Odeyi 11:21 - IWE ỌNỊNỊ

²¹ Ohomorihi ộ sị ụkata yị wa ẹtẹẹtẹrẹ, dị Anigiriki ọrụrụ-ọrụrụ dọ wụ́, dị ẹ và ká Ananyị yị vẹ nị.

Odeyi 11:21 ပူးပေါင်းရင်းမြစ်များ

2 Ịtọpa 30:12

Ohomorihi ộ sị ụvọ kanyị Anijuda nịnị ayị, dị ọ mẹ ka ẹ vayị bẹ, dị ẹ dọ ka ẹnị aa saasa ọda ọnị ohinọyị ọnịrị ọdọvịdị anị nịnị mẹ̀.

Ẹzịra 7:9

Ộ kwẹẹtẹ hụrẹ Ịbabịrọnị ịnị ẹkụhị ịpaapa ịnị ụhwẹ ịpaapa ịrayị, dị Ohomorihi gụ ọ ụvọ, dị ọ na ngụ Ijerusarẹmị ịnị ẹkụhị ịpaapa ịnị ụhwẹ ọhụhị nị.

Ẹzịra 8:18

Ohomorihi ộ vayị ẹnịnị dị ọ mẹ ka à tụ ọza ịnya ana ye eyi ụkọrọ ẹtẹẹtẹrẹ vẹ nị. Ịrẹha anị ọ rị Iserebiya nị. Anireevi hụụnị ovwoovu Imahiri ozi Isirẹrị ọ vị nị. Dị ezi Iserebiya ọnịrị ẹyịnyara anị ana saasa a vị ẹwụrịhịnta nị.

Inehemaya 2:18

Dị Inehemaya ộ kà yị wa Ohomorihi mẹmẹ jẹẹ ọnị ịrẹma ọnịrị ịrẹyị ọnị ohinọyị kà. Dị avaba aza tụ ohi vabẹ ka, ozoza! Aa vẹ ẹnị ẹ kwẹẹtẹ ẹnị ẹ tenyi ọvọ ọnọọ tụra. Avọọ ẹnịnị mẹ tụ ẹngụ ọtụtụrụma mẹ̀ ụkọrọ ọnọọ nị.

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Ayịsaya 53:1

Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da?

Ayịsaya 59:1

Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị?

Iruuku 1:66

Avaba aza ana wụ́ ọọ, ệ sị tụ́ ịnị ayị, dị ẹyaa kà a ka, “Ẹngụ ozi ịsị ọsọnị vaa vị kẹ?” Ọzọza ô re e ka ụkata Ohomorihi yà rị ọ.

Odeyi 11:24

Ịbanabasị vị ọza ọyịza. Ụhwẹ Ọnịnị ộ dọ avaba ayị anị, dị ọ rẹ sị ayị tụra Ohomorihi ẹtẹẹtẹrẹ nị. Ohomorihi ộ kụ́ aza ọrụrụ-ọrụrụ va yị ẹngụ anị.

Odeyi 15:19

Dị Ijemiisi rẹ ka, “Ini eyi amị, ayị vọrọ ka ya kụ́ ọọ kata Anigiriki ana và ká Ohomorihi vẹ ẹngụ.

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

Odeyi 4:4

Aza ọrụrụ-ọrụrụ ana wụ́ ịrẹyị odeyi nịnị ệ dọ wụ́. Ịrịka anọrụ ịnị ẹnịnị vị ẹhụụ akahị-akahị oze ẹẹhị (5,000).

Odeyi 5:14

Ama aza vị ana aa yịị naa vaka wa, anọrụ ọnịrị anẹẹ ana sị ayị tụra Ananyị yị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Odeyi 9:35

Avaba aza ana ra hi Irida ọnịrị Ịsarọnị ê re e, dị ẹ và ká Ananyị yị vẹ nị.

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.