Odeyi 12:23 - IWE ỌNỊNỊ

²³ Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Odeyi 12:23 ပူးပေါင်းရင်းမြစ်များ

2 Ohinọyị 19:35

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

2 Ịtọpa 32:21

Ịzẹyịza, dị Ohomorihi tụ́ anggẹẹrị ana na wụ̀ isoja ọnịrị ọdọvịdị Anasiriya nịnị ha nị. Ịjị Isenakeribi vavọọ re e, dị ọ sị ụhị-ụhị varẹma na eehi anị nị. Ẹkụhị ọnya, ọ mẹ ya ịnị irehi ori anị, dị ezi anị ẹnyị sị ụhwọ, dị ẹ wụ̀ ọ nị.

Ijoovu 19:26

Ọ̀ọ da ka vị ka ụkụ oo du mi ọchẹngụ ha, ẹmịrị ọchẹngụ ọnọnị yi vee re Ohomorihi.

Ijoovu 7:5

Avaba ẹngụ anị vị ịtahụtahụ, di e yee tu chava kẹnẹ nị.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ọyịkụra 12:23

Ọ kà ịjị Ẹnẹyịmavara aa ngụ Ijipiti di aa wụ ozi ọzọkụ ẹnịnị nị, o vee re ọnọọ ini ihweremi oze ẹyịva ọnịrị ịnị ọbana oze, dị ọ para oze ọnọọ hu. Ọ kà ọ yị vaa zẹẹ ka ọwọza ọnọọ ọ̀ ngụ ini eehi na wụ̀ ọza.

Ọyịkụra 12:29

Ịzẹyịza ịnị agẹvịrahụ, ịhị ọnọọ, dị Ẹnẹyịmavara wụ̀ avaba ezi ana vi ezi ọzọkụ ịnị ẹtẹ Ijipiti nị. Ô nyima hụụnị ozi ọzọkụ Ihwarawo ana vọrọ ka ọ̀ dọ ada anị ịrẹsụ huu ne tụ́ ozi ọzọkụ aza ana za hi ịnị ẹngwa. Ezi ọzọkụ avaba ịsụpa vi ene re sú bẹẹ.

Ọyịkụra 9:17

Ọ kà ọ̀ kà a ka ọnị ka a vi ee yii wù, dị ọ̀ yị zẹẹ ka ẹ̀ naa,

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.

Ayịsaya 14:11

Ẹwụrị avaba ụbanyị awụ ọ sị ngụ ikuta aanị nị. Ẹwụ ana a vịdị maanịị hú ọkangga yị, idegu maanị chaka kụ́, dị avaba ẹngụ awụ vị ikukurumi-ikukurumi aanị nịị?

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ayịsaya 51:8

Aza ene du wa vee vu ẹtẹ anka idegu mẹ̄ rị achị avọọ. Ama ọnị vaa ẹdọha wa pooro zịna-zịna. Avọọ ọnị mẹ vaa nyị ẹbẹẹba pooro nị.

Ayịsaya 66:24

Ẹnịnị maa jịnẹ tụ ẹhẹ, e vee re oku aza ana mẹ̀ akamawụ hi ọnị. Ikukurumi ana aa rị wa ẹ yị vee su, dị ịra ana aa rị wa ẹ yị vee mi. Oyn re wa vị ana vaa nyị aza ịhyẹrẹ.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ezikẹẹrị 28:9

Wáá kụkụ va zụụ yà ọvịdị aza anaa wụ wụ hị́ ẹngụ awụ ori ịjị ọnọọ? U vee re ka ọza ịrẹyị-ịrẹyị osusu ụ vị nị, wẹ́ yị vị ori.

Odeyi 12:22

Di e nowu zẹtẹ, dị ẹ ka ẹ yị kụkụ vị ọza kẹnẹ aa kà ịrẹyị aanị, Ohomorihii yọ nị.

Odeyi 5:19

Ama ịrahụ ịhị ọnọọ, dị anggẹẹrị Ohomorihi va na oze ini otumare ọnọọ, dị ọ kụ́ wa jịnẹ nị. Dị ọ ka:

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

1 Ịsamụwẹrị 25:38

Ịhị ẹ tụ́ ọ ẹkụhị ẹẹwụ, dị Ẹnẹyịmavara Ịnabarị ịsa, di o su nị.