Odeyi 13:39 - IWE ỌNỊNỊ

³⁹ Ọda Imosiisi ọ yị zụ vagu wu, dị ọ̀ rẹ jị ịhị yị wụ nịnị. Ama ini oze anị Óhomorihi zị vagu wu, dị ọ rẹ jị ịhị yị avaba ọza ana àa sị ayị tụra a nị.

Odeyi 13:39 ပူးပေါင်းရင်းမြစ်များ

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ijoovu 9:20

Ijoovu ka ọnị ọ daka rị ịhị, ịrẹyị irenu anị vị ana jị ịvị yị ọnị.

Ahẹ Ụgama 143:2

Aarịhịnị asị ụ kà a ka waa mẹ̀ ọkarẹyị yị ẹmị ozi ahụ awụ, agụvị ka ẹ yị nyị ọza ana zụ jẹẹ ọvịdị awụ kà a ka ọnị ọ yị rị ịvị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Iruuku 10:25

Ẹkụhị ọnya, ọzwọzọda ọnya ộ kwẹẹtẹ, di ee sì ka ọnị ọ̀ zama Ijeesu re nị. Dị ọ ka, “Ọga, si a vọrọ ka ma mẹ, dị ma zụ yàra pooro zịna-zịna ị́dị Ohomorihi?”

Iruuku 10:28

Dị Ijeesu ka, “Wê tụ́ ohi ẹtẹẹrẹ. Vavọọ naa mẹ ka ụ vaa yàra pooro zịna-zịna.”

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Aniroomi 10:10

Ọza ana àa sị ayị anị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza. Ọza ana àa sị irenu dọ ka ọnị ộ sị ayị tụra Ohomorihi, dị Ohomorihi dọ ọ há.

Aniroomi 10:4

Ikirisiti ọ kụ́ avaba ịrẹyị ọda Aniju nịnị vẹ ịnị ọzarẹyịrẹsụ nị. Avaba ọza ana àa kụkụ sị ayị tụra Ohomorihi kẹnẹ, dị Ohomorihi kụkụ za wa ịrịka tụ́ ịnị ọnịrẹyịzẹyịza.

Aniroomi 3:19

Yáa yẹ ka avaba ịsị a chẹrẹ tụ́ ịnị ọda Ohomorihi ọ́ọ za a avaba aza anaa sị ọda ọnọọ yị. Ọnọọ vaa mẹ ka asị a nyị ọza ene kuku zụ re kụ́; dị avaba anẹhẹ ẹ̀ na kụ́ irenu ẹnịnị ọ́vịdị Ohomorihi.

Aniroomi 3:20

Agụvị avọọ ẹ yị nyị ọza ana mẹ̀ ịsa ọnị ọda kà dị ọ̀ zụ hwọọ mẹ ka Ohomorihi ọ̀ jị ịhị yọ. Ịsị ọda Ohomorihiī mẹ kẹnẹ ọ vị ka aza ẹ̀ yẹ ka ẹnị ẹ sị ịvị mẹ nị.

Aniroomi 4:15

Ọda vị anaā mẹ ka Ohomorihi ọ̀ jị ịvị yị ọza; agụvị ka ẹ̀ yị nyị ọda, ẹ yị rẹ yaanị nyị ka ọza aa jịnẹ ọda.

Aniroomi 4:24

A rẹ vavọọ chẹrẹ ẹ yị ẹyị ana sị ayị tụra Ohomorihi ka ộ za yị ịrịka tụ́ ịnị ọnịrẹyịzẹyịza. Ohomorihi ọnọọ ọ ha Ijeesu Ananyị yị hụụnị isu nị.

Aniroomi 5:1

Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.

Aniroomi 5:20

Ọda ộ vẹ, agụvị ịsa odivi ọ̀yị mẹ ọ̀ọ banyị hu avọọ. Ama ịzị ịvị ọ̀ọ yà aa banyị, ịzọọ áyamva Ohomorihiī banyịị tụ́ụ hu nị.

Aniroomi 5:9

Agụvị anya oni o si che sẹ ẹtẹ o mè sú, Óhomorihi sị jị ịhị yị booro aanị nị. Yâ yẹ ka ọ hyakụ vaa dọ yịị háa hụụnị ọyịkụ anị ịnị ẹkụhị ọdịrẹma.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

Aniroomi 9:31

Ama Anisirẹrị ana sị eyi tụra ọda, ka ọ̀ jị ịhị yị ẹnị, eyi ve re ẹngụ ọda ọnọọ.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

Anigaratiya 2:19

Àa vị ẹmịị yọ, ini oze ọda mị yà yẹ ka mê wusu yị ọda, Mẹ yị kụkụ sị ayị tụra ọda ẹnẹẹ, agụvị dị ma zụ yàra yị Ohomorihi. Ẹmịrị Ikirisiti a kanyị za ọchị apavahị, di i sú nị.

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Anigaratiya 5:3

Me re tenyi ọ kà ka ọza ana àa zẹẹ ka ọza ọ̀ jị ọnị ụvẹvẹnẹ, áa nyị ka ọza ọnọọ ọ̀ọ saasa avaba ọda Aniju nịnị.

Anihiburu 10:11

Avaba ohirẹsụ irehi Ohomorihi vị anaā jẹẹ, dị aa mẹ̀ ụkọrọ anị eyinị-eyinị, dị aa mẹ̀ ịsọvọ ọnyọọnya ụpọsa-ụpọsa. Ama ịsọvọ ẹnẹẹ ẹ yị zụ sị ịvị aza kwooze vụrụ-vụrụ.

Anihiburu 10:4

Anya imaaru ọnọrụ ọnịrị ịdẹ ẹyị zụ kụ́ ịvị kwooze vụrụ-vụrụ.

Anihiburu 7:19

Ọda Imosiisi ọnọọ ọ yị zụ mẹ ka ọza gụ. Ama ịsị Ohomorihi kụkụ sị vẹ, ọnị sị eyi tụra booro aanị o hu nị, agụvị ka ini oze anị ya zụ gụrị Ohomorihi.