Odeyi 1:15 - IWE ỌNỊNỊ

¹⁵ Ịrẹma ẹkụhị chee tụ́ ọọ, ọdọwụ nịnị ệ kụ́ gụ. Ẹnịnị vị ẹhụụ ẹchịhịnọnyị avọọ. Dị Ipita kwẹẹtẹ jẹẹ ịnị akakana ẹnịnị, dị aa kà ịrẹyị nị, di o ka:

Odeyi 1:15 ပူးပေါင်းရင်းမြစ်များ

Imatiwu 13:31

Ijeesu o re che ụhịrẹyị ọsa yị wa, ọ ka, “Ịjọva Ada ayị ẹbẹẹba vị ana sị mẹẹ anka ihu oweyi ọnya kiiki aanị ọnị ọza ịnya sị, di o ne chiree tụ́ ịnị aarẹ anị.

Iruuku 22:32

Ama ma raà mẹ̀ aduwa yị wụ ka asị ẹdọwụ awụ jị wụ ụvọ. Ịjị ụ wàa sị và ká mị vẹ, dị ụ waa sị ụkataa yị ẹyịnyara awụ ana vọ!”

Ịjọọnụ 14:12

Ịzẹyịza m maa kà a wụ nị, ọza ana àa sị ayị tụra mị, ụkọrọ ọnị maa mẹ̀ aanị, ọ́nị rẹ vaa mẹ nị. Ọ hyakụ vaa mẹ̀ ụkọrọ ana banyị hu ẹsẹnị bẹẹ, agụvị ka maa nọ ịdị Ada amị.

Ịjọọnụ 21:23

Dị ọ kụkụ sị ngụ ịrẹyị yị ọdọwụ nịnị ka ozirẹma ọnọọ o yi vee sú nị. Ama Ijeesu ọ yị kà a ka, “O yi vee sú”, ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ?”

Odeyi 10:23

Dị Ipita hị́ wa ngụ eehi, dị ẹ sụ̀ ịzọọ nị. Eyinẹhẹ anị, dị ọ kwẹẹtẹ, dị ọ saasa wa aa na nị. Dị ọdọwụ ẹnyị ene hi Ịjọpa rẹ saasa wa na nị.

Odeyi 11:1

Apositeri nịnị ọnịrị ọdọwụ nịnị ene hi avaba Ijudiya ệ wụ́ ka Anigiriki ẹnị ẹ rẹ sị ịrẹyị Ohomorihi dọ.

Odeyi 11:12

Dị Ụhwẹ Ọnịnị ka ma wụsẹẹ dị waa na, asị mị mẹ ayị ẹẹva nị. Anda ayị ịhịnọnyị ẹnẹnị ệ saasa mị nọ ini eehi ọnọrụ ọnọọ.

Odeyi 11:26

O mè si oo re, dị ọ sị ọọ vẹ Antịyọkị nị. Ịnị ịrayị ọyịvụrụ ọnya, ẹnẹ ẹnịrị anịragụ Ohomorihi aa kụ́ gụ, dị ẹyaa zụ̀ aza ọrụrụ-ọrụrụ ịsa nị. Antịyọkị a vịdị yà hị́ ọdọwụ nịnị “Evere Ikirisiti” ịpaapa nị.

Odeyi 11:29

Dị ezirẹma nịnị ka ọzịnya-ọzịnya ẹnịnị ẹ̀ sị vụrị, dị ẹ̀ sị ịsị èe re na mẹ ọgụvọ yị anda ẹnịnị ene hi Ijudiya.

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Odeyi 14:2

Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị.

Odeyi 15:1

 nyị aza ẹnyị aanị ana hụrẹ Ijudiya vẹ, dị ẹyaa zụ̀ ọdọwụ nịnị ịsa nị, dị ẹ ka, “Ẹ̀ yị vị a jị wụ nịnị ụvẹvẹnẹ anka ọda Imosiisi, wẹ yị zụ há nịnị.”

Odeyi 15:3

Dị anịragụ Ohomorihi kụ́ wa ka ẹ̀ nyaatụ, dị ẹyaa na nị. E mè zị oze Ihwonesiya ọnịrị Ịsamarịya na para hu, ệ kà a, Anigiriki nịnị mẹmẹ và ká Ohomorihi na. Ịjị ọdọwụ nịnị wụ́ ọọ, avaba ẹnịnị ệ jẹ ẹtẹẹtẹrẹ.

Odeyi 16:2

Ọdọwụ nịnị ene hi Ịrịsịtịra ọnịrị Ayịkọnịyọmị vị ana nyayịnẹ aa kà ịrẹyị ọyịza Itimoti.

Odeyi 16:40

Dị Ịpọọrụ ọnịrị Isira hụụnị ẹngwa, dị ẹ nọ ini eehi Iridiya nị. É re ọdọwụ nịnị ịzọọ, dị ẹ tụ́ wa ọtụtụrụma, dị ẹ hụụ ịzọọ nị.

Odeyi 17:10

Ẹ́tẹ mè si hozi kẹnẹ, dị ọdọwụ nịnị ka Ịpọọrụ ọnịrị Isira ẹ̀ẹ nọ Ibereya nị. Ịjị e tù ịzọọ, dị ẹ nọ ini irehi Ohomorihi Aniju nịnị nị.

Odeyi 17:14

Dị ọdọwụ ene hi ịzọọ wụsẹ ka Ịpọọrụ ọ̀ọ na huuu dị ọ̀ na ngụ ụtọ oku nị. Di Isira ọnịrị Itimoti ẹnị yị yà Ibereya nị.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 18:27

Ịjị Aporo ka oni ee sì ka ọnị ọ̀ nọ Akaya, dị ọdọwụ nịnị chẹrẹ iwe tụ́ hi ezirẹma ene hi ịzọọ ka ẹ̀ dọ ọ pe ẹngụ nị. Ịjị Aporo tù ịzọọ, ộ mẹ̀ ọgụvọ yị aza oni Ohomorihi mẹ ọyịza yị, dị ẹ dọ wụ́ nị.

Odeyi 21:17

Ị mẹ̀ va sị ngụ Ijerusarẹmị, ọdọwụ ene hi ịzọọ ê sì yi ọzọga ẹtẹẹtẹrẹ.

Odeyi 21:20

Ẹ mẹ̀ wụ́ ọọ, dị ẹyaa sị ụgaa yị Ohomorihi nị. Dị ẹ kà a yị Ịpọọrụ ka, “Ẹnẹbẹnị ayị, wê re, ọ mẹ̀ yà avọọ. Aniju ọrụrụ-ọrụrụ ẹ sị dọ wụ́. Ẹnịnị vị ana nyayịnẹ sị ụvọ za ọda Imosiisi ẹtẹẹtẹrẹ.

Odeyi 21:7

Ị mẹ̀ sị ụsẹ hụrẹ Ịtaya, dị ị nọ ngụ Ipitoremasi nị. Dị ị na kụ́ ọdọwụ ene hi ịzọọ, dị ị yà ịzọọ mẹ ẹkụhị ọnya nị.

Odeyi 22:5

Ohirẹsụ ọbanyị irehi Ohomorihi ọnịrị anikootu nịnị ẹ zụ dọ mị ivenu. Mâ hyakụ dọ iwe na yị Aniju ene hi Ịdamasịkọsị ka ma na za ọdọwụ nịnị, dị ma tụ́ wa orupa vẹ Ijerusarẹmị, dị à va sị ụya rị wa.”

Odeyi 28:14

Yê re ọdọwụ ẹnyị ịzọọ, dị ẹ ka ya yà pe ẹnị mẹ ẹkụhị ịhịmba nị. Dị ị hụụ ịzọọ aa nọ Iroomi nị.

1 Anịkọrịntị 15:6

Ịrẹma ọnọọ, ọdọwụ ene vene re e ụpẹ ọnya ụpẹ ọnya, ê huna akava rị ẹchẹhị (500). Ọrụrụ-ọrụrụ aza ẹnẹẹ yi hi ẹhẹ booro aanị, ama aza ẹnyị ê wusu.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.