Odeyi 13:47 - IWE ỌNỊNỊ

⁴⁷ Ọda oni Ohomorihi mẹ yị yị. Ọ kà: “Ma sị wụ nyị ka wa vị ẹtohweyi yị anẹkụra ẹnẹ ẹ̀ yị vị Aniju; dị ụ wa na zụ avaba anẹhẹ oze ana zụ zị dọ wa ha.”

Odeyi 13:47 ပူးပေါင်းရင်းမြစ်များ

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 42:6

“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Emọsị 9:12

Ọ kà Anisirẹrị nịnị vaa dọ Anedomi ẹtẹ ọnịrị avaba ẹtẹ Anẹkụra ana vọ ana vị anị. Ọ kà ọnị Ẹnẹyịmavara vaa mẹ̀ ọnị mẹ ka avọọ.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 26:23

Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.