Odeyi 11:14 - IWE ỌNỊNỊ

¹⁴ ka ọ vaa kà ịrẹyịị yị ọnị ana vaa mẹ ka ọnịrị aneehi anị ẹ̀ zụ há.

Odeyi 11:14 ပူးပေါင်းရင်းမြစ်များ

Oyinyima 17:7

Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 112:2

Irima ezi ẹngụ aza ẹnẹẹ vị ana vaa nyị ụkata ịnị ẹtẹ ọnọọ. Obooro aza ana mẹ̀ ebira ana vọrọ vi oni o vee zee yị.

Ụhịrẹyị 20:7

Ọza ọyịza vị anaā ra a mẹ vọrọ, ịrẹma anị vị eneē zee yị ezi anị.

Ijeremaya 32:39

Ọnị vaa mẹ ka ẹnịnị ẹ̀ nyị ayị ọnya, dị ẹ̀ rẹẹ mị ịsị ọnyọọnya. Ẹnịnị vaa sị ụbanyị yị ọnị pooro, ụvị ò zoza yị ẹnịrị ezi ẹnịnị.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Ịjọọnụ 12:50

Mâ yẹ ka ịrẹyị anị vị anaā mẹ ka ọza ọ̀ yàra pooro zịna-zịna. Agụvị avọọ, ịsa tụra ịsa ọnị màa kà, ịsị Ada amị rẹ sị mị ka ma kà ọ vị ọnọọ nị.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 4:53

Dị ada ozi ọnọọ sị yẹ ka ụmẹ ọnọọ gẹdẹ-gẹdẹ Íjeesu sị kà a ka ozi anị vaa daahi nị. Dị ọnị ụvọta ọnịrị avaba aneehi anị sị ayị tụra Ijeesu nị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Odeyi 10:43

Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Odeyi 10:6

Ô chí ị́dị ọnịtụmpaha ọnya aanị ana aā hị́ Ịsayịmọnị. Irehi anị vị ana gụrị ụtọ oku.”

Odeyi 11:13

Dị ọ kà a yị ka oni ô re anggẹẹrị ka ọ jẹẹ ini eehi anị. Dị ọ ka ộ kà a yị ọnị ka ọnị ọ̀ tụ́ aza nọ Ịjọpa, dị ẹ̀ na hị́ ọza ịnya ana aā hị́ Ịsayịmọnị, ọnị ịrẹha ẹtẹ anị rị Ipita, va ini eehi anị,

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Odeyi 18:8

Ikirisipụsị ana vị ọdọvịdị ini irehi Ohomorihi ọnọọ ọnịrị avaba aneehi anị ệ sị ayị tụra Ananyị yị. Anịkọrịntị ọrụrụ-ọrụrụ ana wụ́ ịrẹyị Ohomorihi ệ rẹ sị ayị tụra a bẹẹ, dị a mẹ̀ ọyịhwọzenyi yị wa nị.

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

1 Anịkọrịntị 1:16

Máa tamayị ka ma rẹ mẹ̀ ọyịhwọzenyi yị aneehi Isitivanasi. Ama mẹyị kụkụ yẹ, àa nyị ọza ẹnẹsa ọnị mị mẹ̀ ọyịhwọzenyi yị.