Odeyi 13:31 - IWE ỌNỊNỊ

³¹ Ijeesu ộ sị ẹngụ zụ̀ aza ọnị ọnịrịị̄ zịị hụrẹ Igariri nọ Ijerusarẹmị mẹ ẹkụhị ọrụrụ-ọrụrụ. Aza ẹnẹẹ aa dọ ivenu ịrẹyị anịị yị aza booro aanị.

Odeyi 13:31 ပူးပေါင်းရင်းမြစ်များ

Imatiwu 28:16

Ezirẹma Ijeesu ẹwụrọnya ệ nọ Igariri, dị ẹ nọ ịnị ataba ọnya aanị, anka Íjeesu mẹ̀ vịdị kà a yị wa nị.

Iruuku 24:48

Ẹwụ nịnị ọ vị onivenu ịrẹyị ọnọnị nị.

Ịjọọnụ 15:27

Ẹwụ nịnị rẹ vaa dọ ivenu tụ́ ịnị ịrẹyị amị bẹẹ, agụvị ka ịdị amị ụ yà nịnị hụrẹ ụmọrụmọ nị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Odeyi 1:22

hụrẹ ụmẹ ọnị Ịjọọnụ hụrẹ aa sịị mẹ̀ ọyịhwọzenyi ne tù ụmẹ oni Ijeesu sị hụrẹ ịdị ayị nọ ẹbẹẹba, â vọrọ ka à nyị ọza ịnya ẹnẹ ẹyịrịị va zụụ dọ ivenu tụ́ ọọ ka Ijeesu ọ sị ha hụụnị isu.”

Odeyi 1:3

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 10:39

Avaba ịsị ọ mẹ ẹkụra Aniju ọnịrị Íjerusarẹmị vị eyi ayị. Ama ệ kanyị ọ za apavahị, dị ẹ wụ̀ ọ nị.

Odeyi 10:41

Ẹ yị vị avaba aza ọ sị ẹngụ zụ̀, ẹ̀ yị vị onivenu oni Ohomorihi vịdị sị nyị. Ẹyị rẹ yà ini onivenu ẹnẹẹ. Ẹyịrị ọ ộ rị, yê hú, ọ mẹ̀ sị ha hụụnị isu.

Odeyi 2:32

Ijeesu ọnọọ Óhomorihi sị ha hụụnị isu, dị avaba ayị aa dọ ivenuu tụ́ ịnị anị aanị nị.

Odeyi 3:15

Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị.

Odeyi 5:32

Ya zụ dọ ivenu tụ́ ịnị ịrẹyị ẹnẹnị. Ụhwẹ Ọnịnị oni Ohomorihi sị yị aza ana wụ́ chire e, ọnị rẹ vị onivenu.”