Odeyi 11:29 - IWE ỌNỊNỊ

²⁹ Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 11:29 ပူးပေါင်းရင်းမြစ်များ

Ẹzịra 2:69

Ẹhụ ọpa ụkata ịsa ọnị ọzọza nyị ẹ sị vẹ, dị igooru vị ikirogirami akavarẹchẹhị, dị isiriva vị ikirogirami akawụrakana ne beri awuru ohirẹsụ irehi Ohomorihi ẹchẹhị.

Inehemaya 5:8

Ịjị aza sị gụ, dị mị ka, yâ sị vụrị ka ẹnị yậ hị́ anda ayị Aniju ana a ná yị anẹkụra ọsa nịnị, ama ẹwụ nịnị aa ná anda awụ nịnị ka ya varẹma rẹ na hị́ wa aanị nị. Dị ọzọza za ku sisisi, dị ẹ yị nyị ọza ana nyị irenu ha nị.

Imatiwu 25:17

Ana dọ achuchu ẹẹva, ọnị ọ rẹ rị ọgụ achuchu ẹẹva tụ́ ọọ.

Ịjọọnụ 2:2

 hị́ Ijeesu ọnịrị ezirẹma anị nọ ịzị a yà aa nyị ọnẹẹ aanị.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 13:52

Ezirẹma ene hi Antịyọkị ệ nyị inohine ẹtẹẹtẹrẹ. Dị Ụhwẹ Ọnịnị dọ avaba ayị ẹnịnị nị.

Odeyi 14:20

Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 24:17

“O si kù ọnị mị hụrẹ Ijerusarẹmị. Dị mị va nọ ịzọọ ka ma sị ẹkẹhị na yị aza amị, dị ma rẹ mẹ̀ ịsọvọ hi Ohomorihi nị.

Odeyi 4:34

Ẹ yị nyị ọza ana rị ụya ịsọnyị-ịsọnyị ịnị ẹnịnị. Aza ana àa nyị ẹtẹ, àa vị irehi, dị ẹ ná a, dị ẹ sị ẹkẹhị anị vẹ,

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Odeyi 9:19

Ịjị ọ sị ịsa rị, dị ọ rẹ sị ụkata nyị nị. Ịsọọrụ ộ yà ịdị ezirẹma nịnị Ị́damasịkọsị mẹ ẹkụhị chee.

Odeyi 9:25

Ama ịnị ịrahụ ẹkụhị ọnya, dị aza ịrẹma Ịsọọrụ sị ọọ tụ́ ini uji, dị ẹ zị oze ịnị ọvọ ana kara ẹkụra chí ọ hi ẹtẹ nị.

1 Anịkọrịntị 13:5

Ọza ene sì ịrẹyị ọza, ọ mā mẹ̀ ebira ẹnẹ ẹ̀ yị vọrọ, o mē re sì ọyịza yị ẹngụ anị ịnya kẹnẹ, ọ mā hụra kụ́ ayị, ọ mā rẹ sị ịrẹyị ọza tụ́ ịnị ịnẹ.

Anigaratiya 2:10

Ệ dá ịpẹ yị kẹnẹ ka ya tamayị onosiye nịnị. Ịsị emi reē sì ka ma mẹ gẹdẹ-gẹdẹ ọ vị ọnọọ nị.