Odeyi 13:19 - IWE ỌNỊNỊ

¹⁹ Ohomorihi ộ wụ anẹkụra ịhịmba kwooze hụụnị ẹtẹ Ikanaani, dị ọ sị ẹtẹ ẹnịnị yị aza anị,

Odeyi 13:19 ပူးပေါင်းရင်းမြစ်များ

Oyinyima 12:5

Abụramị ộ sị Isarayi ose anị ọnịrị Ịrọọtị ozi ọyịnyara anị ne beri avaba ogu ọnị ọ nyị. Ọ rẹ kụ́ aza ọnị ọ nyị ọ mẹ̀ yà Ịharanị, di e si hu dị ẹ yaa nọ ịnị ẹtẹ Ikanaani nị. Ẹ mẹ̀ na sị ngụ Ikanaani,

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

1 Ohinọyị 6:1

Ịnị ịrayị ana gụ ọ ịrayị akava tụra ẹbẹẹna ọnị ezi Anisirẹrị nịnị jịnẹ hụrẹ Ijipiti, Isoromọnị si rị ohinọyị tụra ịrẹsụ Anisirẹrị nị. Ịnị ịrayị ọhụna ọnị ọ vavọọ sị rị ohinọyị, ịnị ụhwẹ ana aā hị́ Izivi, ọnị ọ vị ụhwẹ ọhụva ịnị ịrayị ọhụna oni Isoromọnị si rị ohinọyị nị. Ịnị ụhwẹ ọnọọ Isoromọnị yà dà irehi yị Ẹnẹyịmavara nị.

Inehemaya 9:24

Ẹnịnị ệ dọ avaba ẹtẹ Ikanaani, dị Ohomorihi nyị ẹbẹẹba aza ana ra ịzọọ nị. Ộ za Anikenaani ọnịrị Ohinọyị ẹnịnị chire wa ụvọ ka ẹ mẹ wa o mè ze wa eyi.

Ahẹ Ụgama 135:11

Ẹnyị ini ohinọyị ẹnẹẹ ẹ vị Isihoni ohinọyị Anamọrị ọnịrị Oogi ohinọyị Anịbasanị ne beri avaba ohinọyị Anikenaani.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ayịsaya 34:17

Ẹnẹyịmavara ò reè re ẹtẹ ne hu, dị ọ ga a, dị ọ sị ẹhwị ẹtẹ ọzọza yọ nị. Ẹnị ẹ vaa nyị ẹtẹ ọnọọ pooro zịna-zịna, hụrẹ ụmẹ ọnyị na ngụ ọsa.

Odeyi 7:45

Ịrẹma ọnọọ, ada ayị ệ rẹ vana dọ ajẹngụ ọnọọ hụụnị ụvọ ohiku ẹnịnị. Dị ẹ za a, ẹ màa saasa Ijosuwa nị. Dị ẹ na dọ ẹtẹ hụụnị ụvọ aza irenyi-irenyi oni Ohomorihi sị dụ jịnẹ yị wa nị. Dị ajẹngụ ọnọọ yà ịzọọ pooro ne tù ụmẹ Idevidi nị.

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Ijosuwa 14:1

Ịnị ụmẹ ọnọọ, avaba ẹtẹ Ikanaani ọnị Anisirẹrị nịnị dọ wa vị ogu ẹnịnị. Dị Eriyaza, ohirẹsụ irehi Ohomorihi, ọnịrị Ijosuwa ozi Inuni ne beri ohi-ohi ịrẹsụ Anisirẹrị ga ẹtẹ ọnọọ yị Anisirẹrị nịnị nị.

Ijosuwa 18:10

Ijosuwa ô si iruvo hụụnị ụvọ Ẹnẹyịmavara a mẹ vọrọ ka ọ ga ẹtẹ ọnọọ, dị ọ ka yị wa ịsị Ẹnẹyịmavara kà nị.

Ijosuwa 19:51

Ẹtẹ ẹnẹnị ohirẹsụ irehi Ohomorihi ana aā hị́ Eriyaza, ọnịrị Ijosuwa ozi Inuni, beri azọkụ-azọkụ abara-abara Anisirẹrị nịnị ga nị. Dị ẹ va gà a, ẹnịnị ệ si iruvo anị hụụnị ụvọ Ẹnẹyịmavara, enoze ajẹngụ Ẹnẹyịmavara Isiro. Aanị ẹ mẹmẹ gà ẹtẹ ọnọọ ta nị.

Ijosuwa 23:4

Dị ọnị raà ga ẹtẹ anẹkụra ene wusu ọnịrị ana yara yị ịrẹsụ-ịrẹsụ Anisirẹrị nịnị hụrị Okuha Ịjọdanị na ngụ Òkū Imeditareniya.

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

Ọdọvịdị 11:26

Ọ rẹ kà a ka hụrẹ ịrayị ọnị Anisirẹrị nịnị hụrẹ ra hị́ ẹtẹ Ịhẹsịbọnị ọnịrị ẹtẹ Aroyeri beri ẹkụra oweyi-oweyi ẹnị ẹ kụ gẹ ẹngụ avọọ, sị ẹ vẹ dị Isihoni ẹ yị sị vụrị ka ẹnị ẹ dọ ẹtẹ ẹnẹẹ varẹma va ngụ ọyaanị.