Odeyi 11:19 - IWE ỌNỊNỊ

¹⁹ Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 11:19 ပူးပေါင်းရင်းမြစ်များ

Imatiwu 10:6

Ama nọ ịdị Anisirẹrị nịnị, agụvị ka eni e vú anka atẹmẹ avọọ nị!

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”

Odeyi 11:20

Ẹnyị ịnị ọdọwụ ẹnẹẹ vị Aniju ana hụrẹ Ịsayịpịrụsị ọnịrị Isayirini vẹ. Ệ nọ Antịyọkị, dị ẹyaa kà enube ọyịza Ijeesuu yị Anigiriki nịnị bẹẹ nị.

Odeyi 11:22

Anịragụ Ohomorihi Íjerusarẹmị ệ wụ́ ịrẹyị ọnọọ, dị ẹ tụ́ Ịbanabasị nọ Antịyọkị nị.

Odeyi 13:1

Ịnị ịragụ Ohomorihi ana yà Antịyọkị â nyị ọnịsẹ ẹnyị ọnịrị ọzwọzịsa nịnị ene hi ịzọọ. Ẹnịnị ẹ vị Ịbanabasị ọnịrị Isimiyọnị ana aā hị́ Ozoji, beri Irusiyọsị ana vị Anisayireni, ne beri Imaneya ana a pá ọnịrị Ịhẹrọdị ohinọyị aha ọnya, ọnịrị Ịsọọrụ.

Odeyi 13:4

Aza ẹnị ẹyịva ọnị Ụhwẹ Ọnịnị tụ́ ụtụ aanị, ê chí nọ Iserusiya, dị ẹ na ngụ ẹpa hụụ ịzọọ, dị ẹ nọ Ịsayịpịrụsị nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 14:26

Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị.

Odeyi 15:22

Dị odeyi nịnị ọnịrị azọkụ ịragụ Ohomorihi ne beri anịragụ Ohomorihi ro ka ô zoza ka ẹnị ẹ̀ nyị ọza hụụnị akakana ẹnịnị, dị ẹnị ẹ̀ tụ́ wa saasa Ịpọọrụ ọnịrị Ịbanabasị nọ Antịyọkị. Ệ nyị Ijudasi ọnị ịrẹha ẹtẹ anị rị Ibarisabasi, beri Isira. Ẹnị ẹyịva ẹnẹnị vị ana nyayịnẹ nyị ụbanyị ịnị akakana ọdọwụ nịnị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 15:30

Ịjị a sị ọnụtụ ẹnẹẹ tụ́, di e si hu, di e chí na ngụ Antịyọkị nị. Dị ẹ kụ́ ọdọwụ nịnị gụ ịzọọ, dị ẹ sị iwe ọnọọ yị wa nị.

Odeyi 15:35

Ịpọọrụ ọnịrị Ịbanabasị ệ yà Antịyọkị kù, dị ẹnịrị aza ọrụrụ-ọrụrụ aa kà ịrẹyị Ananyị yị, dị ẹyaa sị ịsaa zụ̀ aza nị.

Odeyi 15:39

Ahankata ẹnịnị ọnọọ ộ banyị pooro ne tù ka ẹnịnị sị há hi. Dị Ịbanabasị sị Ịmaakị, dị ẹ ngụ ẹpa, dị ẹ nọ Ịsayịpịrụsị nị.

Odeyi 18:22

O mè tù Isesariya, dị ọ hịrẹ nọ Ijerusarẹmị, dị ọ na kụ́ anịragụ Ohomorihi ene hi ịzọọ, dị ọ kụkụ aa nọ Antịyọkị nị.

Odeyi 21:16

 nyị ezirẹma ẹnyị ana hụrẹ Isesariya vẹ, dị ẹnị anị nị. Ọza ọnọọ ọ rị Iminasoni nị. Ịsayịpịrụsị ọ hụrẹ vẹ nị. O si kù ọnọọ hụrẹ sị ayị tụra Ijeesu.

Odeyi 21:2

I mè tù ịzọọ, yê re ẹpa ana aa nọ Ihwonesiya, dị ị ngụ ọọ, dị yaa na nị.

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 4:36

 nyị ọza ịnya aanị ana aā hị́ Ijosẹẹhụ. Anireevi ana a ma ẹkụra Ịsayịpịrụsị, ọ vị nị. Apositeri nịnịị̄ hị́ ọọ Ịbanabasị, oni iruvo anị vị “Ọtwọzọtụtụrụma”.

Odeyi 6:5

Ịrẹyị ọnọọ ô zé avaba ẹnịnị eyi. Dị ẹ nyị Isitivini nị, ana sị ayị tụra Ohomorihi ẹtẹẹtẹrẹ, dị Ụhwẹ Ọnịnị rẹ dọ avaba ayị anị. Dị ẹ rẹ nyị Ihwiripi ọnịrị Ipirokorusi beri Inikanọ ọnịrị Itimoni nị. Ẹ rẹ nyị Ipaminasi ọnịrị Inikorasi Anantịyọkị ana dọ ahẹkẹ Aniju.

Anigaratiya 2:11

Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza.