Odeyi 13:35 - IWE ỌNỊNỊ

³⁵ A rẹ kà a tụ́ aha ọsa ka: ‘Wẹ yị vaa zẹẹ ka Ọza Ọnịnị awụ ọ̀ vụ̀ hi ẹtẹ.’

Odeyi 13:35 ပူးပေါင်းရင်းမြစ်များ

Ahẹ Ụgama 16:10

Wẹ yị vaa hụrẹ mị ụvọọ chire iswọọza ụvọ wẹ yị rẹ vaa navọ ka ọza ana vị ọza awụ ò du ha hi ini ikuta.

Ahẹ Ụgama 49:9

ana vaa mẹ ka asị ọza ọnọọ kuku sú pàá.

Ahẹ Ụgama 89:48

Ẹ̀nị ẹ ka ọnị mẹ̀ vẹ ẹhẹ anị o yi vee sú? Mị ka ẹnị ẹ ka ọnị ọ yị vaa nọ ini ikuta?

Iruuku 2:26

Ộ vịdị sị zụ̀ ọ ka o yi vee sú pooro di ò re Ikirisiti oni Ohomorihi aa tụ́ụ vẹ ẹhẹ.

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 8:51

Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Anihiburu 11:5

Enọkị ọnị ọ rẹ sị ayị tụra Ohomorihi. Agụvị avọọ Óhomorihi sị sị ọọ nọ ẹbẹẹba ireyi-ireyi, dị ò yi sú nị. Ọza o yi kuku re e, agụvị ka Ohomorihi ọ raà sị. Dị a va sị ọọ nọ ẹbẹẹba, â vịdị dọ ivenu tụ́ ọọ ka ebira anị ô zé Ohomorihi eyi.