Odeyi 11:23 - IWE ỌNỊNỊ

²³ Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Odeyi 11:23 ပူးပေါင်းရင်းမြစ်များ

2 Ohinọyị 18:6

Ộ sị ịzẹyịza saasa Ẹnẹyịmavara, ẹ nyị ụmẹ ọnị ọ sị mẹ akamawụ hi ọ. Ama ộ tangwa saasa ọda ọnị Ẹnẹyịmavara mẹ yị Imosiisi.

Ahẹ Ụgama 17:3

We ve tù mị ịrahụ dị ụ zama mi re nị. Wâ yẹ ayị amị, wâ yẹ ka me yi sì ka ma sị irenu amị ka ịsa odivi.

Ụhịrẹyị 23:15

Ozi emi, wàa yẹ ịrẹyị ayị amị vị ene e hine ẹtẹẹtẹrẹ.

Ụhịrẹyị 23:28

Ẹnịnị vị eneē zi ọza anka anako nịnị avọọ. Ẹnịnị ẹ mẹ̀ ka asị anọrụ ọrụrụ-ọrụrụ mẹ ịzẹyịza ka ese ẹnịnị na nị. Ịrẹyị ana tụ ọ ẹwụrẹhịnta.

Ịdanịyẹrị 1:8

Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịmaakị 2:5

Ịjị Ijeesu re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi, ma raà vagu wu ịnị ịvị awụ.”

Ịjọọnụ 15:4

Navọ ya vị ọnya nịnị, dị ẹmịrị ẹwụ nịnị ọ̀ vabẹ. Wâ yẹ nịnị ka avọ́ ọchị ẹ yị zụ tụ́ ẹtụtụ yị ẹngụ anị àa sị ọ dà hụụnị ọchị obooro. Avọọ ẹwụ nịnị ọ̀ yị mẹ̀ rẹ nyẹngụ nyị ẹtụtụ, ẹ̀ yị vị ụ zẹẹ ka ẹmịrị ẹwụ nịnị ọ̀ vị ọnya nị.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 15:40

Dị Ịpọọrụ ọnị rẹ nyị Isira, dị ọdọwụ nịnị sị wa chire Ohomorihi ụvọ ka ọ̀ mẹ ọyịza yị wa; dị ẹyaa na nị.

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Odeyi 20:32

“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Aniroomi 12:8

Ọza ana àa tụ́ ọza ọtụtụrụma, ọnị ọ̀ rẹ sị eyi pe ụkọrọ anị! Ọza ana àa mẹ ẹyịza, ọ̀ọ mẹẹ, asị o ti tụ́ ịnị anị! Ọza ana àa nyị ọda tụra ịrẹsụ aza, ò re ka ọnị ọyị nyị uworo! Ọza ana àa vayị ọza, ọ̀ọ sị ayohinee mẹẹ!

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

2 Anịkọrịntị 1:17

Wéé ro ka mẹyị yẹ ịsị maa mẹ̀ nịnị, m mẹ̀ vịdị vavọọ roo? U wéé ro ka ịsị mi ro ka vi mi roo kẹnẹ anka ọza avọọ nị, dị maa kà a ka hịịn, dị ma rẹ kà a ka eyiye?

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

2 Itimoti 3:10

Ama ẹwa raà saasa avaba ịsị mị sịị̄ zụ̀ aza, ọnịrị ebira ọnị mịị̄ mẹ beri ịsị miī sì ịnị ẹhẹ. Wa rẹ saasa mị ini oze ọnị mị zị sị ayị tụra Ohomorihi, dị mị nyị isuuru, di mee sì ịrẹyị aza, dị mị rẹ sị ẹngụ dọ ụya.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

Ijosuwa 23:8

Asị ka ọnọọ, waa mẹ ịzẹyịza ka Ẹnẹyịmavara na anka ụ mẹ vịdị aa yị mẹ̀ pooro va ngụ ajịnị.

1Ipita 5:12

Isirivanọsị o pe mi chẹrẹ iwe ọnọnị tụ́ hi wu nịnị nị. Mâ yẹ ka ọdọwụ obooro ọ vị nị, a zụ sị ayị tụraa. Mee sì ka ma tụ́ wụ ọtụtụrụma, dị ma rẹ dọ ivenu tụ́ ọ ka ịzẹyịza ayamva Ohomorihi ọ vị ọnọọ nị. Agụvị avọọ, jẹẹ geri-geri ịnị anị nịnị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

3 Ịjọọnụ 1:4

Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.