Odeyi 12:21 - IWE ỌNỊNỊ

²¹ Ịhị ẹkụhị ana a jị si tù, dị Ịhẹrọdị chire awuru ohinọyị anị, dị ọ yaayịtẹ ịnị aga ohinọyị, dị aa kà ịrẹyịị yị aza nị.

Odeyi 12:21 ပူးပေါင်းရင်းမြစ်များ

1 Ohinọyị 22:10

Ịjọnọọ ohinọyị Anisirẹrị ọnịrị Ijehosahwati ana vi ohinọyị Anijuda vi ana yaayịtẹ, di ọzọza yà ịnị aga anị nị. Ọza-ọza vi ene chire awuru di e hi ịzị eē tụ́ ayị ini enoze ana na ngụ ịnị ẹkụra. Dị avaba ọnịsẹ hí ọvịdị ẹnịnị dị ọzọza aa kà ịsẹ nị.

Ijoovu 15:21

Ịrẹyị odivi ana vaa kụ́ ayịhụrịnẹ tu wa ẹ vaa wụ̀ pooro nị. Anako vana vaa ngụ tu wa ịnị ụmẹ ọnị ẹngụ ẹnịnị ọ ka ọnị o hi ahị.

Ụhịrẹyị 18:12

Ọza ana ka ẹngụ anị chi ọọ̄ nyị ụbanyị nị, ọza ọ̀ọ sị nyima àa sị ẹngụ tụ ẹba à vaa mẹ̀ ụhị nyị ẹngụ anị.

Ayịsaya 5:14

Ikuta vị ana há irenu ee zi wâ yẹ ka ịnẹ ọ ma ha a. Aza ẹbanyị awụ nịnị ọnịrị onosiye awụ nịnị ene ee hú eche dị ẹ yaa mẹ chavaa vi ene vee sú ha.

Ịmarakayị 3:15

Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.

Imatiwu 27:19

Ípayireti mẹ̀ yaayịtẹ ịnị aga ọkarẹyị anị, ose anị ộ tụ́ ụtụ hi ọọ ka, “Asị ụ bẹ ụvọ tụ́ ịrẹyị ọnọrụ ọnọọ, oo, agụvị ka ẹ yị nyị ịsị ọ mẹ. Eyi amị ô re ịrẹyị ẹtẹẹtẹrẹ ịnị ụra ajịnị agụvị ịrẹyị anị.”

Odeyi 12:20

Ịhẹrọdị vị ana nyayịnẹ aa kụ́ ayịị hi Anitaya ọnịrị Anisidoni. Ẹnịnị ệ tụ́ aza ka è ve re Ịhẹrọdị, di e vịdị ne tù Ibirasitọsị ana vị ọnụkọrọ ohinọyị ana nyị ụbanyị ẹtẹẹtẹrẹ, dị ọnịrị wa si ze nị. Di e dudu va na dá ịpẹ yị ohinọyị ka ịrẹyị ọ̀ ta nị, agụvị ka ịnị ẹkụra ohinọyị ị́sọyịrị aa hụrẹẹ vẹ ana anẹkụra ẹnẹẹ aa rị nị.

Odeyi 12:22

Di e nowu zẹtẹ, dị ẹ ka ẹ yị kụkụ vị ọza kẹnẹ aa kà ịrẹyị aanị, Ohomorihii yọ nị.

Odeyi 24:1

Ịrẹma ẹkụhị ẹẹhị kwooze, di ohirẹsụ ọbanyị irehi Ohomorihi ana aā hị́ Ananịya chí nọ Isesariya nị. Ọnịrị azọkụ nịnị beri ọza ịnya ana yẹ eyi ịrẹka ọyịkụ ana aā hị́ Iteturọsị ẹ zị na nị. Ịjị e tù ịda ịgọvọnọ ọnọọ, dị ẹ kà a yọ ịrẹyị ẹnẹẹ sị za Ịpọọrụ nị.

Odeyi 25:23

Eyinẹhẹ anị, dị Agiripa ọnịrị Ịbẹnayịsị vẹ nị. Dị aza anị kụ́ ẹnya hi ẹngụ ẹtẹẹtẹrẹ, dị ẹ ngụ ini ikootu nị. Dị ọga ẹbanyị isoja nịnị ọnịrị ọdọvịdị ẹkụra nịnị ẹnị rẹ vẹ bẹẹ nị. Dị Ịhwẹsịtọsị ka à sị Ịpọọrụ vẹ, dị a sị ọọ vẹ nị.