Odeyi 13:21 - IWE ỌNỊNỊ

²¹ Ịrẹma ọnọọ, dị Anisirẹrị ka eni ee sì ohinọyị nị. Dị Ohomorihi sị Ịsọọrụ ozi Ikisi ana vị anovwoovu Ịbẹnjamịnị yị wa nị. Ộ mẹ ohinọyị yị wa mẹ ịrayị ẹbẹẹva.

Odeyi 13:21 ပူးပေါင်းရင်းမြစ်များ

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 11:15

Ịzẹyịza dị avaba aza ẹnẹẹ nọ Igirigari dị ẹ na yà eyi Ẹnẹyịmavara, dị e tenyi ahụ Ịsọọrụ si hi ẹtẹ ka ọnị ọ vị ohinọyị nị. Dị ẹnịnị yà ịzọọ dị ẹ mẹ̀ ịsọvọ yị Ẹnẹyịmavara kà avaba aza ẹ̀ nyị ẹngwọọrọ nị. Dị Ịsọọrụ ọnịrị Anisirẹrị nịnị nyayịnẹ rị eche ịrẹyị ọnọọ nị.

1 Ịsamụwẹrị 15:1

Ẹkụhị ọnya dị Ịsamụwẹrị hị́ Ịsọọrụ dị ọ kà, “Wâ yẹ ka ẹmị ọnọnị Ẹnẹyịmavara tụ́ ka ọ̀ va sị wụ rị ohinọyị tụ́ ịrẹsụ Anisirẹrị aza anị nị. Batọ dị wa wụ́ ụtụ ẹnị Ẹnẹyịmavara tụ́ mị hi wu.

1 Ịsamụwẹrị 8:5

dị ẹ ka, “Ịsamụwẹrị, we si bo, ezi ewu ẹ yị zẹẹ ka ẹnị ẹ̀ sị ebira awụ; avọọ yee sì ka wa nyị ọza dị ọ vị ohinọyị ayị, dị ọza ọnọọ ọnị ọ̀ rẹ kụkụ vị ọdọvịdị ayị anka avaba anẹkụra ana vọ ẹnẹ ẹ̀ yị vị Anisirẹrị mẹ̀ nyị ohinọyị.”

1 Ịsamụwẹrị 9:1

Ụmẹ ọnya yà ịzọọ â nyị ọza ọbanyị ọnya aanị, Anịbẹnjamịnị ọ vị nị, di eyi yẹ ẹ ẹtẹẹtẹrẹ nị. Ịrẹha ọnọrụ ọnọọ ọ rị Ikisi nị. Ikisi ọnọọ vị ozi Abiyẹrị. Abiyẹrị ọnị rẹ vị ozi Izerọ. Ada Izerọ ọ rị Ibekora nị. Ibekora ọnị rẹ vị ozi Apiya.

1 Ịsamụwẹrị 9:15

Ịjị ọ sị vọ ụhwọọ ọnị Ịsọọrụ nịnị aa vaa ngụ ịnị ẹkụra, Ẹnẹyịmavara ộ vịdị raà sị ịrẹyị ọnọọ zụ̀ Ịsamụwẹrị.