Odeyi 12:19 - IWE ỌNỊNỊ

¹⁹ Dị Ịhẹrọdị mẹ ọda ka èe sì ọọ nị, ama ẹnịnị e yi re e. Dị ọ họ̀ oserẹtẹ ẹnẹẹ use ịrẹyị nị. Dị ọ ka à wụ̀ wa nị. Dị Ịhẹrọdị hụrẹ Ijudiya chí nọ Isesariya, dị ọ na yà ịzọọ nị.

Odeyi 12:19 ပူးပေါင်းရင်းမြစ်များ

1 Ohinọyị 20:43

Di ohinọyị Anisirẹrị si hu aa nọ eehi anị Ịsamarịya, dị ahịka vị ayị anị nyayịnẹ du nị.

Ẹsịta 6:12

Ịjị ẹ sị mẹ ta, dị Imodekaya và na yaatẹ oze ovwoovu ịdị ohinọyị nị. Dị Ịhamanị ọnị zwe na ngụ eehi, dị ọ na và ụvọ kú eyi di aa jị òrèrè nị.

Ijeremaya 36:26

Ama dị ọ tụ ozi anị ọnya ana aā hị́ Ijerahimẹẹrị beri anọrụ ana aā hị́ Iseraya ozi Azireri ọnịrị Iseremaya ozi Abideeri ka ẹ̀ na za Ibaruki ọnịrị Ijeremaya ana vị ọnịsẹ vẹ nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:13

Ịjị e si hu, dị anggẹẹrị Ohomorihi sị ẹngụ zụ̀ Ijosẹẹhụ ịnị ụra nị. Dị ọ kà a yọ ka, ọ̀ kwẹẹtẹ dị ò si ozi ọnọọ ọnịrị ọnyị anị, dị ò zwe nọ Ijipiti nị. Ọ kà ọ̀ yà ịzọọ pooro ne tu ịhị ọnị ọnị ọ̀ọ kà a yọ ka ọọ vẹ, agụvị ka Ịhẹrọdị ee si ka ọnị ọ̀ wụ ozi ọnọọ.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Odeyi 12:18

Ịjị eyi sị nị, isoja ẹnẹẹ ẹ yị nyị eyi vụrụ-vụrụ. Dị ẹ ka ịzị Ipita yà kẹ?

Odeyi 12:4

Ịjị ọ sị Ipita za, dị ọ sị ọọ na tụ́ ịnị ẹngwa nị. Dị ọ sị ọọ chire isoja nịnị ana a gà ẹnẹẹna hi oze ẹẹna ụvọ, dị ọ ka è sị eyi pe e nị. Di o ro ka àa sị Eche Ọyịparahu rị kwooze, dị à va mẹ̀ ọkarẹyị anị éyi avaba aza nị.

Odeyi 12:6

Ịnị ịrahụ ịhị ọnị Ịhẹrọdị ro ka ọnị aa sị Ipita nee tù aza aanị, dị Ipita ọnị aa sụ̀ ara ịnị akakana isoja ẹẹva nịnị nị. Dị a sị ẹba ẹẹva sụ́ ọọ, di oserẹtẹ nịnị jẹẹ oze, di eyee sere ẹngwa nị.

Odeyi 16:27

Dị ọga anịnẹngwa ọnọọ sị ha nị. O mè re ka oze ẹngwa ẹ kụ́ na hi ẹtẹ, di o ro o ka vị́ avaba anịnẹngwa ẹnẹẹ e si zwe nị. Agụvị avọọ, dị ọ tụ̀ ụhwọ ka ọnị ọ̀ wụ ẹngụ anị nị.

Odeyi 21:8

Eyinẹhẹ anị, dị ị hụụ ịzọọ, dị ị na Isesariya nị. Dị ị nọ ini eehi Ihwiripi ana vị okenubọyịza ana vị ọnya ịnị ọnọgụvọ ịhịmba ẹnẹẹ, dị yà ịzọọ nị.

Odeyi 25:13

Ẹkụhị ọnya, ohinọyị ana aā hị́ Agiripa ọnịrị Ịbẹnayịsị ệ vẹ Isesariya ka ẹnị ẹ̀ va kụ́ Ịhwẹsịtọsị.

Odeyi 27:42

Dị isoja nịnị ẹnẹẹ ka ẹnị aa wụ̀ avaba anịnẹngwa ẹnẹẹ, agụvị asị a nyị ana họ̀ enyi na jịnẹ nị.

Odeyi 8:40

Di e vene re Ihwiripi ẹkụra ana aā hị́ Azotu nị. Ọ́ màa parahu, dị aa kà enube ọyịzaa yị aza ịnị avaba ẹkụra ẹnẹẹ pooro dị ọ va ngụ ẹkụra Isesariya nị.

1 Ịsamụwẹrị 23:14

Idevidi ọ na yà ịnị avị ịzị aa hị́ Izihwi, dị ọ nọ aha ọyịtẹ̀ ịnị ataba ịzọọ, dị ọ na tẹ̀ nị. Dị Ịsọọrụ ee sì ọ eyinị-eyinị nị, ama Ohomorihi ọ yị sị Idevidi chire e ụvọ.