Odeyi 13:27 - IWE ỌNỊNỊ

²⁷ Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.

Odeyi 13:27 ပူးပေါင်းရင်းမြစ်များ

Oyinyima 50:20

Dị ọ rẹ ka ẹnịnị vi ene ro ka ọnị ẹ̀ mẹ̀ ọnị ịrẹyị ọhịmị nịnị, ama Ohomorihi ọ sị ọ vara ọyịza. Ọnị ọ mẹ ka aza ọrụrụ-ọrụrụ ẹ zụ ha aanị nị;

Imatiwu 22:29

Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị.

Iruuku 22:34

Dị Ijeesu kà a yọ ka, “Ipita, ụkọkọrọ o yi vee nowu ajịnị, dị ụ wa kà a tù ụpẹ ẹẹta ka wẹ yị yẹ mị.”

Iruuku 23:13

Dị Ipayireti hị́ ohirẹsụ ẹbanyị irehi Ohomorihi ọnịrị ọdọvịdị nịnị beri aza ana vọ gụ nị.

Iruuku 24:20

Ohirẹsụ ẹbanyị irehi Ohomorihi ọnịrị ọdọvịdị ayị ệ sị ọọ chire aza ụvọ ka à mẹ̀ ọkarẹyị isu yọ, dị à kanyị ọọ za apavahị.

Ịjọọnụ 15:21

Ẹ vaa mẹ avaba ịsa ẹnẹẹ hi wu nịnị, agụvị ka wâ vị áamị nịnị, ịjị ahịka ẹnịnị ẹ yị yẹ Ọza ana tụ́ mị vẹ ẹhẹ.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 5:39

Waa kà Iwe Ohomorihi nịnị ẹtẹẹtẹrẹ, agụvị ka wâ dọ nịnị ka ịnị anị, ụ nyẹngụ re ịsị ẹ zụ sị wụ nịnị yàra pooro zịna-zịna nị. Iwe Ohomorihi ọnọọ gẹdẹ-gẹdẹ vị ana aa kà ịrẹyị amị.

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Odeyi 15:21

Agụvị ka o si kù ana a hụrẹ aa kà ọda Imosiisi ini irehi Ohomorihi, dị aa kà ịrẹyị anị avaba ẹkụra ịnị ẹkụhị ụhwọtụ-ẹkụhị ụhwọtụ nị.”

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 3:17

“Ẹwụ nịnị ẹyịnyara amị, booro aanị, mâ yẹ ka ịsị ẹwụrị ọdọvịdị nịnị mẹ Ijeesu, vị ọnị ụ mẹ nịnị ini eyogu.

Aniroomi 11:25

Ẹwụ nịnị ẹyịnyara amị, â nyị ịrẹyị ọnya oni iruvo anị nyịnẹ oni mee sì ka wa yẹ nịnị. Wàa yẹ ịrẹyị ọnọọ nịnị, ọyị kụkụ vaa zẹẹ ka we nee roo nịnị ka wâ da yẹ ịrẹyị nịnị kẹnẹ. Ịrẹyị ọnọọ yị: Anisirẹrị ẹnyị vị ana aa mẹ ayọkatẹngụ pooro ne tù ụmẹ ọnị ịrịka Anigiriki ana aa vẹ ịda Ohomorihi ọ̀ọ sị gụ.

1 Anịkọrịntị 2:8

Ẹ yị nyị ohirẹsụ ẹhẹ ọnọnị ana yẹẹ. Ẹ̀ẹ yaanị yẹẹ, ẹyị yaanị kanyị Ananyị yị ana nyị avaba ụbanyị za ọchị apavahị.

2 Anịkọrịntị 3:14

Ayị ẹnịnị vị ẹnẹ rẹ sị ịta kú. Vi ve tụ́ ajịnị, ẹ̀ẹ yaa kà iwe oto ịyẹẹyẹ, vị ịsa ọnọọ ki kú wa ayị nị. Ịhị ọza ọnịrị Ijeesu oni Ohomorihi nyị mẹ ohinọyị ka ọ̀ dọ yị há, ọ̀ọ sị vị ọnya, ịhị ọnọọ a vaa hụ̀ ịsa ọnọọ hụrẹ ẹ ayị nị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.