Odeyi 10:43 - IWE ỌNỊNỊ

⁴³ Avaba ọnịsẹ ệ kà ịrẹyị anị ka ọza tụra ọza ana àa sị ayị tụra a, ọ vaa vagu wa ịnị ịvị ẹnịnị ịnị ụkata ịrẹha anị.”

Odeyi 10:43 ပူးပေါင်းရင်းမြစ်များ

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ịdanịyẹrị 9:24

Ịrayị ẹtarẹwụ oze ịhịmba Ohomorihi jị ka ọ vaa mẹ dị aza anị ana vị Anijerusarẹmị ẹ va hụụnị ebira odivi ọ̀ yị mẹ, dị a kụ ebira odivi hụrị ẹtẹ nị. A vaa mẹ ka à kụkụ mẹ̀ ịsa ana vọrọ pooro, dị ẹtẹ ọnị Ịdanịyẹrị ré aanị ọnịrị ịrẹyị ọnị ọnịsẹ kà aanị sị gẹ. Dị a varẹma ve tenyi irehi Ohomorihi ana ya Ijerusarẹmị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 1:45

Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Odeyi 15:9

O yi sị eyi irenyi re ẹyịrị wa. Ộ mẹ ayị ẹnịnị ọnịnị, agụvị ka ệ sị ayị tụra a.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 26:22

Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ.

Odeyi 3:16

Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.

Odeyi 3:18

Ịsị Ohomorihi vịdị kà tịtẹ ini oze ọnịsẹ nịnị ka â nyị ka Ikirisiti ọ̀ rị ụya, ọ vavọọ sị sẹ nị.

Aniroomi 10:11

Agụvị ka â chẹrẹẹ tụ́ ini Iwe Ohomorihi ka, “Ọza tụra ọza ana àa sị ayị tụraa, ụhị ọyị vaa nyị ọọ.”

Aniroomi 3:21

Booro aanị, Ohomorihi ọ raà sị zụ̀ ọza, ọ mẹmẹẹ̄ vara ọza ọnịrẹyịzẹyịza; dị asa a nyị ịrẹyị ọda ịnị anị; ọda Ohomorihi ọnịrị ọnịsẹ nịnị ẹ́ẹ dọ ivenu tụ́ ọọ.

Aniroomi 5:1

Óhomorihi mẹ̀ raà jị ịhị yị agụvị ka yâ sị ayị tụra aanị, ya sị ẹngwọọrọ nyị beri Ohomorihi ini oze Ijeesu Ananyị yị Ohinọyị oni Ohomorihi nyị ka ọ̀ dọ yị ha.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Aniroomi 8:1

Booro aanị, we si oo re nịnị ka ọza ọ yị kụkụ zụ jị ịvị yị ọza ọnị ọnịrị Ijeesu Ikirisiti sị vị ọnya.

Aniroomi 8:34

Áá nyị ọza ana kụkụ zụ jị ịvị yị wa? Ẹ yị nyị, agụvị ka Ijeesu Ikirisiti, ô wusu yị wa. Ohomorihi ộ hyakụ rẹ sị ọọ ha kwẹẹtẹ hụụnị isu bẹẹ. Ọ kụkụ yà eyi ụvọrị Ohomorihi booro aanị. Aa dá ịpẹ ịrẹyị ayịị yị Ohomorihi.

Anigaratiya 3:22

Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu.

Anẹhwẹsọsị 1:7

Ozi anị ọnọọ ô che anya anị sẹ́ ẹtẹ, di o sú yị ịvị ayị nị. Agụvị ayamva Ohomorihi ana ahịka ọ́ọ banyị ẹtẹẹtẹrẹ, ọ vavọọ sị yà nị.

Anikorasi 1:14

Ozi anị ọnọọ ọ hị́ yị varẹma, dị ọ rẹ vagu yị ịnị ịvị ayị nị.

Anihiburu 13:20

Ohomorihi ọọ̄ sị ẹngwọọrọ yị ọza nị. Ọ raà mẹ ka Ijeesu Ananyị yị ọ̀ ha hụụnị isu. Ijeesu ọnọọ ọ vị ọza ana sị eyi pe aza anị ẹtẹẹtẹrẹ nị. Ộ sị anya anị sị ụvọ tụ́ ịnị oto ana yà pooro zịna-zịna.

1Ipita 1:11

Ụhwẹ Ọnịnị Ikirisiti ana yà ịnị ayị ẹnịnị aa kà a yị wa, Ikirisiti mẹmẹ vaa rị ụya dị à va sị igirimaa yọ. Eyee sì ka ẹnị ẹ̀ yẹ ụmẹ ọnị ịsa ẹnẹnị vaa sị mẹ ọnịrị ọ mẹmẹ vaa yà.

Ẹtore 19:10

Dị mị và ku ẹtẹ ọvịdị anị ka ma hẹkẹ ẹ nị. Ama dị ọ kà a mị asị mị vavọọ mẹ nị. Ọ kà, Ọnịrị ẹyị dudu vị ezi ahụ beri anda ayị nịnị ana dọ ịrẹyị Ijeesu wụ́. Ohomorihi a vọrọ ka yaa hẹkẹ nị. Ịrẹyị ọnị Ijeesu sị zụ̀ ọ mẹ ka ọnịsẹ nịnị ẹ̀ zụ kà ịsẹ nị.