Odeyi 1:10 - IWE ỌNỊNỊ

¹⁰ Íjeesu mè si hu, dị ẹnịnị sị eyi pe ẹbẹẹba gegege ee re, di e re ka aza ẹnị ẹẹva ene chire awuru ọvwọọvụ ka ệ jẹẹ pe ẹnị nị.

Odeyi 1:10 ပူးပေါင်းရင်းမြစ်များ

2 Ohinọyị 2:10

Dị Erija ka ịsa ọkatẹngụ o họ̀ use anị aanị nọ. Ama òo zụ re ọnị ịjị aa sị ọnị hụrẹ ẹ ẹngụ aa na, ọ vavọọ va dọ ụkata; ama è yi re ọnị ẹ yị vaa dọ ẹngụ ụkata ọnọọ.

Ịdanịyẹrị 7:9

Ịdanịyẹrị ka ọnị mee re ẹtẹ, dị ọnị re ka ê to aga ohinọyị nịnị hi ẹtẹ nị. Dị ọnị re ka ọza ana ya ịzọọ hụrị ụmọrụmọ ka ộ va yaatụ ịnị aga ẹnẹẹ ọnya nị. Ịta ọnị ọza ọnọnị kụ hi ẹngụ vị ọvwọọvụ sẹnẹ-sẹnẹ, dị ẹyịrẹsụ anị â vwẹtẹ anka owu oyiche avọọ nị

Imatiwu 17:2

Dị a vara Ijeesu ẹngụ éyi ẹnịnị nị. Dị eyi Ijeesu aa za nyanga-nyanga anka ọyị avọọ nị. Dị awuru anị aa vwẹtẹ sẹnẹ-sẹnẹ kẹnẹ nị.

Imatiwu 28:3

Ọza èe re e, vị aa za anka ịnyanya avọọ nị; dị awuru anị aa vwẹtẹ sẹnẹ-sẹnẹ nị.

Ịmaakị 16:5

Ẹ mẹ̀ ngụ ini ikuta ọnọọ, ê re ozwọọmụha ọnya aanị ene chire awuru ọvwọọvụ, ộ yaayịtẹ éyi ụvọrị. Dị angwa ee hí wa nị.

Iruuku 24:4

O si hí wa irenu, di e vene re aza ẹnị ẹẹva aanị, ene chire awuru ọvụ sẹnẹ-sẹnẹ ka ệ jẹẹ pe wa ịzọọ nị.

Ịjọọnụ 20:12

Di o re ka anggẹẹrị ẹẹva ene chire awuru ọvwọọvụ sẹnẹ-sẹnẹ yaayịtẹ ịzọọ nị. Ọnya yà eyi ịrẹsụ, dị ọsa rẹ yà eyi ahụ ịzị oku Ijeesu vịdị yà nị.

Odeyi 10:3

Ẹkụhị ọnya ịnị ụmẹ agogo ẹẹta ọọdụ, ô re ẹtẹ. Di o re anggẹẹrị Ohomorihi, dị ọ ngụ eehi ve tù ọọ, dị ọ hị́ ọọ ka, “Ịkọnẹrịyọsị!”

Odeyi 10:30

Dị Ịkọnẹrịyọsị ka, “Ụmẹ aanị ajịnọgwẹẹna mị sị sị aa mẹ̀ aduwa ini eehi amị nị, ịnị ụmẹ agogo ẹẹta ọọdụ. Di mi vene re ka ọza ịnya ene chire awuru ọvụ sẹnẹ-sẹnẹ jẹẹ ọ́vịdị amị nị.

Ẹtore 3:4

 nyị aza chee ịnị awụ nịnị Isaadisi ịzọọ, ana ahịka ẹ yị dà ịdọtị gẹ ịta ẹnịnị. Ẹnịnị vaa kụ́ ẹnya ọvwọọvụụ hi ẹngụ, dị ọnịrị wa aa zịịzị, agụvị ka ẹnịnị ệ ra anka Ohomorihi mè sì ọọ.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.