Odeyi 13:26 - IWE ỌNỊNỊ

²⁶ Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Odeyi 13:26 ပူးပေါင်းရင်းမြစ်များ

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Imatiwu 10:6

Ama nọ ịdị Anisirẹrị nịnị, agụvị ka eni e vú anka atẹmẹ avọọ nị!

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Iruuku 1:77

dị ụ wa rẹ na sị zụ̀ aza anị ka ọ vaa dọ waa há, agụvị ka ọ vaa vagu wa ịnị ịvị ẹnịnị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 28:28

Dị Ịpọọrụ ka, “Dụ wa yẹ nịnị ka a raà kà enube ẹdọha Ohomorihi yị Anigiriki nịnị. Ẹnịnị vaa sị ụtọọ pee!”

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Odeyi 5:20

“Na jẹẹ ini irehi Ohomorihi nịnị, dị ụ waa kà ịrẹyị ẹhẹ ọwọọwa ọnọnịị yị aza nịnị!”

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.