Odeyi 13:23 - IWE ỌNỊNỊ

²³ Ọnya ini ezi Idevidi Óhomorihi sị mẹ ọdọzaha, dị ọ sị ọọ va yị Anisirẹrị, anka ọ mẹ̀ vịdị kà a tịtẹ nị. Ọdọzaha ọnọọ ọ vị Ijeesu nị.

Odeyi 13:23 ပူးပေါင်းရင်းမြစ်များ

2 Ịsamụwẹrị 7:12

Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ.

Ahẹ Ụgama 132:11

Wâ vịdị raà hị́ eku yị Idevidi, wẹ yị kụkụ vaa vara a vụrụ-vụrụ. Wâ kà a yọ ka irima ezi anị ọ vaa vị ohinọyịị dọ ọ ịrẹsụ nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 43:11

Ọ kà, “Ẹmị, Ẹma vị Ẹnẹyịmavara nị. Ẹ yị nyị ọza ẹnẹsa ịrẹma amị ana zụ dọ ọza ha.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ayịsaya 7:13

Dị Ayịsaya va ka, “Ẹwụ anovwoovu Idevidi, batọ o! Ọza rị ẹyị ịrẹsụ ọ̀ọ nyị isuuru pooro dị ụ raà kụ́ ọ dụ ọ eyi nị, o yi zoza. Ama wa kụkụ raà mẹ ka Ohomorihi ana maanị nyị isuuru ọ̀ hyakụ du ọnị ịnyẹmba eyi.

Ijeremaya 30:9

Ama ẹnịnị vaa hẹkẹ ọnị, Ẹnẹyịmavara Ohomorihi ẹnịnị. Ẹ vaa vàa ku ẹtẹ yị ozi Idevidi ọnị ọnị vaa sịị rị ohinọyịị yị wa.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Imatiwu 1:1

Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Imatiwu 21:9

Dị ọkọnị aza ene hi ọvịdị ọnịrị ịrẹma ee nowu ka, “Ihosana! Ozi Idevidi! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị. Yâ sị ụga yị Ohomorihi ẹbẹẹba!”

Imatiwu 22:42

dị ọ ka, “Si u ro ini oze Ikirisiti nịnị; ẹnị ọ vị ozi anị?” Dị ẹnịnị ka, “Ozi Idevidi ọ vị nị.”

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Odeyi 13:32

Dị ẹyị raa kà enube ọyịzaa wụ nịnị, ka oto oni Ohomorihi wo yị ada ayị nịnị,

Odeyi 2:30

Idevidi vị ọnịsẹ, ộ yẹ ka Ohomorihi ô hyeku ka ọnya ini ezi anị ọ vaa vị ohinọyị ana vaa dọ Idevidi ịrẹsụ nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Aniroomi 1:3

Enube ọyịza ọnọọ vị ịrẹyị Ijeesu Ananyị yị Ikirisiti. Ozi Ohomorihi ọ vị nị. Anka ini oze ọza kẹnẹ, ozi Idevidi ọ vị nị.

Aniroomi 11:26

Ịjọnọọ dị Ohomorihi dọ avaba Anisirẹrị nịnị há. Â vịdị vavọọ chẹrẹẹ (ka Ohomorihi) ka, “Ọdọzaha ọnọọ vị ana vaa hụrẹ Ịzayọnịị vẹ. Ọ vaa kụ́ avaba ebira edivi-edivi hụụ ịda irima ezi Ijekọvụ.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

2Ipita 1:11

Ọsọnị ọ vaa mẹ ka we ré oze ngụ ịzị Ijeesu Ikirisiti Ananyị yị ọnịrị Ọdọzaha ayị yà aa mẹ ịjọva, dị ụ yà ịzọọ pooro zịna-zịna nị.

2Ipita 2:20

Aza ọ̀ọ sị Ijeesu Ikirisiti Ananyị yị ọnịrị Ọdọzaha ayị yẹ, dị ẹ sị hụụnị ịsa edivi ịnị ẹhẹ ọnọnị eneē du ọzaa ha nị, aza ẹnẹẹ ẹ̀ẹ kụkụ zẹẹ ka ịsa ẹnẹẹ ẹ̀ za ẹnị, dị ịsa ẹnẹẹ ẹ̀ rẹ nyị ẹbẹẹba ẹnịnị, ọdịrẹma ẹhẹ aza ẹnẹẹ o kuku vee divii hu ịyẹẹyẹ ẹnịnị nị.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

2Ipita 3:2

Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

Ijudi 1:25

Yáa kụ́ Ohomorihi avọ; ọnya ọ́ vị nị. Ọnị ọ dọ yị há ini oze Ijeesu Ikirisiti Ananyị yị, ọnị ọ nyị igirima nị, dị ọ nyị ụbanyị nị, ọnị ọ rẹ vị ohinọyị nị, dị ọ rẹ nyị ụkata nị. Avọọ ọ mẹ̀ yị yà hụrẹ ụmọrụmọ dị a va mẹ ẹhẹ nị. Avọọ ọ mẹ yị yà nị. Avọọ ọ mẹ̀ rẹ vaa yà pooro zịna-zịna nị. Aamị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.