Odeyi 10:14 - IWE ỌNỊNỊ

¹⁴ Dị Ipita ka, “Vụrụ-vụrụ, Ananyị yị. Mẹẹ̀ yị rị ịsa eenyisi, à vị ịsa ẹnẹ ẹ yị nị ọnyọọnyị da.”

Odeyi 10:14 ပူးပေါင်းရင်းမြစ်များ

Oyinyima 19:18

Dị Ịrọọtị kà a yị wa ka, “Nda, ẹ̀ navọ de,

Ọyịkụra 10:11

Dị ọ va ka ẹnịrị anọrụ kẹnẹ ọ̀ na dị ẹ̀ na hẹkẹ Ẹnẹyịmavara kà ịsị e họ̀ use anị ọ vị ọnọọ nị. Dị a dụ Imosiisi ọnịrị Eerọnị hụụ ịda Ihwarawo nị.

Ezikẹẹrị 4:14

Ezikẹẹrị ka dị ọnị ka, tee! Ohomorihi Ananyị yị, ọnị ẹ́ yị vịdị du ẹngụ anị ẹngụ da ọ. Ọnị ẹ̀ẹ yị rị ịsa ene sú da; ọnị ẹ̀ẹ yị rị uye ọnị uye ọsa wụ da, dị ọnị ẹ́ẹ yị rẹ rị uye ana sị vụ da.

Ezikẹẹrị 44:31

A sị ohirẹsụ irehi Ohomorihi nịnị rị inomi à vị uye ene sú yị ẹngụ ẹnịnị. A sị ẹ́ rị ẹngụ ịsị ẹnẹẹ ọnị uye ọsa wụ.

Ịdanịyẹrị 1:8

Dị Ịdanịyẹrị kà a yị ẹngụ anị ka ọnị ọ yị vaa sị ịsọyịrị ọnịrị eche ohinọyịị du ẹngụ anị ẹngụ nị. Dị ọ kà a yị Asipenazi ka ọ̀ navọ ọ̀ gụ ọnị ụvọ ka oni e yi sì ka ọnị ò du ẹngụ anị ẹngụ nị.

Ireevi 20:25

Ẹnẹyịmavara kà ẹnịnị è ré ka ẹnị ẹẹ sị uye ana wụra rị tụ irenyi yị uye ẹnẹ ẹ̀ yị wụra rị, dị ẹ̀ rẹ sị inomi ẹnẹ ẹ̀ yị wụra rị tụ irenyi yị ana wụra rị. À sị ẹnịnị na rị uye à vị inomi ọnị ọnị raa kà a ka é yi zoza di è ve si du ẹngụ ẹnịnị ẹngụ.

Imatiwu 15:11

Ẹ yị vị ịsa ọza sị nọ irenu, oō du ọza ẹngụ nị. Ama ịsị e hụụnị irenu ọza jịnẹ vẹ, oō du ọza ẹngụ nị.”

Imatiwu 16:22

Dị Ipita hị́ ọọ nọ oboka ọnya, dị aa tụ́ ọọ ohuvọ nị, dị ọ ka, “Ọchọnọyịrẹsụ awụ, Ọga! Ịsị ụ waa kà aanị, ọ yị vaa mẹ wụ!”

Imatiwu 25:9

Ama dị ọyẹrẹyị nịnị tụ́ ohi ka: ‘Eyiye de, ọ yị kụkụ vaa hụ ẹyịrị ẹwụ nịnị. Nọ ịzị a yàā ná a, dị ụ wa na hị́ nịnị!’

Imatiwu 8:2

Ịjọnọọ dị ọnịkụ ọbanyị ọnya aanị ká a vẹ, dị ọ va ku ẹtẹ ọ́vịdị anị, dị ọ ka, “Ananyị yị, wèe sì, wa nyẹngụ mẹ ụkụ amịị mị.”

Ịmaakị 7:2

Dị ẹnịnị re ka ezirẹma anị ẹnyị aa sị ụvọ ịdọtịị rị ịsa nị, ọnọọ vị ka ẹ yị nyịna ụvọ ẹnịnị, dị ẹ vaa rị ịsa.

Iruuku 1:60

Dị ọnyị anị ka, “Eyiye de, Ịjọọnụ ị́rẹha anị vaa rị nị.”

Ịjọọnụ 4:11

Dị ọnẹẹ ọnọọ tụ́ ohi, dị ọ ka, “Ọga, ịkangga ọnọnị ộ nyịnẹ, wẹ yị rẹ nyị ịsa ana a vọrọ ka wa sị dà enyi; ịzị ụ vaa sị enyi anaā mẹ ka ọza ọ̀ yàra ọnọọ hụrẹ?

Odeyi 10:13

Dị ọngwẹ ọnya kà a yọ ka, “Ipita, kwẹẹtẹ, wa wụ̀ wa, dị waa rị ọọ!”

Odeyi 10:28

Dị ọ kà a yị wa ka, “Ẹwụ nịnị nyẹmba ộ yẹ ka ahẹkẹ Aniju ọ mā zẹẹ ka ẹnịrị Anigiriki ẹ̀ mẹ ẹvabẹ. Aniju ẹ mā rẹ ngụ ini eehi ẹnịnị. Ama Ohomorihi ọ raà sị zụ̀ mị ka asị mị kụkụ hị́ ọzọnyị-ọzọnyị ka ẹ yị nị, à vị ka di mee re wa anka ịsa eenyisi.

Odeyi 22:8

Di mi tụ́ ohi ka: ‘Ẹwụ, ẹnẹ ọ vị kẹ, Ananyị yị?’ Dị ọ ka: ‘Ẹma vị Ijeesu Anịnazarẹtị ọnị ụ waa sị ụyaa rị nị.’

Odeyi 9:5

Dị Ịsọọrụ ka, “Ẹwụ ẹnẹ ọ vị, Ananyị yị?” Dị Ananyị yị ka, “Ẹma vị Ijeesu ọnị ụ waa sị ụyaa rị nị.