Odeyi 11:18 - IWE ỌNỊNỊ

¹⁸ Ịjị ẹ maanị wụ́, dị ẹ kụ́ ịrẹka ẹnịnị kwooze, dị ẹ kụkụ aa ga Ohomorihi nị. Dị ẹ ka, “Ọnị ọ vị ka Ohomorihi ọ rẹ raà sị oze yị Anigiriki ka eni è re zụ ro ịnẹ varẹma, dị ẹ̀ zụ yàra ị́dị anị zịna-zịna.”

Odeyi 11:18 ပူးပေါင်းရင်းမြစ်များ

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ezikẹẹrị 36:26

Ẹnẹyịmavara kà, ọnị vaa sị ayị ọwọọwaa yị wụ nịnị, dị ọnị rẹ sị ụhwẹ ọwọọwa tụ ọ wụ nịnị. Ọnị vaa sị ayị ọkatẹngụ awụ nịnị ana sị mẹẹ ịrẹta avọọ kwooze, dị ọnị sị ayị anaa wụ́ụ chire ọza dọ ịrẹsụ wụ nịnị.

Ezikẹẹrị 47:22

Ogu awụ nịnị ẹtẹ ọnọnị kụkụ vaa vị̀ pooro nị. Ụ vaa gàa tu anẹkụra ọsa ana rá vahụra wụ nịnị, dị ẹ kụ ezi ma hi ịdị awụ nịnị. Vị́ ẹnị rẹ kụkụ vaa sị mẹẹ anka ezi-ẹtẹ Isirẹrị avọọ. Ẹnịrị ịrẹsụ-ịrẹsụ ene hi Isirẹrị e vee du duu gà ẹtẹ ọnọnị àa gà a nị.

Ịzakaraya 12:10

Ẹnẹyịmavara kà a, ọnị vaa mẹ ka ezi Idevidi ẹnịrị aza ana ra Ijerusarẹmị ẹẹ vayị ọza, dị ẹẹ mẹ̀ aduwa. Ẹnịnị vee re ọza ẹnẹ ẹ sị ụ̀hwọ̀ wụ̀, dị ẹ yaa zị ẹngụ yọ anka aza anaa zị ẹngụ yị ozi ene su avọọ. Ẹ vaa nyayịnẹ zị ẹngụ anka ozi ịpaapa ọza ô rere su avọọ nị.

Imatiwu 9:8

Ịjị ọkọnị aza ẹnẹẹ re e, ô hí wa irenu, dị ẹyaa sị ụgaa yị Ohomorihi ana maanị sị ụkata yị aza nị.

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 20:21

Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Odeyi 3:26

Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

Aniroomi 9:30

Sị ị vaa kà aanị? Ya zụ kà a ka Anigiriki, dị è yi re sì ka ẹnị ẹ̀ jị ịhị yị ẹngụ ẹnịnị, Ohomorihi ọ raà jị ịhị yị wa, agụvị ka ệ sị ayị tụraa.

2 Anịkọrịntị 3:18

Ẹyị ana a raà hụ ịsa hụụnị eyi anị, yee re igirima Ananyị yị. I mee re e, dị aa vara yị ka yee véné e hu avọọ nị. Ananyị yị ana vị ụhwẹ Ohomorihi aa mẹ̀ ụkọrọ ọnọọ nị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Anigaratiya 1:24

Dị ẹyaa sị ụgaa yị Ohomorihi agụvị amị nị.

Ijosuwa 22:30

Ịjị Ihwinihasi, ohirẹsụ irehi Ohomorihi ọnịrị ohirẹsụ Anisirẹrị nịnị beri azọkụ-azọkụ ịrẹsụ-ịrẹsụ Anisirẹrị nịnị wụ́ ịrẹyị ọnị ezi Irubẹnị nịnị, ezi Igadi, ne beri achẹva ezi Ịmanasẹ nịnị ka, ô hine wa.