụwẹrị 12:21

Asị ẹ rẹ kụkụ dụ ori kẹnẹ-kẹnẹ ẹnẹ ẹ yị zụ gụ wa ụvọ dị ọ vaa zụ dọ wa ha. Ẹ yị nyị ịsị ori nịnị vị.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.