Odeyi 13:22 - IWE ỌNỊNỊ

²² Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

Odeyi 13:22 ပူးပေါင်းရင်းမြစ်များ

2 Ịsamụwẹrị 2:4

É mè hi ịzọọ, ẹkụhị ọnya dị Anijuda vẹ Ihebirọnị dị ẹ yà ịzọọ nyị Idevidi dị ẹ sị ọ rị ohinọyị Anijuda nị. Ẹkụhị ọnya dị a va kà a yi Idevidi ka Anijabesi Anigiriyadi e nē Ịsọọrụ nọ!

2 Ịsamụwẹrị 7:15

Mi vee sì ịrẹyị anị pooro nị. Ẹ yị nyị ụmẹ ọnị mị va sịị̄ sị ịrẹyị anịị hụụnị ayị amị. Ịsọọrụ mị sị kwooze dị mị si Idevidi rị ohinọyị nị.

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

1 Ohinọyị 15:3

Avaba ebira odivi ana ada Abijami mẹ ka Ẹnẹyịmavara na, Abijami ọnị rẹ mẹ nị. Ayị anị ọ yị vị ọnya tụ́ ịda Ẹnẹyịmavara anka Idevidi ohiku anị mẹ̀ nyị ayị ọnya.

1 Ohinọyị 15:5

Idevidi ộ mẹ̀ ebira ana vọrọ ini eyi Ẹnẹyịmavara. A yi nyị ụmẹ ọnị ọ sị sị ahụ jị ọchị nyee ịnị avaba ọda ẹnị Ẹnẹyịmavara mẹ yọ, pooro ịnị ẹhẹ anị, à yị hụhụ vị ịnị ịrẹyị Uriya Anihiti kẹnẹ.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

1 Ịtọpa 2:12

Ibowazị ọ vị ada Ọbẹdị nị; di Ọbẹdị ọnị ma Ijeese nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ijeremaya 33:21

Ịjọnọọ a vaa zụ kụ ịzẹzẹ ọnị ọnị zẹẹ yị Idevidi ozi ahụ anị kwooze dị ezi anị ẹ́ yị kụkụ rị ohinọyị nị. Ịjọnọọ á rẹ vaa zụụ kụ ịzẹzẹ ọnị ọnị zẹẹ yị Anireevi kwooze ka, asị ẹ́ kụkụ vị ohirẹsụ irehi Ohomorihi nị.

Ijeremaya 33:26

Avọọ gẹdẹ-gẹdẹ ọnị mẹ vaa sị ụvọ za ịzẹzẹ ọnị zẹẹ beri ezi Ijekọvụ ọnị Idevidi ana vị ozi ahụ anị nị. Ọnị vaa nyị ọnya ịnị ezi Idevidi ana vaa rị ohinọyị tụra ezi Abụrahamị, Ayiziiki ọnịrị Ijekọvụ ịrẹsụ. Ọ kà ọnị vaa vayị aza anị dị ọnị varẹma mẹ ka ò zee yị wa.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Odeyi 13:36

“Idevidi ộ mẹ̀ ịsa oni Ohomorihi mẹ̀ eto anịị yọ ta ịnị ụmẹ anị, di o sú, di e ne e anka ohiku anị nịnị, dị ọ vụ̀ nị.

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Odeyi 7:46

Ịrẹyị Idevidi ô zé Ohomorihi eyi, di Idevidi ka ọnị aa dà irehii yị Ohomorihi Ijekọvụ nị.

1 Ịsamụwẹrị 12:25

Ama wàa ka wẹ yị hụụnị ebira odivi nịnị, ẹwụrị ohinọyị awụ nịnị vị ọnị Ohomorihi vaa kụụ hụrẹ oze.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 28:16

Di Ịsamụwẹrị ka, “Ẹhẹẹ, sị ẹ vẹ dị ẹwụ vaa hị́ ẹmị Ẹnẹyịmavara mẹ̀ raà và ịrẹma awụ dị ahịka ọnịrẹyị awụ ọ kụkụ vị aanị nị.

1 Ịsamụwẹrị 31:6

Avọọ Ịsọọrụ ọnịrị ezi anị ne beri ọza anaā za ẹnya ịrẹkụụ gụ ọ ọnịrị avaba aza anị mè su ịnị ẹkụhị ọnya nị.