Ịzẹhwanaya 3:8 - IWE ỌNỊNỊ

⁸ Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ịzẹhwanaya 3:8 ပူးပေါင်းရင်းမြစ်များ

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 123:2

Wâ yẹ ezi ahụ mẹ̀ẹ tụra ọga ẹnịnị eyi, avọọ ị maa tụra wụ eyi nọ, Ẹnẹyịmavara ana vị Ohomorihi ayị. Avọọ ị maa tụra wụ eyi pooro dị wa mẹ ayamva yị nị.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ahẹ Ụgama 37:34

Weē zi Ẹnẹyịmavara dị waā saasa ọda anị Ọ vaa sị ụbanyịị wụ dị ọ sị ẹtẹ ọnọọ wụ Ịhị àa dụ aza edivi huu ịzọọ, u vee re e.

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

Ahẹ Ụgama 62:1

Ohomorihi kẹnẹ mị tangwa jẹẹ ee zi nị Mâ yẹ ka ọnị ịnya kẹnẹ ọ zụ dọ mị tụ́ nị.

Ahẹ Ụgama 62:5

Ohomorihi kẹnẹ mi che ayị za nị, ọnị m maa tụra eyi nị.

Ahẹ Ụgama 79:5

Ẹnẹyịmavara aanị ụ wáá mẹ̀ vaa kụ́ ayịị hi yi pooro nị? Mị ka aanị ụ mẹ vaa kụ́ ayị pooro nịị?

Ahẹ Ụgama 79:6

Wéē re anẹkụra ẹnẹ ẹ̀ yị hí ịrẹyị awụ ịrẹyị, dị ẹ yaa sị eyii wụ wụ. Navọ wa mẹ ọyịkụ awụ tụra aza ẹnẹẹ.

Ụhịrẹyị 20:22

Asị ụ kà a ka wee si atọ odivi ọnị ọza mẹ wụ, sị chire Ẹnẹyịmavara ụvọ, o vee si atọ yị wụ.

Ahẹ Isoromọnị 8:6

Navọ ịrẹyị amị ọ̀ yà ịnị ayị awụ pooro, sị ụvọ za ẹmị ịnya kẹnẹ, agụvị ka ịrẹyị ọza ọyị sì ô nyị ụkata anka iswọọza. Avọọ ụhị ọyị kụ̀ ọnị mẹ̀ re divi nị. Ọ̀ọ da ịra, vị ộ za wụụrụ anka ịra ọdẹngụ avọọ nị.

Ayịsaya 14:26

Ananyị yị ka ịsị ọnị vaa mẹ anẹhẹ ọ vị ọnọọ nị. Ọ kà ọnị vaa tana ụvọọ za avaba anẹhẹ.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 34:2

Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.

Ayịsaya 63:6

Ịnị ọyịkụ anị ọnị ộ sị avaba anẹhẹ mẹ ịyẹyẹ, dị ọnị gara wa, dị ọnị va ẹnịnị hi ịrẹsụ nị.

Ijeremaya 10:25

Ọ kà, ọ sị ọyịkụ anị zụ aza ana ka ẹnị ẹ yị yẹ ẹ; dị ẹnịnị ẹ yị maa hẹkẹ ẹ. Ẹnịnị ẹ sị aza Ẹnẹyịmavara wụ̀ ha; ẹ sị ẹnị vú ẹtẹ saka-saka, dị ẹ jị ẹkụra ẹnịnị eburu nị.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ijowẹrị 3:2

Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Ịhagayị 2:22

Ẹnẹyịmavara kà ọnị vaa dọ ịjọva ọnịrị ụkata hụụnị ụvọ anẹkụra nịnị. Ọnị vaa va ịkẹkẹ ịrẹkụ ẹnịnị ọnịrị aza ana tụra wa anga, dị ọkụrẹkụ ẹnịnị anaā tụra umaata vara eyi tu ẹngụ aa wụ ẹngụ ha beri umaata ẹnịnị.

Imatiwu 25:32

Dị avaba anẹhẹ wara gụ ịda anị, dị ọ gà wa hi ẹẹva, anka oseratẹmẹ mẹ̀ẹ̄ tọ̀ọ́ atẹmẹ ọnịrị ẹvụụ hi aha irenyi-irenyi avọọ.

2Ipita 3:10

Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka.

Ẹtore 16:1

Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.

Ẹtore 16:14

Ẹnị ẹ vị ụhwẹ echu ana aa mẹ̀ ụkọrọ ohyozirenu nị. Dị ụhwẹ echu ẹẹta ẹnẹẹ nọ ịda avaba ohinọyị anẹhẹ nịnị nị. Di eyee sì ka ẹnị ẹ̀ kụ́ wa gụ tịtẹ zí ịrẹkụ ana aa vẹ ịnị ẹkụhị ọbanyị Ohomorihi Ochẹtẹngụ nị.