Odeyi 11:20 - IWE ỌNỊNỊ

²⁰ Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 11:20 ပူးပေါင်းရင်းမြစ်များ

Imatiwu 27:32

Ẹ mẹ̀ sị ọọ aa na, ê re Anisayireni ọnya aanị. Aā hị́ ọọ Ịsayịmọnị. Dị ẹ sị ụkata za a ka ọ̀ va za apavahị Ijeesu nị.

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”

Odeyi 11:19

Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 11:22

Anịragụ Ohomorihi Íjerusarẹmị ệ wụ́ ịrẹyị ọnọọ, dị ẹ tụ́ Ịbanabasị nọ Antịyọkị nị.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:27

Ịnị ụmẹ ọnọọ, ọnịsẹ ẹnyị ệ hụrẹ Ijerusarẹmị nọ Antịyọkị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:23

Dị a chẹrẹ iwe ọnọnị, dị a sị tụ́ wa ụtụ nị: “Ẹyị odeyi beri azọkụ ịragụ Ohomorihi ọnịrị ọdọwụ ana vọ, yâ kụ́ wụ nịnị ẹtẹẹtẹrẹ, ẹwụ nịnị anda ayị ẹnẹ ẹ̀ yị vị Aniju ene hi Antịyọkị ọnịrị Isiriya ne beri Isirisiya!

Odeyi 15:30

Ịjị a sị ọnụtụ ẹnẹẹ tụ́, di e si hu, di e chí na ngụ Antịyọkị nị. Dị ẹ kụ́ ọdọwụ nịnị gụ ịzọọ, dị ẹ sị iwe ọnọọ yị wa nị.

Odeyi 17:18

 nyị aza ẹnyị ana yẹ ịrẹyị ẹtẹẹtẹrẹ ịzọọ. Aā hị́ ẹnyị “Anepikuri”, dị a rẹẹ̄ hị́ ọsa “Anisitoyiki” nị. Dị ẹnịrị Ịpọọrụ sị gẹ tụ́ ịnị ahankata nị, ẹnyị ịnị aza ẹnẹẹ ka, “Sị ọnọrụ ene ee sì ịrẹyịị kà aanị ee sì ka ọnị ọ̀ ka kẹ?” Dị aza ẹnyị rẹ ka, “Vị ọ sị mẹẹ ka vị a nyị ịrẹyị ori ọzọga ọnị ọnị rẹ za vẹ nị.” Ẹ maanị aa kà, agụvị ka Ịpọọrụ ộ kà ịrẹyị Ijeesu ọnịrị ọ mẹmẹ ha hụụnị isu.

Odeyi 18:22

O mè tù Isesariya, dị ọ hịrẹ nọ Ijerusarẹmị, dị ọ na kụ́ anịragụ Ohomorihi ene hi ịzọọ, dị ọ kụkụ aa nọ Antịyọkị nị.

Odeyi 2:10

beri Ihwirigiya ọnịrị Ipamihwiriya, Ijipiti ọnịrị oze eyi Iribiya ọgụrị Isayirini. Aza ẹnyị ẹ rẹ hụrẹ Iroomi vẹ. Aza ẹnyị ẹ yị vị Aniju, ọsa vị azọga ana dọ ahẹkẹ Aniju nịnị.

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Odeyi 5:42

Eyinị-eyinị, ini irehi Ohomorihi ọnịrị hụụnị ini irehi ọnya na ngụ ọsa, dị ẹyaa yịị sị ịsaa zụ̀ aza, dị ẹ rẹ yaa kà enube ọyịza Ijeesu Ikirisitii yị aza nị.

Odeyi 6:1

Ô tù ụmẹ ọnya, ézirẹma nịnị màa rụrụụ hu avọọ, ahankata ọ sị ngụ ịnị akakana Aniju ana aa kà ẹkụra Anigiriki ọnịrị Anihiburu nịnị. Anigiriki ẹnẹẹ ka ọza ana aa gà ịsa eyinị-eyinị, ọ raà sị eyi jịnẹ osoku ẹnịnị.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Odeyi 6:9

Dị aza ẹnyị aanị kwẹẹtẹ tù Isitivini nị. Ini ogu aza ana nyị irehi Ohomorihi ẹnịnị ẹ yà nị. Aā hị́ wa “Aza ana sị ẹngụ ẹnịnị nyị.” Ẹnịnị vị Aniju ana hụrẹ Isayirini ọnịrị Arẹkịsanda vẹ. Ẹnyị vị ana rẹ hụrẹ Isirisiya ọnịrị Esiya vẹ. Eyee pe Isitivinii nyị ahankata.

Odeyi 8:35

Dị Ihwiripi nyima aa kà ịrẹyị, dị ọ sị ịrẹyị anị hụrẹ ịzị ọnọrụ ọnọọ aa kà gẹdẹ-gẹdẹ ini Iwe Ohomorihi, dị ọ kà enube ọyịza Ijeesu yọ nị.

Odeyi 8:5

Ihwiripi ô chí nọ ẹkụra ọbanyị Ịsamarịya, dị ọ na kà enube ọyịza Ikirisiti yị anịzọọ nị.

Odeyi 9:20

Dị ọ wụsẹ nọ ini irehi Ohomorihi Aniju, dị aa kà a nị ka Ijeesu vị Ozi Ohomorihi.

Odeyi 9:29

dị aa sị ọtụtụrụma kà ịrẹyị ịnị ịrẹha Ijeesu Ananyị yị nị. O re beri Aniju nịnị ana aa kà ẹkụra Anigirikii nyị ahankata. Ama dị ẹnịnị ee sì ka ẹnị ẹ̀ wụ ọọ nị.

1 Anịkọrịntị 2:2

Maa raà sị tụ́ ịnị ayị ka màa va sị ngụ ịda awụ nịnị, me yi vee ro ịrẹyị ọsa, ịrẹyị Ijeesu Ikirisiti kẹnẹ mị vaa sị ayịị tụ́ nị, ọnịrị isu oni o sú ị́rẹsụ ọchị apavahị.

Anigaratiya 2:11

Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.