Odeyi 13:15 - IWE ỌNỊNỊ

¹⁵ Ịjị a sị iwe ọda Imosiisi ọnịrị iwe ọnịsẹ nịnị kà, dị ọdọvịdị irehi Ohomorihi ọnọọ tụ́ ne tù Ịpọọrụ nịnị, dị ẹ ka, “Ẹnẹbẹnị ayị, ị yaanị sì ka wa kà ịrẹyị yị aza ẹnẹnị nịnị, wàa nyị ịrẹyị ana a vọrọ ka ọ̀ tụ́ wa ọtụtụrụma.”

Odeyi 13:15 ပူးပေါင်းရင်းမြစ်များ

Ịmaakị 5:22

Re, ọza ịnya aanị ịnị ọdọvịdị irehi ahẹkẹ Aniju nịnị ộ vẹ. Ịrẹha anị ọ rị Ịjayịrọọsị nị. O mè re Ijeesu, dị ọ và ku ẹtẹ ọ́vịdị anị nị.

Iruuku 16:16

“Ọda Imosiisi ọnịrị ịrẹyị ọnịsẹ nịnị ẹ́ jẹẹ pooro ve tù ụmẹ Ịjọọnụ ọhwọzenyi. Hụrẹ ụmẹ ọnọọ a hụrẹ aa kà enube ọyịza ka Ohomorihi aa mẹ ịjọva nị. Ọzọza aa vụrịị sị ụkataa ngụ ọọ.

Odeyi 1:16

“Ẹwụ nịnị ẹyịnyara amị, Ụhwẹ Ọnịnị ộ vịdị mẹ ka Idevidi ọ̀ chẹrẹ ịsa ini oze Ijudasi tụ́ ini Iwe Ohomorihi. Ijudasi ọnọọ ọ sị oze zụ̀ aza ana va za Ijeesu nị. Ẹ yị zụ nyị ka ịrẹyị ọnọọ ẹyị sẹ.

Odeyi 13:27

Aza ene hi Ijerusarẹmị beri ọdọvịdị ẹnịnị ẹ yị yẹ ẹngụ ọza oni Ijeesu vị. Ẹnịnị ẹ yị rẹ yẹ ịrẹyị ọnịsẹ nịnị ana aa kà ẹkụhị ụhwọtụ-ẹkụhị ụhwọtụ. Ama ệ mẹ ka ịrẹyị ọnịsẹ nịnị ọ̀ sẹ, ẹ mẹ̀ jị ịvị isu yị Ijeesu.

Odeyi 15:21

Agụvị ka o si kù ana a hụrẹ aa kà ọda Imosiisi ini irehi Ohomorihi, dị aa kà ịrẹyị anị avaba ẹkụra ịnị ẹkụhị ụhwọtụ-ẹkụhị ụhwọtụ nị.”

Odeyi 15:7

Ịjị ẹ da ahankata nyị, di Ipita kwẹẹtẹ, dị ọ ka, “Anda ayị nịnị, wâ yẹ nịnị ka ịnị ụmẹ ọnya o si kù aanị, Ohomorihi ộ nyị mị hụụnị akakana awụ nịnị ka ma na kà enube ọyịza yị Anigiriki nịnị, agụvị dị ẹ̀ zụ dọ wụ́.

Odeyi 18:17

Dị Anigiriki nịnị za Isositenesi ana vị ọdọvịdị irehi Ohomorihi Aniju, di e tụ́ ọọ ọ́vịdị ikootu gẹdẹ-gẹdẹ nị. Ama ẹ yị nyị ịzị ọnọọ kanyị Igariyo vụrụ-vụrụ.

Odeyi 18:8

Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 2:29

Ẹwụ nịnị ẹyịnyara amị, jẹẹ ma kà a wụ nịnị gedebee ini oze Idevidi ada ayị. Idevidi ô sú, di e ne e nị. Ikuta anị yà ịdị ayị ịzẹnị pooro tù ajịnị.

Odeyi 2:37

Aza ẹnẹnị mẹ̀ wụ́ ịrẹyị ẹnẹnị, ayị ẹnịnị ẹ sị sụ̀ enyi. Dị ẹ kà a yị Ipita ọnịrị odeyi nịnị ana vọ, dị ẹ ka, “Ẹwụ nịnị ẹyịnyara amị, sị a vọrọ ka ya mẹ?”

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

Odeyi 20:2

Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị.

Odeyi 22:1

“Ẹwụ nịnị aza ana gụ, anda ayị nịnị ọnịrị ada ayị nịnị, batọ nịnị, m màa kụ́ irenu amị aanị!”

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

1 Anịkọrịntị 14:3

Ama ọza ana aa kà ịsẹ vị ana aa kà ịrẹyịị yị aza. Ịrẹyị anị aa gụ aza ụvọ, ọ raa mẹ ka ayị aza ẹ̀ vị, dị èe hunẹnẹ wa ayị.

2 Anịkọrịntị 3:14

Ayị ẹnịnị vị ẹnẹ rẹ sị ịta kú. Vi ve tụ́ ajịnị, ẹ̀ẹ yaa kà iwe oto ịyẹẹyẹ, vị ịsa ọnọọ ki kú wa ayị nị. Ịhị ọza ọnịrị Ijeesu oni Ohomorihi nyị mẹ ohinọyị ka ọ̀ dọ yị há, ọ̀ọ sị vị ọnya, ịhị ọnọọ a vaa hụ̀ ịsa ọnọọ hụrẹ ẹ ayị nị.

1 Anịtẹsaronika 2:3

Ị mẹ̀ vavọọ aa kà a wụ nịnị, yẹ yị saasa ịrẹyị ireche, yẹ yị mẹ̀ ebira ịdọtị, ye yi re vene wu nịnị.

Anihiburu 13:22

Ẹwụ nịnị ẹyịnyara amị, aarịhịnị sị ụtọ pe ịrẹyị ọnị mị sị pe wu nịnị juwe aanị ẹtẹẹtẹrẹ! Iwe ọnị mị chẹrẹ tụ́ hi wu nịnị ọ yị gọdọ.