Odeyi 13:1 - IWE ỌNỊNỊ

¹ Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 13:1 ပူးပေါင်းရင်းမြစ်များ

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Odeyi 11:30

Ịzẹyịza, dị ẹ vavọọ mẹ nị. Dị ẹ sị ịsị e re tụ́ Ịbanabasị ọnịrị Ịsọọrụ hi azọkụ ịragụ Ohomorihi ene hi Ijerusarẹmị nị.

Odeyi 12:25

Ị́banabasị ọnịrị Ịsọọrụ mẹ̀ sị ụtụ ẹnịnị zị ta, dị ẹ hụrẹ Ijerusarẹmị aa vẹ, ệ sị Ịjọọnụ ọnị ịrẹha ẹtẹ anị rị Ịmaakị za.

Odeyi 13:9

Ụhwẹ Ọnịnị ộ dọ avaba ayị Ịsọọrụ ana a rẹẹ̄ hị́ Ịpọọrụ. Dị ọ jị eyi ngụ ọnịsẹ ireche ọnọọ nị.

Odeyi 15:32

Ijudasi ọnịrị Isira ẹnị vị ọnịsẹ. Ê pe aza ẹnẹẹ kà ịrẹyị ẹtẹẹtẹrẹ, di e hú wa ụvọ, dị ẹ tụ́ wa ọtụtụrụma nị.

Odeyi 15:35

Ịpọọrụ ọnịrị Ịbanabasị ệ yà Antịyọkị kù, dị ẹnịrị aza ọrụrụ-ọrụrụ aa kà ịrẹyị Ananyị yị, dị ẹyaa sị ịsaa zụ̀ aza nị.

Odeyi 19:6

Dị Ịpọọrụ sị ụvọ tụra wa, dị Ụhwẹ Ọnịnị dọ avaba ayị ẹnịnị, dị ẹyaa sị ẹkụra ọsaa kà ịrẹyị, dị ẹyaa kà ịsẹ nị.

Odeyi 21:9

Ihwiripi ộ ma ezi anẹẹ ẹẹna ẹnẹ ẹ̀ yị yẹ ọnọrụ, ana vị ọnịsẹ.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Odeyi 9:1

Ịnị ụmẹ ọnọọ, Ịsọọrụ ee yii chire ezirẹma Ananyị yị angwa. Dị aa mẹ kaakara ka ọnị ọ̀ wụ̀ wa nị. Dị ọ nọ ịdị ohirẹsụ ọbanyị irehi Ohomorihi,

Aniroomi 16:21

Itimoti ẹnẹ ẹmịrịị dudu aa mẹ̀ ụkọrọ ka ọnị kụ́ wụ nịnị. Irusiyọsị ọnịrị Ijasoni, beri Isosipata anda ayị Aniju ka ẹnị rẹ kụ́ wụ nịnị.

1 Anịkọrịntị 11:4

Ọnọrụ ana àaa mẹ̀ aduwa, à vị ka dị aa kà ịsẹ, dị ọ sị ịsa kú ịrẹsụ anị nị, ọ yị sị ụbanyị yị ohirẹsụ anị.

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.

1 Anịkọrịntị 13:8

Ọza ene sì ịrẹyị ọza vị ene yii sì ịrẹyị ọza pooro. Ama ụmẹ aa vẹ ọnị ọza ọ̀ yị kụkụ vaa kà ịrẹyị. Ịrẹyọyẹ ọnị ọzaā nyị rẹ vaa ta.

1 Anịkọrịntị 14:29

Ẹhụụ aza ẹnị ẹẹva na ngụ ẹẹta avọọ ẹ zụ aa kà ịsẹ, dị aza ana vọ ẹ̀ẹ zama ịrẹyị ẹnẹ ẹ kà re!

1 Anịkọrịntị 14:32

Ọza ana nyị ụkata ọyịkà ịrẹyị Ohomorihi, ọ̀ zụ sị ụvọ za ẹngụ anị!

1 Anịkọrịntị 9:6

Ịnị avaba Ézirẹma Ijeesu, ẹmịrị Ịbanabasị kẹnẹ ọ́ọ́ vọrọ ka ọ̀ọ mẹ̀ ụkọrọ ọnị yaa rị nị?

Anigaratiya 2:13

Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ.

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anẹhwẹsọsị 4:11

Ọnị ọ sị ụkata yị aza ẹnyị ka ẹ̀ vị odeyi, dị aza ẹnyị ẹ̀ vị ọnịsẹ, dị aza ẹnyị ẹ̀ rẹ vị enenubọyịza nị. Ọ rẹ sị ụkata yị aza ẹnyị ka ẹ̀ vị aza ana sị eyi pe aza Ohomorihi, dị aza ẹnyị ẹ̀ẹ zụ̀ aza ịsa nị.

Anihwiripi 4:22

Avaba aza Ohomorihi ka ẹnị kụ́ wụ nịnị. Ẹnị anineehi ohinọyị Aniroomi ka màaa kụ́ wụ nịnị, ẹnị ẹ̀ẹ wụ́.

1 Anịtẹsaronika 5:20

Asị ụ sị eyi wụ̀ ịrẹyị ẹnẹnị.