Odeyi 11:26 - IWE ỌNỊNỊ

²⁶ O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:26 ပူးပေါင်းရင်းမြစ်များ

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ịjọọnụ 2:2

 hị́ Ijeesu ọnịrị ezirẹma anị nọ ịzị a yà aa nyị ọnẹẹ aanị.

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 11:22

Anịragụ Ohomorihi Íjerusarẹmị ệ wụ́ ịrẹyị ọnọọ, dị ẹ tụ́ Ịbanabasị nọ Antịyọkị nị.

Odeyi 11:27

Ịnị ụmẹ ọnọọ, ọnịsẹ ẹnyị ệ hụrẹ Ijerusarẹmị nọ Antịyọkị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 14:20

Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 14:28

Ệ yà ịzọọ kù pe ezirẹma nịnị.

Odeyi 18:27

Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 19:9

Aza ẹnyị ịnị aza ẹnẹẹ vị anayọkatẹngụ ọnịrị anakamawụ. Dị ẹyaa kà ịrẹyị odivii hi oze Ohomorihi ini eyi anịragụ nị. Agụvị avọọ, dị Ịpọọrụ hụụ ịzọọ yị wa, dị ọ rẹ kụ́ ezirẹma ene ịhị ịzọọ nị. Dị ọ kụkụ aa nọ ini isukuuru Ịtayịranọsị eyinị-eyinị, di ee pe azaa kà ịrẹyị ịzọọ nị.

Odeyi 20:1

Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị.

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Odeyi 21:4

Yê re ezirẹma ẹnyị ịzọọ, dị ị yà ịzọọ pe wa mẹ ẹkụhị ịhịmba nị. Ụhwẹ Ọnịnị ộ mẹ̀ ka ẹ̀ kà a yị Ịpọọrụ ka asị ọ nọ Ijerusarẹmị.

Odeyi 26:28

Dị Agiripa kà a yị Ịpọọrụ ka, “Ịnị ụmẹ keere ọnọnị, ụ waa vaa vara mị Anikirisiti nị?”

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 9:19

Ịjị ọ sị ịsa rị, dị ọ rẹ sị ụkata nyị nị. Ịsọọrụ ộ yà ịdị ezirẹma nịnị Ị́damasịkọsị mẹ ẹkụhị chee.

Odeyi 9:38

Ịjọpa o yi noze rịrị Irida. Ézirẹma nịnị mẹ̀ wụ́ ka Ipita yà Irida, dị ẹ tụ́ aza ẹnị ẹẹva na hị́ ọọ nị. Dị ẹ ka, “Aarịhịnị, wụsẹ jintu ve tù yi!”

1 Anịkọrịntị 11:18

Ịpaapa da, mâ wụ́ ọọ ka wàa sị kụ́ gụ tụ́ ịnị ịchọọchị nịnị, dị ụ sị gà hi nịnị. Mâ dọ wụ́ ka ọ zụ vị ịzẹyịza.

1 Anịkọrịntị 12:12

Wâ yẹ ka ẹngụ ọza vị ọnya, dị ọ va nyị ọchẹngụ ọrụrụ-ọrụrụ nị. Avaba ọchẹngụ ọrụrụ-ọrụrụ ẹnẹẹ vị ana yà ịnị ẹngụ ọnya. Avọọ gẹdẹ-gẹdẹ Ikirisiti ọnị mẹ̀ rẹ yà nị.

1 Anịkọrịntị 14:23

À kà a ka avaba anịragụ Ohomorihi ẹ sị gụ, dị ọzọza kwẹẹtẹ aa sị ẹkụra ọsaa kà ịrẹyị. Aza ẹnẹ ẹ̀ yị yẹ ịsa ẹnẹẹ, àa vị aza ẹnẹ ẹ̀ yị dọ wụ́, ẹ̀ẹ rẹ vẹ ịzọọ, wéé ro ka ayị vị ẹyaa kà a ka u wee che uvu nịnị nị?

1 Anịkọrịntị 4:17

Agụvị avọọ, gẹdẹ-gẹdẹ, maa tụ́ Itimotii hi wu nịnị. Itimoti vị ozi emi oni mi sì ịrẹyị anị. Ayị ọnya aa sịị mẹ̀ ụkọrọ yị Ananyị yị nị. Ọ vaa tama wụ nịnị ayị ahụ oni mee sii hi ẹtẹ ini oze Ijeesu Ikirisiti ọnịrị ọnị mị raa sịị zụ̀ aza aha tụra aha ọnịrị ịnị ịragụ Ohomorihi tụra ịragụ Ohomorihi ọnị màa nọ.

Anẹhwẹsọsị 3:15

Ịrẹha anị avaba aneehi ẹhẹ ọnọnị ọnịrị ẹbẹẹba aa rị nị.

Ijemiisi 2:7

Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị?

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

1Ipita 4:16

Ama ọza àaa rị ụya agụvị ka ọ́ọ vị ọdọwụ, asị ụhị nyị ọ. Ama ọ̀ọ sị ụgaa yị Ohomorihi, agụvị ka a vaa yẹ ka evere Ikirisiti ọ vị nị.

1 Ịjọọnụ 2:27

Ama àa vị ẹwụ nịnị yọ, Ikirisiti ọ raà sị Ụhwẹ Ọnịnị yị wụ ana yà ịnị ayị awụ nịnị. Agụvị avọọ, ẹ́ yị nyị ka ọza ẹnẹsa ọ̀ọ zụ̀ wụ nịnị oze. Ụhwẹ Ọnịnị anị ọnọọ aa sị oze zụ̀ wụ nịnị ịnị avaba ịsa nị. Ịzẹyịza aa sịị zụ̀ wụ nịnị nị, o me cheeche vụrụ-vụrụ. Agụvị avọọ, anka ọ mẹ zụ̀ wụ nịnị ịsa, ẹwụrị ọ ò dudu rị vabẹ nịnị.

Ẹtore 3:18

Agụvị avọọ mee pe wuu juwe ka wa va hị́ igooru anaa sị nyịna hụụ ịda amị, di u we sii kú ẹngụ, dị asị ahwaahụ awụ ana aa sị ụhịị nyị wụ kụkụ tụ́ ẹhẹ!