Odeyi 1:24 - IWE ỌNỊNỊ

²⁴ Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

Odeyi 1:24 ပူးပေါင်းရင်းမြစ်များ

1 Ohinọyị 8:39

navọ kwogwo we batọ hụrẹ ẹbẹẹba ịzị ụ yà, dị wa vagu aza awụ. Navọ à nyị ịsị ụ mẹ. Ịsị waa yẹ ka ọzọza ô sì ịnị ayị anị, navọ dị wa mẹ̀ ẹ yọ anka oze ọzọza mẹ̀ yà. Ẹwụ nya kẹnẹ ọ yẹ ayị avaba aza nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Ahẹ Ụgama 7:9

Mâ yẹ ka ẹwụ vị Ohomorihi ana aā mẹ ịrẹyị ana vọrọ. Wâ yẹ ịsa oni yee ro ọnịrị ịsa oni yee sì ịnị ayị ayị. Navọ wa za aza edivi ụvọ chire enyi, dị asị ẹ rẹ kụkụ chamayị. Navọ dị wa sị ahụ aza ana aa mẹ ịzẹyịza jẹẹ.

Ụhịrẹyị 15:11

Ẹnẹyịmavara mẹ re avaba ịsa ana na ịda aneku, avọọ o me re ré ayị ọzọza nị.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Ịrịka 27:16

Taarụ! Ẹnẹyịmavara Ohomorihi ana yẹ ịsa ya ịnị ayị ẹyọza, navọ wa nyị ọza ana vaa vị ọdọvịdị yị Isirẹrị.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Odeyi 14:23

Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.

Odeyi 15:8

Ohomorihi ana yẹ ayị ọza, ộ sị zụ̀ ka ọnị ộ dọ Anigiriki nịnị, agụvị ka ộ sị Ụhwẹ Ọnịnị yị wa, anka ọ mẹ̀ rẹ sị yị ẹyị.

Odeyi 6:6

Dị ẹ kụ́ wa nọ ịdị odeyi nịnị nị. Dị odeyi nịnị mẹ̀ aduwa yị wa, dị ẹ sị ụvọ tụra wa nị.

Aniroomi 8:27

Ohomorihi anaā zama ayị avaba azaa re, ọ rẹ yẹ ịsị ẹ yà ịnị ayị Ụhwẹ Anị, agụvị ka Ụhwẹ Ohomorihi aa dá ịpẹẹ yị Ohomorihi agụvị aza Ohomorihi, anka Óhomorihi mè sì ọ.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

1 Ịsamụwẹrị 14:41

Dị Ịsọọrụ mẹ̀ aduwa yị Ẹnẹyịmavara ana vị Ohomorihi Anisirẹrị dị ọ ka ọ̀ navọ ò tụ́ oni òhi nị. Dị ahịka Ijonatani ọnịrị Ịsọọrụ eku za nị. Di eku nị̄ aza ana vọ nị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.