Ịzẹhwanaya 3:6 - IWE ỌNỊNỊ

⁶ Ẹnẹyịmavara kà ọnị ọ raà wụ̀ avaba anẹkụra nịnị ha, dị ọnị chaka ọvọ ẹnịnị, dị ẹkụra ẹnẹẹ tu osusu, dị ubooro ẹnịnị jị ọngwa nị. Ẹ yị nyị ọza ana vọ ẹtẹ tụ́ ịzọọ.

Ịzẹhwanaya 3:6 ပူးပေါင်းရင်းမြစ်များ

Ayịsaya 14:26

Ananyị yị ka ịsị ọnị vaa mẹ anẹhẹ ọ vị ọnọọ nị. Ọ kà ọnị vaa tana ụvọọ za avaba anẹhẹ.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 9:12

Ijeremaya ka ọnị ộ họ̀ Ẹnẹyịmavara use ka, sị ẹ vẹ dị ọ maanị vu ẹkụra ọnọnị ẹtẹ dị ọ kụkụ tịtẹ ụnọmị avọọ? Sị ẹ vẹ dị ẹ yị kụkụ nyị ọza anaa zị oze ịnị anịị parahu? Áá nyị ọza ana yẹ ịrẹyị ana yẹ ọsọnị? Áá nyị ọza ọnị Ẹnẹyịmavara kà a zụ ka ọ vaa kà a yị aza ana vọ kẹ?

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ịzẹhwanaya 2:5

Ịrẹyị ô tù Anihwirisiti nịnị ana ra ụtọ enyi ẹngụ. Ẹnẹyịmavara kà ọnị ọ raà va eyi ịrazị ka Anikereti nịnị. Avaba Anihwirisiti ana ra Ịkanaanị vị ọnị vee vu ẹtẹ, dị ẹ yị nyị ọza anaa ha ịnị ẹnịnị.

Ịzakaraya 7:14

Ọnị vaa sị opomi gara wa hi avaba ẹhẹ, dị ẹtẹ ẹnịnị dụ osusu, dị ọza ẹ yị zụ ngụ ọ, ẹ yị zụ jịnẹ. Aanị ẹkụra ọyịza ọnọọ mẹ vaa dụ osusu nị.

Imatiwu 23:38

A vaa navọ irehi awụụ yị wụ nịnị, dị ọ tụ́ osusu.

1 Anịkọrịntị 10:11

Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị.

1 Anịkọrịntị 10:6

Avaba ẹnẹẹ vị ana aa kà yị ọnọ ka asị i ne sì ka yaa mẹ̀ ịsa odivi, anka aza ẹnẹẹ mẹ̀ẹ̄ mẹ.

Ijosuwa 23:4

Dị ọnị raà ga ẹtẹ anẹkụra ene wusu ọnịrị ana yara yị ịrẹsụ-ịrẹsụ Anisirẹrị nịnị hụrị Okuha Ịjọdanị na ngụ Òkū Imeditareniya.