Odeyi 11:1 - IWE ỌNỊNỊ

¹ Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 11:1 ပူးပေါင်းရင်းမြစ်များ

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 42:6

“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ayịsaya 62:2

Avaba anẹkụra nịnị vee re ka wa raà nyị ehuna. Avaba ohinọyị nịnị vee re ụbanyị awụ. Ẹ vaa hị́ wụ ịrẹha ọwọọwa ọnị Ẹnẹyịmavara raà sị yị wụ.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ihoseya 2:23

Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Ịzẹhwanaya 3:9

Ịhị ọnọọ, Ẹnẹyịmavara kà ọnị vaa vara aza, dị ẹ kụkụ a hẹkẹ ọnị, dị ẹnịnị ẹ yị kụkụ mẹ̀ ori. Dị ẹnịnị kụkụ aa wụ́ chire ọnị Ẹnẹyịmavara.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 8:11

[Ẹma kà a wụ nịnị nị ka aza ọrụrụ-ọrụrụ vaa hụrẹ ịzị ọyịị̄ zịị hụrẹ ọnịrị ịzị ọyịị̄ zịị ngụ ẹtẹẹ vẹ, dị ẹ yaayịtẹ pe Abụrahamị ọnịrị Ayiziiki ne beri Ijekọvụ ịzị Ada ayị ẹbẹẹba yà aa mẹ ịjọva ka ẹnị ẹ̀ rị ịsa.]

Ịmaakị 16:5

Ẹ mẹ̀ ngụ ini ikuta ọnọọ, ê re ozwọọmụha ọnya aanị ene chire awuru ọvwọọvụ, ộ yaayịtẹ éyi ụvọrị. Dị angwa ee hí wa nị.

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Odeyi 1:15

Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 28:15

Ọdọwụ ene hi Iroomi ệ wụ́ ka yaa vẹ, dị ẹ vẹ pooro ve tù ohu Apiyọsị ọnịrị ẹkụra “Irehi aha ọyịchi ẹẹta”, dị ẹ va gẹrị ẹyị nị. Ị́pọọrụ mè re wa, ộ kụ́ Ohomorihi avọ, dị ayị anị nẹtẹ nị.